ಸಿಂಹದ ಮರಿ ಸಾಕಿದ್ದವನ ಬಂಧನ
Team Udayavani, Nov 14, 2018, 9:45 AM IST
ದುಬಾರಿ ಮತ್ತು ಅಪರೂಪದ ತಳಿಯ ನಾಯಿ, ಬೆಕ್ಕು ಸಾಕುವುದು ಜನರಿಗೆ ಶೋಕಿಯ ವಿಷಯವಾಗಿದ್ದ ಕಾಲ ಎಂದೂ ಹೋಯಿತು. ಈಗೇನಿದ್ದರೂ ಕಾಡಿನ ಮೃಗಗಳನ್ನು ಪಳಗಿಸಿ ಸಾಕುವುದು ಶ್ರೀಮಂತರ ಶೋಕಿಯಾಗಿದೆ. ಇದನ್ನೇಕೆ ಹೇಳುತ್ತಿದ್ದೇವೆ ಎಂದರೆ,
ಪ್ಯಾರಿಸ್ನ ಜನನಿಬಿಡ ಬೀದಿಯೊಂದರಲ್ಲಿ ಐಷಾರಾಮಿ ಲ್ಯಾಂಬೊರ್ಗಿನಿ ಕಾರಿನಿಂದ ಸುಮಾರು 2 ತಿಂಗಳ ಸಿಂಹದ ಮರಿಯನ್ನು ಅಲ್ಲಿಯ ಪೊಲೀಸರು ವಶಪಡಿಸಿಕೊಂಡಿದ್ದಾರೆ. ಕಾರಿನ ಚಾಲಕನನ್ನು ಪೊಲೀಸರು ಬಂಧಿಸಿದ್ದಾರೆ. ಆತನಿಗೆ 6 ತಿಂಗಳ ಸಜೆ ವಿಧಿಸಿದ್ದಾರೆ.ಬಂಧಿತ ವ್ಯಕ್ತಿ ಇನ್ನೂ ಮೂರು ಸಿಂಹದ ಮರಿಗಳನ್ನು ಸಾಕಿರುವುದು ವಿಚಾರಣೆ ವೇಳೆ ತಿಳಿದುಬಂದಿದೆ. ಕಳೆದ ತಿಂಗಳಷ್ಟೇ ವ್ಯಕ್ತಿಯೊಬ್ಬರ ಗ್ಯಾರೇಜ್ನಲ್ಲಿ ಪುಟ್ಟ ಸಿಂಹದ ಮರಿಯೊಂದು ಪತ್ತೆಯಾಗಿತ್ತು.