ಉರುಗ್ವೆಯನ್ನು ಉರುಳಿಸಿದ ಪೆರು
ಪೆನಾಲ್ಟಿ ಶೂಟೌಟ್ನಲ್ಲಿ ಪೆರು ಪರಾಕ್ರಮ
Team Udayavani, Jul 1, 2019, 9:48 AM IST
ಸಾಲ್ವಡೋರ್: ಗೋಲ್ಕೀಪರ್ ಪೆಡ್ರೊ ಗಾಲೆಸ್ ಅವರ ಅಮೋಘ ನಿರ್ವಹಣೆಯಿಂದಾಗಿ ಪೆನಾಲ್ಟಿ ಶೂಟೌಟ್ನಲ್ಲಿ ಉರುಗ್ವೆ ತಂಡವನ್ನು ಸೋಲಿಸಿದ ಪೆರು “ಕೊಪಾ ಅಮೆರಿಕ ಫುಟ್ಬಾಲ್’ ಪಂದ್ಯಾಟದಲ್ಲಿ ಸೆಮಿಫೈನಲ್ ಹಂತಕ್ಕೇರಿತು.
ಲೂಯಿಸ್ ಸೂರೆಜ್ ಅವರ ಸ್ಪಾಟ್ ಕಿಕ್ ಹೊಡೆತವನ್ನು ಗಾಲೆಸ್ ರಕ್ಷಿಸಿದ ಬಳಿಕ ಎಡಿಸನ್ ಫ್ಲೋರ್ ನಿರ್ಣಾಯಕ ಪೆನಾಲ್ಟಿಯಲ್ಲಿ ಗೋಲು ಹೊಡೆದೊಡನೆ ಪೆರು ವಿಜಯೋತ್ಸವ ಆಚರಿಸಿತು. ಇದರೊಂದಿಗೆ ಕಳೆದ 4 ಕೂಟಗಳಲ್ಲಿ ಪೆರು ಮೂರನೇ ಬಾರಿ ಸೆಮಿಫೈನಲಿಗೇರಿದ ಸಾಧನೆ ಮಾಡಿದೆ.
ಸೆಮಿಯಲ್ಲಿ ಚಿಲಿ ಎದುರಾಳಿ
ಪೆರು ಬುಧವಾರ ನಡೆಯುವ ಎರಡನೇ ಸೆಮಿಫೈನಲ್ ಹೋರಾಟದಲ್ಲಿ ಚಿಲಿ ತಂಡದ ಸವಾಲನ್ನು ಎದುರಿಸಲಿದೆ. ಚಿಲಿ ಮೊದಲ ಕ್ವಾರ್ಟರ್ ಫೈನಲ್ ಪಂದ್ಯದಲ್ಲಿ ಪೆನಾಲ್ಟಿ ಶೂಟೌಟ್ನಲ್ಲಿಯೇ ಕೊಲಂಬಿಯವನ್ನು 5-4 ಗೋಲುಗಳಿಂದ ಸೋಲಿಸಿತ್ತು.
1939 ಮತ್ತು 1975ರಲ್ಲಿ ಪ್ರಶಸ್ತಿ ಗೆದ್ದಿರುವ ಪೆರು, 4 ವರ್ಷಗಳ ಹಿಂದೆ ನಡೆದ ಕೊಪಾ ಪಂದ್ಯಾಟದ ಸೆಮಿಫೈನಲ್ನಲ್ಲಿ ಚಿಲಿಗೆ ಶರಣಾಗಿತ್ತು. ಈ ಬಾರಿ ಸೇಡು ತೀರಿಸಿಕೊಳ್ಳುವ ಅವಕಾಶ ಪೆರುಗೆ ಲಭಿಸಿದೆ.
ಇನ್ನೊಂದು ಸೆಮಿಫೈನಲ್ ಪಂದ್ಯ ಆತಿಥೇಯ ಬ್ರಝಿಲ್ ಮತ್ತು ಆರ್ಜೆಂಟೀನಾ ತಂಡಗಳ ನಡುವೆ ನಡೆಯಲಿದೆ. ಬ್ರಝಿಲ್ ಕ್ವಾರ್ಟರ್ ಫೈನಲ್ನಲ್ಲಿ ಪರಗ್ವೆಯನ್ನು ಪೆನಾಲ್ಟಿ ಶೂಟೌಟ್ನಲ್ಲಿಯೇ ಉರುಳಿಸಿತ್ತು. ಆರ್ಜೆಂಟೀನಾ ಪಡೆ ವೆನೆಜುವೇಲ ತಂಡವನ್ನು 2-0 ಗೋಲುಗಳಿಂದ ಕೆಡವಿತ್ತು.
ಈ ಕೂಟದ 3 ಕ್ವಾರ್ಟರ್ ಫೈನಲ್ ಪಂದ್ಯಗಳು ನಿಗದಿತ ಅವಧಿಯಲ್ಲಿ ಗೋಲುರಹಿತವಾಗಿದ್ದವು ಮತ್ತು ಪೆನಾಲ್ಟಿ ಶೂಟೌಟ್ನಲ್ಲಿ ಫಲಿತಾಂಶ ಬಂದಿತ್ತು. ಆರ್ಜೆಂಟೀನಾ-ವೆನೆಜುವೇಲ ನಡುವಣ ಕ್ವಾರ್ಟರ್ ಫೈನಲ್ ಪಂದ್ಯ ಮಾತ್ರ ನಿಗದಿತ ಅವಧಿಯಲ್ಲಿ ಸ್ಪಷ್ಟ ಫಲಿತಾಂಶದೊಂದಿಗೆ ಮುಗಿದಿತ್ತು
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
T20 ಸರಣಿ; ಬಾಂಗ್ಲಾ ಎದುರು ಭಾರತ ವನಿತೆಯರಿಗೆ 56 ರನ್ ಗೆಲುವು: 4-0 ಮುನ್ನಡೆ
Pakistan ಟಿ20 ವಿಶ್ವಕಪ್ ಗೆದ್ದರೆ ಪ್ರತಿ ಆಟಗಾರರಿಗೆ 1 ಲಕ್ಷ ಡಾಲರ್ ಬಹುಮಾನ
Table Tennis Star; ಬಾಳ್ವೆಯ ದೊಡ್ಡ ಗೆಲುವು ದಾಖಲಿಸಿದ ಮನಿಕಾ ಬಾತ್ರ
IPL; ಸೂರ್ಯ ಶತಕದ ಪ್ರತಾಪ: ಹೈದರಾಬಾದ್ ವಿರುದ್ಧ ಮುಂಬೈಗೆ 7 ವಿಕೆಟ್ ಜಯ
HPCA; ಧರ್ಮಶಾಲಾದಲ್ಲಿ ಭಾರತದ ಮೊದಲ ಹೈಬ್ರಿಡ್ ಪಿಚ್ ಅನಾವರಣ; ಏನಿದು ಹೊಸ ಆವಿಷ್ಕಾರ?