ಜಪಾನ್‌, ದಕ್ಷಿಣ ಕೊರಿಯಾಗೆ ಹಬ್ಬಿದ‌ ಕೊರೋನಾ ವೈರಸ್‌

Team Udayavani, Jan 22, 2020, 8:00 AM IST

ಬ್ಯಾಂಕಾಕ್‌/ಬೀಜಿಂಗ್‌: ಸಾರ್ಸ್‌ ಮಾದರಿಯ ಕೊರೋನಾ ವೈರಸ್‌ ಈಗ ಏಷ್ಯಾದ ರಾಷ್ಟ್ರಗಳಿಗೂ ಹಬ್ಬು ತ್ತಿದೆ. ಬ್ಯಾಂಕಾಕ್‌ನಿಂದ ಹಾಂಕಾಂಗ್‌ವರೆಗೆ, ಸಿಯೋ ಲ್‌ನಿಂದ ಸಿಡ್ನಿವರೆಗೆ ವಿವಿಧ ರಾಷ್ಟ್ರಗಳ ಪ್ರಮುಖ ನಗರಗಳಲ್ಲಿ ಮತ್ತು ವಿಮಾನ ನಿಲ್ದಾಣದಲ್ಲಿ ಚಿಕಿತ್ಸೆಗಾಗಿ ವೈದ್ಯರ ತಂಡಗಳನ್ನು ನಿಯೋಜಿಸಲಾಗಿದೆ ಮತ್ತು ಕಟ್ಟೆಚ್ಚರ ಘೋಷಿಸಲಾಗಿದೆ.

ಚೀನದಲ್ಲಿ ಶುರುವಾಗಿದ್ದ ಈ ವಿಚಿತ್ರ ಸೋಂಕಿಗೆ ಇದುವರೆಗೆ ಆರು ಮಂದಿ ಬಲಿಯಾಗಿದ್ದಾರೆ. ಥಾಯ್ಲೆಂಡ್‌, ಜಪಾನ್‌ ಮತ್ತು ದಕ್ಷಿಣ ಕೊರಿಯಾಗಳ ಲ್ಲಿಯೂ ಕೊರೋನಾ ವೈರಸ್‌ ಕಂಡುಬಂದಿದೆ ಎಂದು ವಿಶ್ವ ಆರೋಗ್ಯ ಸಂಸ್ಥೆ ತಿಳಿಸಿದೆ.

ಥಾಯ್ಲೆಂಡ್‌ ಸರಕಾರ ಚೀನದಿಂದ ಆಗಮಿಸುವ ಪ್ರಯಾಣಿಕರಿಗೆ ಕಡ್ಡಾಯವಾಗಿ ವೈದ್ಯಕೀಯ ಪರೀಕ್ಷೆ ನಡೆಸಲು ಆದೇಶ ನೀಡಿದೆ. ಆ ದೇಶಕ್ಕೆ ಆಗಮಿಸಿದ ಇಬ್ಬರು ಚೀನ ನಾಗರಿಕರಿಗೆ ಹೊಸ ವೈರಸ್‌ನ ಸೋಂಕು ಉಂಟಾಗಿದೆ. ಹಾಂಕಾಂಗ್‌ ಏರ್‌ಪೋರ್ಟ್‌ ನಲ್ಲಿಯೂ ವೈದ್ಯಕೀಯ ತಪಾಸಣೆಗೆ ವ್ಯವಸ್ಥೆ ಮಾಡಲಾಗಿದೆ.

ವುಹಾನ್‌ನಿಂದ ಆಗಮಿಸುವವರು ಪ್ರತ್ಯೇಕವಾಗಿ ತಮ್ಮ ಆರೋಗ್ಯ ವಿವರಗಳನ್ನು ಫಾರಂ ಒಂದರಲ್ಲಿ ಭರ್ತಿ ಮಾಡಬೇಕು. ಇಲ್ಲದೇ ಇದ್ದಲ್ಲಿ ಆರು ತಿಂಗಳ ಜೈಲು ಶಿಕ್ಷೆ ವಿಧಿಸುವ ನಿಯಮ ಜಾರಿಗೆ ತರಲಾಗಿದೆ. ಇದೇ ವೇಳೆ ಚೀನದಲ್ಲಿ 300ಕ್ಕೂ ಅಧಿಕ ಮಂದಿಗೆ ಈ ಸೋಂಕು ತಗುಲಿದೆ.