ಟಿ20: ವಿಂಡೀಸಿಗೆ ವೈಟ್ವಾಶ್ ಮುಖಭಂಗ
Team Udayavani, Mar 12, 2019, 12:30 AM IST
ಬಸೆಟರ್ (ಸೇಂಟ್ ಕಿಟ್ಸ್): ಎರಡು ಬಾರಿಯ ಟಿ20 ವಿಶ್ವ ಚಾಂಪಿಯನ್ ವೆಸ್ಟ್ ಇಂಡೀಸ್ ತವರಿನಲ್ಲೇ ಕ್ಲೀನ್ಸ್ವೀಪ್ ಅವಮಾನಕ್ಕೆ ಸಿಲುಕಿದೆ. ಪ್ರವಾಸಿ ಇಂಗ್ಲೆಂಡ್ ವಿರುದ್ಧ ಇಲ್ಲಿನ “ವಾರ್ನರ್ ಪಾರ್ಕ್’ನಲ್ಲಿ ನಡೆದ 3ನೇ ಹಾಗೂ ಅಂತಿಮ ಪಂದ್ಯದಲ್ಲಿ ವಿಂಡೀಸ್ 8 ವಿಕೆಟ್ಗಳ ಆಘಾತಕ್ಕೆ ಸಿಲುಕಿತು.
ಮತ್ತೂಂದು ಶೋಚನೀಯ ಬ್ಯಾಟಿಂಗ್ ವೈಫಲ್ಯಕ್ಕೆ ಸಿಲುಕಿದ ವೆಸ್ಟ್ ಇಂಡೀಸ್ 13 ಓವರ್ಗಳಲ್ಲಿ 71 ರನ್ನಿಗೆ ಆಲೌಟ್ ಆಯಿತು. ಇಂಗ್ಲೆಂಡ್ 10.3 ಓವರ್ಗಳಲ್ಲಿ 2 ವಿಕೆಟಿಗೆ 72 ರನ್ ಬಾರಿಸಿ ವೈಟ್ವಾಶ್ ಪ್ರಕ್ರಿಯೆಯನ್ನು ಪೂರ್ತಿಗೊಳಿಸಿತು.
ದ್ವಿತೀಯ ಪಂದ್ಯದಲ್ಲಿ 45 ರನ್ನಿಗೆ ದಿಂಡುರುಳಿದ್ದ ವೆಸ್ಟ್ ಇಂಡೀಸ್, ಅಂತಿಮ ಪಂದ್ಯದಲ್ಲೂ ಬ್ಯಾಟಿಂಗ್ ಮರೆತವರಂತೆ ಆಡಿತು. ಡೇವಿಡ್ ವಿಲ್ಲಿ (7ಕ್ಕೆ 4), ಮಾರ್ಕ್ ವುಡ್ (9ಕ್ಕೆ 3), ಆದಿಲ್ ರಶೀದ್ (18ಕ್ಕೆ 2) ದಾಳಿಗೆ ತತ್ತರಿಸಿತು. 4 ಮಂದಿ ಎರಡಂಕೆಯ ಗಡಿ ತಲುಪಿದರು. ಜಾನ್ ಕ್ಯಾಂಪ್ಬೆಲ್, ನಾಯಕ ಜಾಸನ್ ಹೋಲ್ಡರ್ ಮತ್ತು ನಿಕೋಲಸ್ ಪೂರಣ್ ತಲಾ 11 ರನ್ ಮಾಡಿದರೆ, ಕೊನೆಯ ಆಟಗಾರ ಒಬೆಡ್ ಮೆಕಾಯ್ 10 ರನ್ ಗಳಿಸಿದರು.
ಚೇಸಿಂಗ್ ವೇಳೆ ಇಂಗ್ಲೆಂಡ್ ಆರಂಭಿಕರಾದ ಅಲೆಕ್ಸ್ ಹೇಲ್ಸ್ (20) ಮತ್ತು ಜಾನಿ ಬೇರ್ಸ್ಟೊ (37) ವಿಕೆಟ್ ಕಳೆದುಕೊಂಡಿತು. ಡೇವಿಡ್ ವಿಲ್ಲಿ ಪಂದ್ಯಶ್ರೇಷ್ಠ, ಕ್ರಿಸ್ ಜೋರ್ಡನ್ ಸರಣಿಶ್ರೇಷ್ಠ ಗೌರವಕ್ಕೆ ಪಾತ್ರರಾದರು.
ಸಂಕ್ಷಿಪ್ತ ಸ್ಕೋರ್: ವೆಸ್ಟ್ ಇಂಡೀಸ್-13 ಓವರ್ಗಳಲ್ಲಿ 71 (ಕ್ಯಾಂಪ್ಬೆಲ್ 11, ಹೋಲ್ಡರ್ 11, ಪೂರಣ್ 11, ವಿಲ್ಲಿ 7ಕ್ಕೆ 4, ವುಡ್ 9ಕ್ಕೆ 3). ಇಂಗ್ಲೆಂಡ್-10.3 ಓವರ್ಗಳಲ್ಲಿ 2 ವಿಕೆಟಿಗೆ 72 (ಬೇರ್ಸ್ಟೊ 37, ಹೇಲ್ಸ್ 20, ಬಿಶೂ 11ಕ್ಕೆ 1, ಹೋಲ್ಡರ್ 19ಕ್ಕೆ 1). ಪಂದ್ಯಶ್ರೇಷ್ಠ: ಡೇವಿಡ್ ವಿಲ್ಲಿ. ಸರಣಿಶ್ರೇಷ್ಠ: ಕ್ರಿಸ್ ಜೋರ್ಡನ್.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
IPL ; ಲಕ್ನೋ ವಿರುದ್ಧ ಕೆಕೆಆರ್ ಗೆ 98 ರನ್ ಜಯ; ಅಂಕಪಟ್ಟಿಯಲ್ಲಿ ಅಗ್ರ ಸ್ಥಾನ
IPL; ಪಂಜಾಬ್ ವಿರುದ್ಧ ಚೆನ್ನೈ ಸೂಪರ್ ಕಿಂಗ್ಸ್ ಗೆ 28 ರನ್ಗಳ ಜಯ
IPL: ಪ್ಲೇ ಆಫ್ ರೇಸ್ ನಡುವೆಯೇ ಚೆನ್ನೈ ತಂಡಕ್ಕೆ ಆಘಾತ; ತವರಿಗೆ ಮರಳಿದ ಸ್ಟಾರ್ ಬೌಲರ್
RCB ವೆಂಟಿಲೇಟರ್ ಆಫ್ ಮಾಡಲಾಗಿದೆ, ಆದರೂ ಐಸಿಯುನಲ್ಲಿದೆ: ಅಜಯ್ ಜಡೇಜಾ
ICC ಚಾಂಪಿಯನ್ಸ್ ಟ್ರೋಫಿ ಆಡದಿದ್ದರೆ ಭಾರತ ತಂಡದ ಮೇಲೆ ಪರಿಣಾಮ: ಪಾಕ್ನ ರಶೀದ್ ಲತೀಫ್
MUST WATCH
ಹೊಸ ಸೇರ್ಪಡೆ
Prajwal Revanna ಗೆದ್ದರೆ ಎನ್ಡಿಎಯಿಂದ ಕ್ರಮ: ಆರ್. ಅಶೋಕ್
ಮತಗಟ್ಟೆ ಧ್ವಂಸ: ಕಾಡಲ್ಲಿ ಅವಿತಿದ್ದವರಿಗೆ ಧೈರ್ಯ ತುಂಬಿ ಗ್ರಾಮಕ್ಕೆ ಕರೆತಂದ ಅಧಿಕಾರಿಗಳು
ದೇವೇಗೌಡರಿಗೆ ನೋವಾಗಿದ್ದರೆ ಏನೂ ಮಾಡಲಾಗದು: ಚೆಲುವರಾಯಸ್ವಾಮಿ
NEET Exam; ರಾಜ್ಯದಲ್ಲಿ ಸುಗಮವಾಗಿ ನಡೆದ ನೀಟ್ ಪರೀಕ್ಷೆ
IPL ; ಲಕ್ನೋ ವಿರುದ್ಧ ಕೆಕೆಆರ್ ಗೆ 98 ರನ್ ಜಯ; ಅಂಕಪಟ್ಟಿಯಲ್ಲಿ ಅಗ್ರ ಸ್ಥಾನ