IPL ಹೋಗಲಿ… RCB ಬೀಳಲಿ… ಲವ್ವಲ್ಲಿ ಈ ಸಲ ‘ಕಪ್ಪು ನಮ್ದೇ’!
ನನ್ನ ಹಾರ್ಟ್ ‘ಚೂರ್ ಚೂರಾಗಿದೆ’ ಎಂದು ಲವ್ವಲ್ಲಿ ಬಿದ್ದ ‘ಪಡ್ಡೆ ಹುಲಿ’
Team Udayavani, Mar 24, 2019, 3:38 PM IST
ಗಂಡುಗಲಿ ಕೆ. ಮಂಜು ಅವರ ಪುತ್ರ ಶ್ರೇಯಸ್ ಮಂಜು ಅವರ ಅರಂಗೇಟ್ರಂ ಮೂವಿ ‘ಪಡ್ಡೆ ಹುಲಿ’ ಈಗಾಗಲೇ ತನ್ನ ವೆರೈಟಿ ಸಾಂಗ್ ಗಳಿಂದ ಚಿತ್ರರಸಿಕರ ಮನ ಗೆದ್ದಿದೆ. ದುರ್ಗದ ಕೋಟೆಯ ಮೇಲೆ ವಿಶೇಷವಾಗಿ ಚಿತ್ರಿಸಿರುವ ಹಾಡಾಗಿರಬಹುದು, ವ್ಯಾಲೈಂಟಿನ್ ಡೇ ಸ್ಪೆಷಲ್ ಸಾಂಗ್ ಆಗಿರರ್ಬಹುದು ಹೀಗೆ ‘ಪಡ್ಡೆ ಹುಲಿ’ ಚಿತ್ರದ ಒಂದೊಂದು ಹಾಡೂ ಸಹ ತನ್ನ ಮೇಕಿಂಗ್ ಮತ್ತು ಲಿರಿಕ್ಸ್ ನಿಂದ ಗಮನ ಸೆಳೆಯುತ್ತಿದೆ. ಇನ್ನು ಯುವ ನಾಯಕ ಶ್ರೇಯಸ್ ಮತ್ತು ಚಾರ್ಮಿಂಗ್ ನಾಯಕ ನಿಶ್ವಿಕಾ ನಾಯ್ಡು ಅವರ ಕಾಂಬಿನೇಷನ್ ಸಹ ಸೂಪರ್ ಆಗಿದೆ.
ಇದೀಗ ಇನ್ನೊಂದು ಮಾಸ್ ಲವ್ಸಾಂಗ್ ಭರ್ಜರಿಯಾಗಿ ಮೂಡಿಬಂದಿದ್ದು, ಜೋಶ್ ತುಂಬಿರುವ ಈ ಲಿರಿಕ್ಸ್ ಗೆ ಶ್ರೇಯಸ್ ಮತ್ತು ನಿಶ್ವಿಕಾ ಅವರು ಭರ್ಜರಿಯಾಗಿ ಸ್ಟೆಪ್ ಹಾಕಿದ್ದಾರೆ. ‘ಚೂರ್ ಚೂರಾಗಿದೆ ಚೂರಾಗಿ ಹೋಗಿದೆ ನನ್ನ ಹಾರ್ಟು’ ಎಂಬ ಸಾಲಿನಿಂದ ಪ್ರಾರಂಭವಾಗುವ ಈ ಸಾಂಗ್ ತನ್ನ ಭರ್ಜರಿ ಬೀಟ್ಸ್ಗಳಿಂದ ಗಮನಸೆಳೆಯುತ್ತದೆ. ‘ಐಪಿಎಲ್ ಹೋಗಲಿ ಆರ್.ಸಿ.ಬಿ. ಬೀಳಲಿ ಲವ್ವಲ್ಲಿ ಈ ಸಲ ಕಪ್ಪು ನಮ್ದೇ’ ಎನ್ನುವ ಸಾಲು ಐಪಿಎಲ್ ಸೀಸನ್ ಗೆ ಹೇಳಿ ಬರೆಸಿದಂತಿದೆ!. ಪುನೀತ್ ಆರ್ಯ ಅವರು ಬರೆದಿರುವ ಈ ಹಾಡನ್ನು ಅಜನೀಶ್ ಲೋಕನಾಥ್ ಮತ್ತು ಸಿ.ಆರ್. ಬಾಬಿ ಅವರು ಹಾಡಿದ್ದಾರೆ.
ಒಟ್ಟಿನಲ್ಲಿ ಯುವ ಪ್ರೇಮಿಗಳನ್ನು ಹುಚ್ಚೆಬ್ಬಿಸುವ ಸಾಲುಗಳು, ವಿಷ್ಣು-ಸುಹಾಸಿನಿ ಕಾಂಬಿನೇಷನ್ ನೆನಪು, ಪಡ್ಡೆಹುಲಿ ಹುಡುಗ ಮತ್ತು ಆತನ ಚಿಗರೆಯ ಭರ್ಜರಿ ಸ್ಟೆಪ್ಸ್, ಇವೆಲ್ಲಾ ‘ಚೂರ್ ಚೂರಾಗಿದೆ’ ಹಾಡನ್ನು ರಿಚ್ ಆಗಿಸುವಲ್ಲಿ ಯಶಸ್ವಿಯಾಗಿವೆ. ಗುರು ದೇಶಪಾಂಡೆ ಅವರ ನಿರ್ದೇಶನದಲ್ಲಿ ಮೂಡಿಬರುತ್ತಿರುವ ‘ಪಡ್ಡೆಹುಲಿ’ ಚಿತ್ರಕ್ಕೆ ಅಜನೀಶ್ ಲೋಕನಾಥ್ ಅವರು ಸಂಗೀತ ನೀಡಿದ್ದಾರೆ. ತೇಜಸ್ವಿನಿ ಎಂಟರ್ ಪ್ರೈಸಸ್ ಬ್ಯಾನರ್ ನಡಿಯಲ್ಲಿ ಈ ಚಿತ್ರ ಮೂಡಿಬರುತ್ತಿದೆ.