ಟೊಮೆಟೊ ಆಭರಣ ಧರಿಸಿದ ಪಾಕ್‌ ವಧು

Team Udayavani, Nov 21, 2019, 7:27 AM IST

ಭಾರೀ ಆಭರಣ ಧರಿಸಿರುವ ವಧುಗಳ ಫೋಟೊ ವೈರಲ್‌ ಆಗುವುದು ಸಾಮಾನ್ಯ, ಅದೇ ರೀತಿ ಪಾಕಿಸ್ತಾನಿ ವಧುವೊಬ್ಬಳ ಫೋಟೊ ಕೂಡ ಆಭರಣದ ಕಾರಣಕ್ಕೆ ಭಾರಿ ವೈರಲ್‌ ಆಗಿದೆ. ಹಾಗಂತ ಆಕೆ ಮಣಗಟ್ಟಲೆ ಚಿನ್ನ, ವಜ್ರಾಭರಣಗಳನ್ನು ಧರಿಸಿದ್ದಳು ಎಂದು ಭಾವಿಸಬೇಡಿ.

ಆಕೆ ಧರಿಸಿದ್ದು ಟೊಮೆಟೋ ಆಭರಣ! ಕತ್ತು, ಕೈ, ಕಿವಿ ಎಲ್ಲದಕ್ಕೂ ಆಕೆ ಟೋಮೆಟೊ ಪೋಣಿಸಿ ಹಾಕಿಕೊಂಡಿದ್ದಳು. ಅದಕ್ಕೊಂದು ಕಾರಣ ಕೂಡಾ ಇತ್ತು. ಪಾಕಿಸ್ತಾನದ ಹಲವೆಡೆ ಟೊಮೆಟೊ ಕೇಜಿಗೆ 300 ರೂ. ತಲುಪಿದೆ. ವಧು ಹೇಳುವಂತೆ ಚಿನ್ನದ ಬೆಲೆ ಹೆಚ್ಚಾಗುತ್ತಿದೆ. ಅದಕ್ಕೆ ಪೈಪೋಟಿಯಂತೆ ಟೊಮೆಟೊ ಬೆಲೆಯೂ ಹೆಚ್ಚಾಗುತ್ತಿದೆ. ಟೊಮೆಟೊ ಕೂಡಾ ಬೆಲೆಬಾಳುವ ವಸ್ತುವೇ ಆದ್ದರಿಂದ ಅದನ್ನೇ ಧರಿಸಿದೆ ಎಂದಿದ್ದಾರೆ.