ಪ್ರಪಂಚದಲ್ಲೇ ಅತ್ಯಂತ ದೊಡ್ಡ ಉಭಯವಾಸಿ ಪತ್ತೆ
Team Udayavani, Sep 19, 2019, 6:53 PM IST
ಹೊಸದಾಗಿ ಉಭಯವಾಸಿ ಜೀವಿಯೊಂದು ಪತ್ತೆಯಾಗಿದೆ. ಇದು ಈಗ ಪ್ರಪಂಚದಲ್ಲೇ ಅತಿ ದೊಡ್ಡ ಉಭಯವಾಸಿ ಜೀವಿ ಎಂಬ ಖ್ಯಾತಿ ಪಡೆದಿದೆ. ಈ ಜೀವಿಯ ಹೆಸರು ಸಾಲಮಂಡರ್
(ಹಲ್ಲಿ ಜಾತಿಗೆ ಸೇರಿದ ದೈತ್ಯ ಪ್ರಾಣಿ). 5 ಅಡಿಗೂ ಹೆಚ್ಚು ಬೆಳೆಯುತ್ತಿದ್ದ ಚೈನೀಸ್ ಸಾಲಮಂಡರ್ ಅನ್ನು ಈವರೆಗೂ ಅತ್ಯಂತ ದೊಡ್ಡ ಉಭಯವಾಸಿ ಎಂದು ಭಾವಿಸಲಾಗಿತ್ತು.
ಝೂವಲಾಜಿಕಲ್ ಸೊಸೈಟಿ ಆಫ್ ಲಂಡನ್ ಮತ್ತು ಲಂಡನ್ ನ್ಯಾಚುರಲ್ ಹಿಸ್ಟರಿ ಮ್ಯೂಸಿಯಂ ಅಳಿದು ಹೋಗಿದ್ದ ಚೈನೀಸ್ ಸಾಲಮಂಡರ್ಗಳ ಡಿಎನ್ಎ ಜೊತೆಗೆ ಈಗ ಹೊಸದಾಗಿ ಪತ್ತೆಯಾಗಿರುವ ಸಾಲಮಂಡರ್ ಡಿಎನ್ಎ ಹೋಲಿಸಿದಾಗ ಇದು ಕೂಡ ಅದೇ ಜಾತಿಗೆ ಸೇರಿದ ಅದಕ್ಕಿಂತಲೂ ದೈತ್ಯ ಸಾಲಮಂಡರ್ ಎಂದು ತಿಳಿದುಬಂದಿದೆ.