ಮಾನವನಿಗೆ ಹೊಸ ನೆಲೆ : ‘ಕೆ2-18ಬಿ’ ಗ್ರಹದಲ್ಲಿದೆ ವಾಸಯೋಗ್ಯ ಪರಿಸರ!
Team Udayavani, Feb 29, 2020, 11:56 AM IST
ಕೇಂಬ್ರಿಡ್ಜ್: ಅಮೆರಿಕದ ನಾಸಾ ವಿಜ್ಞಾನಿಗಳಿಂದ 2015ರಲ್ಲಿ ಪತ್ತೆಯಾಗಿದ್ದ ‘ಕೆ2-18ಬಿ’ (ಸೂಪರ್ ಅರ್ತ್) ಎಂಬ ಗ್ರಹದಲ್ಲಿ ನೀರಿನ ಕಣಗಳು ಹೇರಳ ವಾಗಿದ್ದು, ಮಾನವ ವಾಸ ಯೋಗ್ಯವಾದ ವಾತಾವರಣವಿದೆ ಎಂಬ ಕುತೂಹಲಕಾರಿ ವಿಚಾರವನ್ನು ಕೇಂಬ್ರಿಡ್ಜ್ ನ ಖಗೋಳ ವಿಜ್ಞಾನಿಗಳು ಪತ್ತೆ ಹಚ್ಚಿದ್ದಾರೆ.
ನಮ್ಮ ಸೌರಮಂಡದಲ್ಲೇ ಇರುವ ಆ ಗ್ರಹ ಭೂಮಿಗಿಂತ ಎರಡೂವರೆ ಪಟ್ಟು ದೊಡ್ಡದಾಗಿದ್ದು, ಅಲ್ಲಿನ ವಾತಾವರಣದಲ್ಲಿ ಜಲಜನಕ ಹೇರಳವಾಗಿದೆ. ಹಾಗಾಗಿ, ಅಲ್ಲಿ ನೀರಿನ ಕಣಗಳು ಭರಪೂರವಾಗಿವೆ. ಮಿಥೇನ್ ಮತ್ತು ಅಮೋನಿಯಾ ಅನಿಲಗಳ ಪ್ರಮಾಣ ನಿರೀಕ್ಷೆಗಿಂತ ಕಡಿಮೆ ಇರುವುದರಿಂದ ಮಾನವರು ವಾಸಿಸಲು ಹೇಳಿ ಮಾಡಿಸಿದಂಥ ಹವಾಮಾನ ಇಲ್ಲಿದೆ ಎಂಬುದನ್ನು ವಿಜ್ಞಾನಿಗಳು ಪತ್ತೆ ಹಚ್ಚಿದ್ದಾರೆ.