ಅಮ್ಮನ ಹೆಸರಿನ ಚಿತ್ರಕ್ಕೆ ಮಗನ ಮೆಚ್ಚುಗೆ
Team Udayavani, Oct 4, 2018, 5:19 PM IST
ಹರಿಪ್ರಿಯಾ ಹಾಗೂ ಸುಮಲತಾ ಅಭಿನಯದ “ಡಾಟರ್ ಆಫ್ ಪಾರ್ವತಮ್ಮ’ ಚಿತ್ರದ ಟೀಸರ್ಗೆ ಪುನೀತ್ರಾಜ್ಕುಮಾರ್ ಮೆಚ್ಚುಗೆ ವ್ಯಕ್ತಪಡಿಸಿರುವುದಲ್ಲದೆ, ಚಿತ್ರದಲ್ಲಿರುವ ಎರಡು ಹಾಡುಗಳನ್ನು ಕೇಳಿ, ತಮ್ಮ ಪಿಆರ್ಕೆ ಆಡಿಯೋ ಸಂಸ್ಥೆ ಮೂಲಕ ಬಿಡುಗಡೆ ಮಾಡುವುದಾಗಿ ಹೇಳಿದ್ದಾರೆ. ಈ ಖುಷಿಯಲ್ಲೇ ಚಿತ್ರತಂಡ ಅ.6 ರಂದು ಟೀಸರ್ ಬಿಡುಗಡೆ ಮಾಡುವ ಮೂಲಕ ಪ್ರಚಾರ ಕಾರ್ಯಕ್ಕೆ ಮುಂದಾಗುತ್ತಿದೆ. ಅಮ್ಮನ ಹೆಸರಿನಲ್ಲಿ ಮೂಡಿಬಂದಿರುವ “ಡಾಟರ್ ಆಫ್ ಪಾರ್ವತಮ್ಮ’ ಚಿತ್ರದ 1.40 ನಿಮಿಷ ಅವಧಿಯ ಟೀಸರ್ ವೀಕ್ಷಿಸಿದ ಪುನೀತ್, ಚಿತ್ರದ ಗುಣಮಟ್ಟ ಹಾಗೂ ತಾಂತ್ರಕತೆ ಕುರಿತು ಮೆಚ್ಚಿಕೊಂಡಿದ್ದಾರೆ.
“ಟೀಸರ್ನಲ್ಲೊಂದು ವಿಶೇಷತೆ ಇದ್ದು, ಸಿನಿಮಾ ಕುತೂಹಲ ಮೂಡಿಸಲಿದೆ’ ಎನ್ನುವ ಮೂಲಕ ಹೊಸಬರ ತಂಡಕ್ಕೆ ಪ್ರೋತ್ಸಾಹಿಸುವ ಸಲುವಾಗಿ ಆಡಿಯೋವನ್ನು ತಮ್ಮ ಪಿಆರ್ಕೆ ಮೂಲಕ ಹೊರತರುವುದಾಗಿ ಹೇಳಿರುವುದು ಚಿತ್ರತಂಡಕ್ಕೆ ಇನ್ನಷ್ಟು ಸಂತಸವಾಗಿದೆ.
ಜೆ. ಶಂಕರ್ ನಿರ್ದೇಶನದ ಈ ಚಿತ್ರದ ಕಥೆ ಒಂದು ಕ್ರೈಮ್ ಸುತ್ತ ಸಾಗಲಿದೆ. ಇದೇ ಮೊದಲ ಸಲ ಹರಿಪ್ರಿಯಾ ತನಿಖಾಧಿಕಾರಿ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ.
ಸುಮಲತಾ ಅವರಿಲ್ಲಿ “ಪಾರ್ವತಮ್ಮ’ ಪಾತ್ರ ನಿರ್ವಹಿಸಿದ್ದು, ಮಗಳ ಸಾಧನೆಯ ಹಿಂದೆ ಬೆನ್ನೆಲುಬಾಗಿ ನಿಲ್ಲುವ ಪಾತ್ರ ಮಾಡಿದ್ದಾರೆ. ಚಿತ್ರದಲ್ಲಿ ಸೂರಜ್ಗೌಡ ವಿಶೇಷ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ. ಇನ್ನು ಈ ಚಿತ್ರ ದಿಶ ಎಂಟರ್ಟೈನ್ಮೆಂಟ್ ಬ್ಯಾನರ್ನಲ್ಲಿ ತಯಾರಾಗಿದ್ದು, ಕೆ.ಎಂ.ಶಶಿಧರ್, ಎಂ.ವಿಜಯಲಕ್ಷ್ಮೀ ಕೃಷ್ಣೇಗೌಡ, ಶ್ವೇತಾ ಮಧುಸೂದನ್, ಸಂದೀಪ್ ಈ ಚಿತ್ರವನ್ನು ನಿರ್ಮಿಸಿದ್ದಾರೆ. ಚಿತ್ರಕ್ಕೆ ಅರುಳ್ ಕೆ. ಸೋಮಸುಂದರನ್ ಛಾಯಾಗ್ರಹಣವಿದೆ. ಮಿಥುನ್ ಮುಕುಂದನ್ ಸಂಗೀತವಿದೆ. ಸುರೇಶ್ ಆರ್ಮುಗಂ ಸಂಕಲನ ಮಾಡಿದ್ದಾರೆ.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
MUST WATCH
ಹೊಸ ಸೇರ್ಪಡೆ
Kushtagi: ವಸತಿ ನಿಲಯದ ಅವ್ಯವಸ್ಥೆ; ವಿದ್ಯಾರ್ಥಿಗಳಿಂದ ಪ್ರತಿಭಟನೆ
Bengaluru:ನಗರ್ತಪೇಟೆಯಲ್ಲಿ ಬಿಜೆಪಿ ಪ್ರತಿಭಟನೆಯ ಕಿಚ್ಚು; ಕ್ರಮದ ಭರವಸೆ, ಪ್ರತಿಭಟನೆ ವಾಪಸ್
Tollywood: ‘ಪುಷ್ಪʼ ನಿರ್ದೇಶಕನ ಜೊತೆ ರಾಮ್ ಚರಣ್ ಸಿನಿಮಾ? 2ನೇ ಬಾರಿಯೂ ಮಾಡ್ತಾರಾ ಮೋಡಿ?
ಅನೈತಿಕ ಸಂಬಂಧ: ಜೋಡಿ ಹತ್ಯೆಗೈದು ಮೈಮೇಲೆ ಮುಳ್ಳುಕಂಟಿ ಹಾಕಿಹೋದ ಹಂತಕರು
ಯಾರಾಗಲಿದ್ದಾರೆ ಬೆಳಗಾವಿ ಕ್ಷೇತ್ರದ ಬಿಜೆಪಿ ಅಭ್ಯರ್ಥಿ: ಶೆಟ್ಟರ್ ಸ್ಪರ್ಧೆಗೆ ಭಾರಿ ವಿರೋಧ…