ಮದುವೆಗೆ ವರನೇ ಲೇಟಾಗಿ ಬಂದ್ರೆ ಏನಾಗುತ್ತೆ ಗೊತ್ತಾ?

Team Udayavani, Dec 9, 2019, 7:27 AM IST

ಸಾಂದರ್ಭಿಕ ಚಿತ್ರವನ್ನು ಬಳಸಲಾಗಿದೆ – Representative Image Used

ತನ್ನದೇ ಮದುವೆಗೆ ಲೇಟ್‌ ಆಗಿ ಬಂದರೆ ಏನಾಗಬಹುದು? ಉತ್ತರಪ್ರದೇಶದ ವರನೊಬ್ಬನಿಗೆ ಈ ಪ್ರಶ್ನೆಗೆ ಸರಿಯಾದ ಉತ್ತರ ಸಿಕ್ಕಿದೆ. ‘ಮದುಮಗ ಮದುವೆಗೆ ಲೇಟಾಗಿ ಬಂದ್ರೆ, ಮದುಮಗಳು ಬೇರೊಬ್ಬನೊಂದಿಗೆ ಸಪ್ತಪದಿ ತುಳಿಯಬಹುದು’ ಎಂಬುದೇ ಆ ಉತ್ತರ! ಹೌದು, ಇಲ್ಲಿನ ಬಿಜ್ನೋರ್‌ ಜಿಲ್ಲೆಯಲ್ಲಿ ನಡೆದ ನೈಜ ಘಟನೆಯಿದು.

ಮಧ್ಯಾಹ್ನ 2 ಗಂಟೆಗೆ ಮುಹೂರ್ತ ಫಿಕ್ಸ್‌ ಆಗಿತ್ತು. ವರ ಮೆರವಣಿಗೆಯಲ್ಲಿ ಬರಬೇಕಿತ್ತು. ಆದರೆ, ರಾತ್ರಿಯಾದರೂ ಮದುಮಗನ ಪತ್ತೆಯೇ ಇಲ್ಲ. ವಧುವಿನ ಕುಟುಂಬ ಕಾದು ಕಾದು ಸುಸ್ತಾಯಿತು. ಕೊನೆಗೆ ವಧುವು ಸ್ಥಳೀಯ ಯುವಕನೊಬ್ಬನನ್ನು ವರಿಸಲು ನಿರ್ಧರಿಸಿ, ಅದೇ ಮಂಟಪದಲ್ಲಿ ನೆರೆದವರ ಸಮ್ಮುಖದಲ್ಲಿ ತಾಳಿ ಕಟ್ಟಿಸಿಕೊಂಡಳು.

ತಡರಾತ್ರಿ ಮದುಮಗ ಬಂದು ನೋಡುವಾಗ ಎಲ್ಲವೂ ಮುಗಿದಿತ್ತು. ಆದರೆ, ಇದರ ಹಿಂದೆ ವಧೂ ವರರ ಕುಟುಂಬದ ನಡುವೆ ವರದಕ್ಷಿಣೆ ವಿಚಾರದಲ್ಲಿನ ವೈಮನಸ್ಸು ಕೂಡ ಕೆಲಸ ಮಾಡಿದೆ ಎನ್ನಲಾಗಿದೆ. ಅಲ್ಲದೆ, ತಮ್ಮನ್ನು ವಧುವಿನ ಕಡೆಯವರೇ ಒತ್ತೆಯಲ್ಲಿಟ್ಟುಕೊಂಡಿದ್ದರು ಎಂದು ವರನೂ ಆರೋಪಿಸಿದ್ದಾನೆ. ‘ಸತ್ಯ’ ಗೊತ್ತಾಗುವ ಮೊದಲೇ ಮದುವೆ ಮುಗಿದಿದೆ.