ದೈತ್ಯ ಸೊಳ್ಳೆ ನೋಡಿ ಬೆದರಿದ ಜಾಲತಾಣಿಗರು

Team Udayavani, Jan 29, 2020, 7:43 AM IST

ಟ್ವಿಟರ್‌ನಲ್ಲಿ ಅಮೆರಿಕದ ವ್ಯಕ್ತಿಯೊಬ್ಬರು ಪೋಸ್ಟ್‌ ಮಾಡಿರುವ ದೈತ್ಯ ಸೊಳ್ಳೆಯ ಚಿತ್ರ ನೋಡಿ ಜಾಲತಾಣಿಗರು ಬೆಚ್ಚಿಬಿದ್ದಿದ್ದಾರೆ. ದೈತ್ಯ ಸೊಳ್ಳೆಯ ಜತೆ ಸಾಮಾನ್ಯ ಗಾತ್ರದ ಸೊಳ್ಳೆಯನ್ನೂ ಅವರು ಹೋಲಿಕೆಗಾಗಿ ಇರಿಸಿದ್ದಾರೆ.

ಈ ಪೋಸ್ಟ್‌ ಮಾಡಿರುವ ಆರ್ಜೆಂಟೀನಾದ ಎಜೆಕ್ವಿಯೆಲ್‌ ಲೋಬೋ, ‘ಇದು ನನ್ನ ಕಿಟಕಿಯಿಂದ ಒಳಬಂದ ದೈತ್ಯ ಸೊಳ್ಳೆ. ಇದು ಸೊಳ್ಳೆಯೋ ಅಥವಾ ಬೇರಾವುದಾದರೂ ಕೀಟವೋ ಎಂದು ತಿಳಿಯಲು ಗೂಗಲ್‌ ಮಾಡಿದೆ. ಆದರೆ ಯಾವುದೇ ಹೋಲಿಕೆ ಸಿಗಲಿಲ್ಲ’ ಎಂದು ಬರೆದಿದ್ದಾರೆ.

ಇದಕ್ಕೆ ಪ್ರತಿಕ್ರಿಯೆ ನೀಡಿರುವ ಹಲವರು ಇದು ಸೊರೊಫೋರ ಸಿಲಿಯೇಟ್‌ ಎಂಬ ದೈತ್ಯ ಸೊಳ್ಳೆ. ಇದು ಮೂಲತಃ ಅಮೆರಿಕದ ಜೀವಿ. ಇದು ಕಚ್ಚಿದರೆ ನೋವು ಜಾಸ್ತಿ ಎಂದು ಮಾಹಿತಿ ನೀಡಿದ್ದಾರೆ.