ಮೆದುಳು ಕ್ಯಾನ್ಸರ್ ನಿಂದ ಖ್ಯಾತ ಅರ್ಥಶಾಸ್ತ್ರಜ್ಞೆ ಐಷರ್ ಜಡ್ಜ್ ನಿಧನ
Team Udayavani, Sep 26, 2020, 11:46 PM IST
ಹೊಸದಿಲ್ಲಿ: ಖ್ಯಾತ ಅರ್ಥಶಾಸ್ತ್ರಜ್ಞೆ ಐಷರ್ ಜಡ್ಜ್ ಅಹ್ಲುವಾಲಿಯಾ (75) ಶನಿವಾರ ನಿಧನ ಹೊಂದಿದ್ದಾರೆ.
ಮೆದುಳು ಕ್ಯಾನ್ಸರ್ಗೆ ತುತ್ತಾಗಿದ್ದ ಇವರು 10 ತಿಂಗಳಿಂದ ಜೀವನ್ಮರಣ ಹೋರಾಟ ನಡೆಸಿದ್ದರು. ಅಂತಾರಾಷ್ಟ್ರೀಯ ಹಣಕಾಸು ನಿಧಿ ಮೂಲಕ ಐಷರ್ ವೃತ್ತಿ ಜೀವನ ಆರಂಭಿಸಿದ್ದರು. ನಂತರ ಅಂತಾರಾಷ್ಟ್ರೀಯ ಆರ್ಥಿಕ ಸಂಬಂಧ ಕುರಿತಾದ ಭಾರತೀಯ ಸಂಶೋಧನಾ ಮಂಡಳಿಯ (ಐಸಿಆರ್ಐಇಆರ್) ನಿರ್ದೇಶಕ ರಾಗಿ 15 ವರ್ಷ ಸೇವೆ ಸಲ್ಲಿಸಿದ್ದರು. ಮಂಡಳಿಯನ್ನು ಜಾಗತಿಕ ಥಿಂಕ್ಟ್ಯಾಂಕ್ ಆಗಿ ಕಟ್ಟುವಲ್ಲಿ ಇವರ ಪಾತ್ರ ಅಪಾರ.
ಗ್ರಾಮೀಣ ಅಭಿವೃದ್ಧಿ, ಬೃಹತ್ ಆರ್ಥಿಕ ಸುಧಾರಣೆ, ಕೈಗಾರಿಕಾ ಅಭಿವೃದ್ಧಿ ಹಾಗೂ ಸಾಮಾಜಿಕ ವಲಯ ಕುರಿತಾಗಿ ಮಹತ್ವದ ಸಂಶೋಧನೆಗಳನ್ನು ನಡೆಸಿದ್ದರು. ಐಷರ್ ಅವರಿಗೆ ಪತಿ, ಇಬ್ಬರು ಪುತ್ರರು ಇದ್ದಾರೆ.