Sidlingu 2; ಡಬಲ್ನಿಂದ ದೂರ.. ಸಿಂಗಲ್ ಮೀನಿಂಗ್ನತ್ತ ವಿಜಯ ಪ್ರಸಾದ್
Team Udayavani, Mar 24, 2024, 11:15 AM IST
ಡಬಲ್ ಮೀನಿಂಗ್ ಸಂಭಾಷಣೆಯ ಸಿನಿಮಾಗಳಲ್ಲಿ ಖುಷಿ ಕಾಣುತ್ತಿದ್ದ ನಿರ್ದೇಶಕ ವಿಜಯ ಪ್ರಸಾದ್ ಈ ಬಾರಿ ಸಿಂಗಲ್ ಮೀನಿಂಗ್ ಮೂಲಕ ಮತ್ತೆ ಬರಲು ರೆಡಿಯಾಗಿದ್ದಾರೆ. ಅತಿಯಾದ ಡಬಲ್ ಮೀನಿಂಗ್ ವರ್ಕ್ ಆಗುತ್ತಿಲ್ಲ ಎಂಬುದು ಅವರಿಗೆ ಈಗ ಮನವರಿಕೆಯಾಗಿದೆ. ಅದೇ ಕಾರಣದಿಂದ ಈ ಬಾರಿ ಅವರು ಮತ್ತೆ ನಂಬಿರೋದು “ಸಿದ್ಲಿಂಗು’ವನ್ನು.
ನಿಮಗೆ ಗೊತ್ತಿರುವಂತೆ ಈ ಹಿಂದೆ “ಸಿದ್ಲಿಂಗು’ ಸಿನಿಮಾ ಮಾಡಿದ್ದರು ವಿಜಯ ಪ್ರಸಾದ್. ಆ ಸಿನಿಮಾ ಕೂಡಾ ಹಿಟ್ ಆಗಿತ್ತು. ಚಿತ್ರಮಂದಿರಕ್ಕಿಂತ ಟಿವಿಯಲ್ಲಿ ಆ ಚಿತ್ರ “ಚೆನ್ನಾಗಿಯೇ’ ಓಡಿತ್ತು. ಈಗ “ಸಿದ್ಲಿಂಗು-2′ ಮಾಡುತ್ತಿದ್ದಾರೆ. ಅವರಿಗೆ ಮತ್ತೆ “ಲೂಸ್ಮಾದ’ ಯೋಗಿ ಜೊತೆಯಾಗಿದ್ದಾರೆ. ರಮ್ಯಾ ಬದಲು ಸೋನುಗೌಡ ಬಂದಿದ್ದಾರೆ. ಶುಕ್ರವಾರ ಸಿನಿಮಾದ ಮುಹೂರ್ತ ನೆರವೇರಿದೆ.
“ಇದು 6 ವರ್ಷದಿಂದ 60 ವರ್ಷದವರು ಕುಟುಂಬ ಸಮೇತ ನೋಡುವ ಸಿನಿಮಾ’ ಎನ್ನುತ್ತಾರೆ ವಿಜಯ ಪ್ರಸಾದ್.ಶ್ರೀಹರಿ ರೆಡ್ಡಿ ಈ ಸಿನಿಮಾದ ನಿರ್ಮಾಪಕರು. “ಇದು ನನ್ನ ಕೆರಿಯರ್ಗೆ ಮಹತ್ವದ ತಿರುವು ಕೊಟ್ಟ ಸಿನಿಮಾ. ಹಾಗಾಗಿ ಅದರ ಸೀಕ್ವೆಲ್ ಬರುತ್ತಿರೋದು ಖುಷಿಯ ವಿಚಾರ’ ಎನ್ನುವುದು ಯೋಗಿ ಮಾತು.
ನಾಯಕಿ ಸೋನು ಗೌಡ ಕೂಡಾ ಈ ತಂಡ ಸೇರಿದ್ದಕ್ಕೆ ಖುಷಿಯಾಗಿದ್ದಾರೆ