ಕರ್ನಾಟಕ ಕರಾವಳಿಯ ಮತ್ಸ್ಯ ಸಂಪತ್ತು ಲೂಟಿ

Team Udayavani, Apr 27, 2020, 5:41 AM IST

ಸಾಂದರ್ಭಿಕ ಚಿತ್ರ.

ಮಲ್ಪೆ: ದೇಶದೆಲ್ಲೆಡೆ ಲಾಕ್‌ಡೌನ್‌ ಜಾರಿಯಲ್ಲಿದ್ದರೂ ಗೋವಾ ರಾಜ್ಯದ ಮೀನುಗಾರರರು ನಿಯಮ ಉಲ್ಲಂಘಿಸಿ ಕರ್ನಾಟಕದ ಗಡಿ ದಾಟಿಬಂದು ರಾತ್ರಿ ವೇಳೆ ಲೈಟ್‌ಫಿಶಿಂಗ್‌ ನಡೆಸಿ ಭರಪೂರ ಮೀನನ್ನು ಲೂಟಿ ಮಾಡುತ್ತಿದ್ದಾರೆ ಎಂದು ಮಲ್ಪೆ ಮೀನುಗಾರರು ಆರೋಪಿಸಿದ್ದಾರೆ.

ದೇಶದಲ್ಲಿ ಮಾ. 24ರಿಂದಲೇ ಲಾಕ್‌ಡೌನ್‌ ಜಾರಿಯಲ್ಲಿದೆ. ಪ್ರಸ್ತುತರಾಜ್ಯದಲ್ಲಿ ಸಾಂಪ್ರದಾಯಿಕ ನಾಡ ದೋಣಿಗೆ ಮಾತ್ರ ಅವಕಾಶ ನೀಡಲಾ ಗಿದೆ. ಆದರೆ ಗೋವಾದ ದೊಡ್ಡ ಬೋಟುಗಳು ರಾತ್ರಿ ವೇಳೆ ಬಂದು ಬೆಳಕಿನ ಮೀನುಗಾರಿಕೆ ನಡೆಸುತ್ತಿವೆ.

ದುಬಾರಿ ಬೆಲೆಗೆ
ರಾಜ್ಯದಲ್ಲಿ ಮಾರಾಟ!
ಗೋವಾದ ಮೀನುಗಾರರು ನಮ್ಮವ್ಯಾಪ್ತಿಯ ಮೀನುಗಳನ್ನು ಹಿಡಿದು ಉಡುಪಿ, ಮಂಗಳೂರಿಗೆ ಲಾರಿಯಲ್ಲಿ ಕಳಿಸುತ್ತಿದ್ದಾರೆ. ಇಲ್ಲಿ ದುಬಾರಿ ಬೆಲೆಗೆಮಾರಾಟವಾಗುತ್ತಿವೆ. ಬಂಗುಡೆ,ಆಂಜಲ್‌, ಸೇಡೆ, ಕ್ಯಾದರ್‌ ಮೊದ ಲಾದ ತಾಜಾ ಮೀನುಗಳು ಮಾರು ಕಟ್ಟೆಗೆ ಬರುತ್ತಿವೆ.

12 ನಾಟಿಕಲ್‌ ಮೈಲು ಹೊರಗೆ ಬೇರೆ ರಾಜ್ಯದವರು ಮೀನುಗಾ ರಿಕೆ ನಡೆಸಬಹುದು. ಬೆಳಕು ಮೀನುಗಾರಿಕೆಗೆ ಅವಕಾಶವಿಲ್ಲ. ನಮ್ಮ ಗಮನಕ್ಕೆ ಬಂದರೆ ಪ್ರಕರಣ ದಾಖಲಿಸುತ್ತೇವೆ. ಅನುಮಾನಾಸ್ಪದ ಚಟುವಟಿಕೆ ಗಳು ಕಂಡುಬಂದರೆ ನಮ್ಮ ಗಮನಕ್ಕೆ ತರುವಂತೆ ಮೀನುಗಾರರಿಗೂ ತಿಳಿಸಿದ್ದೇವೆ.
– ಚೇತನ್‌ ಆರ್‌. ಎಸ್ಪಿ, ಕರಾವಳಿ ಕಾವಲು ಪೊಲೀಸ್‌