ಅಮೆರಿಕ ವಿರುದ್ಧ ಚೀನಗೆ ಸಿಕ್ಕಿತು ಗೆಲುವು

Team Udayavani, Nov 2, 2019, 11:20 PM IST

ಬೀಜಿಂಗ್‌: ಅಮೆರಿಕ ವಿರುದ್ಧ ಚೀನ 3.6 ಶತಕೋಟಿ ಡಾಲರ್‌ ಮೊತ್ತದ ದಂಡ ವಿಧಿಸುವ ಪ್ರಸ್ತಾಪಕ್ಕೆ ವಿಶ್ವ ವಾಣಿಜ್ಯ ಸಂಘಟನೆ ಅನುಮೋದನೆ ನೀಡಿದೆ.

ಇದರಿಂದಾಗಿ ಅಮೆರಿಕ ವಿರುದ್ಧ ಚೀನ ದೊಡ್ಡ ವಾಣಿಜ್ಯ ಪ್ರಕರಣದಲ್ಲಿ ಜಯ ಗಳಿಸಿದಂತಾಗಿದೆ. ಅಮೆರಿಕವು ಆ್ಯಂಟಿ-ಡಂಪಿಂಗ್‌ ನಿಯಮ ಉಲ್ಲಂಘನೆ ಮಾಡಿದ್ದಕ್ಕಾಗಿ ಈ ದಂಡ ವಿಧಿಸಲಾಗಿದೆ. ಪ್ರಸ್ತಾವಿತ ದಂಡ ಮೊತ್ತ ವಿಶ್ವ ವಾಣಿಜ್ಯ ಸಂಘಟನೆಯ ಇತಿಹಾಸ ದಲ್ಲಿಯೇ ಮೂರನೇ ಅತ್ಯಂತ ದೊಡ್ಡದು.

ವಾಣಿಜ್ಯ ಸಂಘಟನೆಯ ಈ ತೀರ್ಪಿನಿಂದಾಗಿ ಸದ್ಯ 2 ದೇಶಗಳ ನಡುವೆ ನಡೆಯುತ್ತಿರುವ ವಾಣಿಜ್ಯ ಸುಂಕ ಸಮರದ ಮಾತುಕತೆ ಪ್ರಕ್ರಿಯೆ ಮೇಲೆ ಪ್ರತಿಕೂಲ ಪರಿಣಾಮ ಬೀರುವ ಸಾಧ್ಯತೆ ಅಧಿಕವಾಗಿದೆ. ಆದರೆ ವಾಣಿಜ್ಯ ಸಂಘಟನೆ ನೀಡಿರುವ ತೀರ್ಪು ಸದ್ಯ ನಡೆಯುತ್ತಿರುವ ಸುಂಕ ಸಮರ ವ್ಯಾಪ್ತಿಯಿಂದ ಹೊರತಾಗಿದೆ.