ಒಂದೇ ದಿನದಲ್ಲಿ ‘ಡಬಲ್’ ಗಳಿಕೆ ಮಾಡಿದ ‘ಕಾಂತಾರ’ ಹಿಂದಿ ವರ್ಷನ್
Team Udayavani, Oct 16, 2022, 4:20 PM IST
ರಿಷಬ್ ಶೆಟ್ಟಿ ಅವರು ನಟಿಸಿ, ನಿರ್ದೇಶಿಸಿರುವ ‘ಕಾಂತಾ’ರ ಚಿತ್ರವು ಕರ್ನಾಟಕದಲ್ಲಿ ಸೂಪರ್ ಹಿಟ್ ಆಗಿ, ಇತರ ಭಾಷೆಗಳಲ್ಲಿ ಬಿಡುಗಡೆಯಾಗಿರುವು ನಿಮಗೆಲ್ಲಾ ಗೊತ್ತೇ ಇದೆ. ಕನ್ನಡದಂತೆ ಇತರ ಭಾಷೆಗಳಲ್ಲೂ ‘ಕಾಂತಾರ’ ಸಖತ್ ಸೌಂಡು ಮಾಡುತ್ತಿದೆ.
ಹಿಂದಿ, ತೆಲುಗು ಭಾಷೆಗಳಲ್ಲಿ ಡಬ್ ಆಗಿ ಬಿಡುಗಡೆಯಾಗಿರುವ ಹೊಂಬಾಳೆ ಫಿಲಂಸ್ ನಿರ್ಮಾಣದ ‘ಕಾಂತಾರ’ ಎಲ್ಲೆಡೆ ಚರ್ಚೆಯ ವಸ್ತುವಾಗಿದೆ. ಬಾಹುಬಲಿ ಖ್ಯಾತಿಯ ನಟಿ ಅನುಶ್ಕಾ ಶೆಟ್ಟಿ ಅವರು ಇಂದು ಟ್ವೀಟ್ ಮಾಡಿ ಚಿತ್ರದ ಬಗ್ಗೆ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.
ಇದನ್ನೂ ಓದಿ:ಭಾರತ್ ಜೋಡೋ ಪಾದಯಾತ್ರೆಯಲ್ಲಿ ವಿದ್ಯುತ್ ಅವಘಡ: ತಲಾ ಲಕ್ಷ ರೂ. ಪರಿಹಾರ ಘೋಷಿಸಿದ ರಾಹುಲ್
ಹಿಂದಿ ಭಾಷೆಗೆ ಡಬ್ ಆಗಿ ರಿಲೀಸ್ ಆದ ‘ಕಾಂತಾರ’ ಚಿತ್ರವು ನಿಧಾನವಾಗಿ ಉತ್ತರದ ಪ್ರೇಕ್ಷಕರನ್ನು ಆಕರ್ಷಿಸುತ್ತಿದೆ. ಬಿಡುಗಡೆಯಾದ ಮೊದಲ ದಿನ ಅಂದರೆ ಶುಕ್ರವಾರ 1.27 ಕೋಟಿ ರೂ ಕಲೆಕ್ಷನ್ ಮಾಡಿದ್ದ ‘ಕಾಂತಾರ’ ಎರಡನೇ ದಿನ ಭರ್ಜರಿ ನೆಗೆತ ಸಾಧಿಸಿದೆ. ಮೊದಲ ದಿನಕ್ಕೆ ಹೋಲಿಸಿದರೆ ಎರಡನೇ ದಿನಕ್ಕೆ 116.5ರಷ್ಟು ಹೆಚ್ಚಿನ ಸಂಪಾದನೆ ಮಾಡಿರುವ ಚಿತ್ರವು ಶನಿವಾರ 2.75 ಕೋಟಿ ರೂ ಸಂಪಾದಿಸಿದೆ. ಎರಡು ದಿನದಲ್ಲಿ ರಿಷಬ್ ಸಿನಿಮಾ 4.02 ಕೋಟಿ ರೂ ಗಳಿಸಿದೆ.
#Kantara *#Hindi version* springs a big surprise, as biz jumps on Day 2 [+ 116.54%]… Although the 2-day total may seem low, the solid growth and trending are clear indicators that it will score on Day 3… Fri 1.27 cr, Sat 2.75 cr. Total: ₹ 4.02 cr. #India biz. Nett BOC. pic.twitter.com/Lzx5rmrAM7
— taran adarsh (@taran_adarsh) October 16, 2022
ರಿಷಬ್ ಶೆಟ್ಟಿ ನಿರ್ದೇಶನದಲ್ಲಿ, ಕರಾವಳಿಯ ಸೊಗಡು ಮತ್ತು ಸಾಂಸ್ಕೃತಿಕ ಪರಂಪರೆಯನ್ನು ಹಿನ್ನೆಲೆಯಾಗಿಟ್ಟುಕೊಂಡು ಮೂಡಿಬಂದಿರುವ “ಕಾಂತಾರ’ಸಿನಿಮಾ ಕರ್ನಾಟಕದಲ್ಲಿ ಸೂಪರ್ ಹಿಟ್ ಆಗಿದೆ. ‘ಹೊಂಬಾಳೆ ಫಿಲಂಸ್’ ಬ್ಯಾನರ್ನಲ್ಲಿ ವಿಜಯ್ ಕಿರಗಂದೂರು ನಿರ್ಮಾಣ ಮಾಡಿರುವ ಕಾಂತಾರ ಸಿನಿಮಾದಲ್ಲಿ ರಿಷಬ್ ಶೆಟ್ಟಿ ಅವರಿಗೆ ಸಪ್ತಮಿ ಗೌಡ ನಾಯಕಿಯಾಗಿ ಜೋಡಿಯಾಗಿದ್ದಾರೆ. ಉಳಿದಂತೆ ಕಿಶೋರ್, ಅಚ್ಯುತ ಕುಮಾರ್, ಪ್ರಕಾಶ್ ತುಮ್ಮಿನಾಡ್, ಮಾನಸಿ ಸುಧೀರ್, ಪ್ರಮೋದ್ ಶೆಟ್ಟಿ ಮೊದಲಾದವರು “ಕಾಂತಾರ’ ಸಿನಿಮಾದ ಇತರ ಪ್ರಮುಖ ಪಾತ್ರಗಳಲ್ಲಿ ಅಭಿನಯಿಸಿದ್ದಾರೆ.