ಅಮೆರಿಕ ಅಡ್ಡಿ ಮಾಡಿದರೆ ತೈಲ ಮಾರಾಟಕ್ಕೆ ತಡೆ
Team Udayavani, Dec 5, 2018, 9:05 AM IST
ಜಿನೀವಾ: ಕಠಿನಾತಿಕಠಿನ ಆರ್ಥಿಕ ದಿಗ್ಬಂಧಗಳ ವಿರುದ್ಧ ಖಡಕ್ ಪ್ರತಿಕ್ರಿಯೆ ನೀಡಿರುವ ಇರಾನ್, ಅಮೆರಿಕಕ್ಕೆ ಎಚ್ಚರಿಕೆಯ ಸಂದೇಶ ರವಾನಿಸಿದೆ. ಇರಾನ್ನಿಂದ ಕಚ್ಚಾತೈಲ ರಫ್ತಿಗೆ ಅಡ್ಡಿಪಡಿಸಿದ್ದೇ ಆದಲ್ಲಿ, ಪರ್ಶಿಯನ್ ಗಲ್ಫ್ ಪ್ರದೇಶದಿಂದ ಯಾವುದೇ ದೇಶಕ್ಕೆ ಒಂದು ಹನಿ ತೈಲವೂ ರಫ್ತಾಗದಂತೆ ನೋಡಿಕೊಳ್ಳುತ್ತೇವೆ ಎಂದು ಇರಾನ್ ಅಧ್ಯಕ್ಷ ಹಸನ್ ರೊಹಾನಿ ಎಚ್ಚರಿಕೆ ನೀಡಿದ್ದಾರೆ.
ಇರಾನ್ನ ಶಹ್ರೌಂಡ್ ನಗರದಲ್ಲಿ ಮಂಗಳವಾರ ಮಾತನಾಡಿದ ಅವರು, ‘ನಾವು ಇತರ ದೇಶಗಳಿಗೆ ಕಚ್ಚಾ ತೈಲ ಮಾರಾಟ ಮಾಡಿಯೇ ತೀರುತ್ತೇವೆ ಎನ್ನುವುದನ್ನು ಅಮೆರಿಕ ಮನಗಾಣಬೇಕು. ಒಂದು ವೇಳೆ ಅದಕ್ಕೆ ಅಮೆರಿಕ ತಡೆಯೊಡ್ಡಿದರೆ, ಪರ್ಶಿಯನ್ ಕೊಲ್ಲಿ ಪ್ರದೇಶದಿಂದ ಯಾವುದೇ ರಾಷ್ಟ್ರಕ್ಕೆ ಕಚ್ಚಾ ತೈಲ ರಫ್ತಾಗದಂತೆ ಮಾಡುತ್ತೇವೆ’ ಎಂದು ತೀಕ್ಷ್ಣ ಎಚ್ಚರಿಕೆ ನೀಡಿದ್ದಾರೆ. ದೇಶದ ಅರ್ಥ ವ್ಯವಸ್ಥೆಯನ್ನು ಪತನ ಮಾಡುವ ಅಮೆರಿಕದ ಪ್ರಯತ್ನ ನಡೆಯದು ಎಂದೂ ಅವರು ಹೇಳಿದ್ದಾರೆ. ಜುಲೈಯಲ್ಲಿ ಕೂಡ ಇದೇ ರೀತಿಯ ಎಚ್ಚರಿಕೆ ನೀಡಿದ್ದ ರೊಹಾನಿ, ಅಮೆರಿಕ ಸಿಂಹದ ಬಾಲ ತುಳಿಯುವ ಪ್ರಯತ್ನ ಮಾಡಬಾರದು ಎಂದಿದ್ದರು.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
ದೆಹಲಿಯ 50 ಕ್ಕೂ ಹೆಚ್ಚಿನ ಶಾಲೆಗಳಿಗೆ ಬಾಂಬ್ ಬೆದರಿಕೆ ಇ-ಮೇಲ್: ಪೋಷಕರಿಗೆ ಆತಂಕ
W.Bengal; ಮುಸ್ಲಿಂ ಮುನಿಸಿಗೆ ಮಂದಿರಕ್ಕೆ ಬಾರದ ಮಮತಾ: ಅಮಿತ್ ಶಾ
1500 for women: ಆಂಧ್ರದಲ್ಲಿ ಕರ್ನಾಟಕ ಮಾದರಿ ಎನ್ಡಿಎ ಗ್ಯಾರಂಟಿ
Election; ಮೊಹಬ್ಬತ್ ಕೀ ದುಕಾನ್ನಲ್ಲಿ ಫೇಕ್ ವೀಡಿಯೋಗಳು ಮಾರಾಟ: ಮೋದಿ
Supreme Court; ಪತಂಜಲಿ ಆಯ್ತು, ಈಗ ಐಎಂಎ ವಿರುದ್ಧ ಸುಪ್ರೀಂ ಕೋರ್ಟ್ ಗರಂ