ರೈಲ್ವೇ ನಿಯಮ ಉಲ್ಲಂಘಿಸಿದರೆ ಬೊಗಳುತ್ತೆ ಈ ನಾಯಿ
Team Udayavani, Nov 20, 2019, 6:24 AM IST
ರೈಲ್ವೇ ಸುರಕ್ಷತೆ ಕುರಿತು ಜನರಿಗೆ ಎಷ್ಟೇ ತಿಳಿ ಹೇಳಿದರೂ ಅದು ಅವರ ತಲೆಗೆ ನಾಟುವುದೇ ಇಲ್ಲ. ಆದರೆ ಇಲ್ಲೊಂದು ನಾಯಿಗೆ ರೈಲಿನ ಸುರಕ್ಷತೆ ಕುರಿತು ಸ್ಪಷ್ಟ ತಿಳಿವಳಿಕೆ ಇದೆ. ಅದು ಜನರನ್ನು ರೈಲು ದುರಂತದಿಂದ ತಪ್ಪಿಸುವ ಕೆಲಸವನ್ನೂ ಪ್ರತಿದಿನ ಮಾಡುತ್ತಿದೆ.
ಈ ನಾಯಿ ಚೆನ್ನೈನ ಪಾರ್ಕ್ ಟೌನ್ ರೈಲ್ವೇ ನಿಲ್ದಾಣದಲ್ಲಿ ರೈಲ್ವೇ ಸುರಕ್ಷತಾ ಪಡೆ ಸಿಬ್ಬಂದಿ ಜೊತೆ ಪ್ರತಿದಿನ ಕೆಲಸ ಮಾಡುತ್ತಿದೆ. ಮಾನವರಹಿತ ಕ್ರಾಸಿಂಗ್ ದಾಟುವವರಿಗೆ, ರೈಲು ಚಲಿಸುವಾಗ ಓಡಿಹೋಗಿ ರೈಲು ಹತ್ತುವವರಿಗೆ, ರೈಲಿನ ಬಾಗಿಲಿಗೆ ಜೋತು ಬೀಳುವವರಿಗೆ ಬೊಗಳಿ ಎಚ್ಚರಿಸುತ್ತದೆ. ಇದು ಯಾವತ್ತು ಪ್ರಯಾಣಿಕರಿಗೆ ತೊಂದರೆ ಮಾಡಿಲ್ಲ ಎನ್ನುತ್ತಾರೆ ಅಲ್ಲಿಯ ಸಿಬ್ಬಂದಿ.