ಅಮಿತಾಭ್ಗೆ “ವಿಶ್ವಾಸಾರ್ಹ” ಪಟ್ಟ; ಬಾಲಿವುಡ್ ನಟಿ ದೀಪಿಕಾ ಪಡುಕೋಣೆ “ನಂಬಿಕಸ್ಥ” ಪಟ್ಟ
Team Udayavani, Oct 28, 2020, 12:45 AM IST
ಮುಂಬೈ: ಭಾರತದ ಅತ್ಯಂತ ವಿಶ್ವಾಸಾರ್ಹ ಸೆಲೆಬ್ರಿಟಿ ಯಾರು? ಈ ಪ್ರಶ್ನೆಗೆ ಶೇ.88 ಮಂದಿ “ಬಾಲಿವುಡ್ ಬಿಗ್ ಬಿ ಅಮಿ ತಾಭ್ ಬಚ್ಚನ್’ ಎಂಬ ಉತ್ತರ ನೀಡಿದ್ದಾರೆ. ಅಮಿ ತಾಭ್ ಅಭಿನಯದ ಯಾವುದೇ ಜಾಹೀರಾತು ಬಂದರೂ ಅದನ್ನು ವಿಶ್ವಾಸಾರ್ಹ ಎಂದು ಬಹುತೇಕ ಮಂದಿ ನಂಬಿರುವುದು ಸಮೀಕ್ಷೆಯೊಂದರಿಂದ ತಿಳಿದುಬಂದಿದೆ.
ಇಂಡಿಯನ್ ಇನ್ಸ್ಟಿಟ್ಯೂಟ್ ಆಫ್ ಹ್ಯೂಮನ್ ಬ್ರಾಂಡ್ಸ್ (ಐಐಎಚ್ಬಿ) ಸಂಸ್ಥೆಗಾಗಿ ಟಿಯಾರಾ ರಿಸರ್ಚ್ (ಟ್ರಸ್ಟ್, ಐಡೆಂಟಿಫೈ, ಅಟ್ರಾಕ್ಟಿವ್, ರೆಸ್ಪೆಕ್ಟ್ ಆ್ಯಂಡ್ ಅಪೀಲ್) ನಡೆಸಿದ ಸಮೀಕ್ಷೆಯಲ್ಲಿ ಈ ಅನಿಪ್ರಾಯ ವ್ಯಕ್ತವಾಗಿದೆ. ಜಪಾನ್ನ ರಾಕುಟೆನ್ ಸಂಸ್ಥೆ ಅಧ್ಯಯನದಲ್ಲಿ ನೆರವಾಗಿತ್ತು. ತಮ್ಮ ಉತ್ಪನ್ನಗಳು ಹಾಗೂ ಅಭಿಯಾನಗಳಿಗೆ ಜನಪ್ರಿಯ ಹಾಗೂ ವಿಶ್ವಾಸಾರ್ಹ ವ್ಯಕ್ತಿಗಳನ್ನು ಆಯ್ಕೆ ಮಾಡಲು ವಿವಿಧ ಬ್ರ್ಯಾಂಡ್ಗಳಿಗೆ ಈ ಸಮೀಕ್ಷೆ ನೆರವಾಗಲಿದೆ.
ದೀಪಿಕಾ ನಂಬಿಕಸ್ಥ ಚೆಲುವೆ: ಶೇ.86.7ರಷ್ಟು ಜನರು ಅಕ್ಷಯ್ ಕುಮಾರ್ ಅವರನ್ನು ಬಾಲಿವುಡ್ನ ನಂಬಿಕಸ್ಥ ನಟ ಎಂದು ಬಣ್ಣಿಸಿದ್ದಾರೆ. ನಟಿಯರ ವಿಚಾರಕ್ಕೆ ಬಂದರೆ, ದೀಪಿಕಾ ಪಡುಕೋಣೆ ಅವರು ಅತಿ ಹೆಚ್ಚು ವಿಶ್ವಾಸಾರ್ಹ ಬಾಲಿವುಡ್ ನಟಿ ಎಂದು ಶೇ.82 ಮಂದಿ ಹೇಳಿದ್ದರೆ, ಶೇ.59.9 ಮಂದಿ ದೀಪಿಕಾರನ್ನು “ದೇಶದ ಅತ್ಯಂತ ಸುಂದರ ನಟಿ’ ಎಂದು ಅಭಿಪ್ರಾಯಪಟ್ಟಿದ್ದಾರೆ. ಸುಂದರ ನಟಿ ಯರ ಪೈಕಿ 2ನೇ ಸ್ಥಾನ ಐಶ್ವರ್ಯಾ ರೈ ಬಚ್ಚನ್ಗೆ ಸಿಕ್ಕಿದೆ.
ಕೊಹ್ಲಿ-ಅನುಷ್ಕಾ ಬಗ್ಗೆ ಮೆಚ್ಚುಗೆ: ಕ್ರಿಕೆಟಿಗ ವಿರಾಟ್ ಕೊಹ್ಲಿ ಅತಿ ಹೆಚ್ಚು ಹ್ಯಾಂಡ್ಸಮ್ ಮತ್ತು ಟ್ರೆಂಡಿ ಸೆಲೆಬ್ರಿಟಿ ಎಂಬ ಹೆಗ್ಗಳಿಕೆಗೆ ಪಾತ್ರರಾದರೆ, ಆಯುಷ್ಮಾನ್ ಖುರಾನಾ ಬಗ್ಗೆಯೂ ಮೆಚ್ಚುಗೆ ವ್ಯಕ್ತವಾಗಿದೆ. ಕೊಹ್ಲಿ ಮತ್ತು ಪತ್ನಿ ಅನುಷ್ಕಾ ಹೆಚ್ಚು ಮೆಚ್ಚುಗೆ ಪಡೆದ ತಾರಾ ಜೋಡಿಯಾಗಿದ್ದಾರೆ.
ಆಸ್ಪತ್ರೆಯಲ್ಲಿ ಡೂಪ್ಲಿಕೇಟ್ ಅಮಿತಾಭ್!
“ಬಿಗ್ ಬಿ’ ಖ್ಯಾತಿಯ ಅಮಿತಾಭ್ ಬಚ್ಚನ್ ಮತ್ತೆ ಅನಾರೋಗ್ಯದಿಂದ ಆಸ್ಪತ್ರೆಗೆ ದಾಖಲಾಗಿದ್ದಾರೆ ಎಂಬ ಸುಳ್ಳು ಸುದ್ದಿ ಅಭಿಮಾನಿಗಳಿಗೆ ಮಂಗಳವಾರ ಆಘಾತ ತಂದಿತ್ತು. ಈ ನಕಲಿ ಸುದ್ದಿಗೆ ಗರಂ ಆದ ಅಭಿಷೇಕ್, “ನನ್ನ ಕಣ್ಮುಂದೆಯೇ ಅವರು ಕೂತಿದ್ದಾರೆ. ಬಹುಶಃ ಆಸ್ಪತ್ರೆಗೆ ಸೇರಿರೋದು ಡೂಪ್ಲಿಕೇಟ್ ಅಮಿತಾಭ್ ಇರಬೇಕು’ ಎಂದು ಪ್ರತಿಕ್ರಿಯಿಸಿದ್ದಾರೆ.
ವಿಶ್ವಾಸಾರ್ಹ ಸೆಲೆಬ್ರಿಟಿ: ಅಮಿತಾಭ್ ಬಚ್ಚನ್
ಹೆಚ್ಚು ಆಕರ್ಷಕ: ಅಕ್ಷಯ ಕುಮಾರ್
ಹೆಚ್ಚು ವಿವಾದಾತ್ಮಕ: ಹಾರ್ದಿಕ್ ಪಾಂಡ್ಯ
ಹೆಚ್ಚು ಟ್ರೆಂಡಿ: ವಿರಾಟ್ ಕೊಹ್ಲಿ
ಸುಂದರಿ: ದೀಪಿಕಾ ಪಡುಕೋಣೆ
ವಿವಾದಿತ ಜೋಡಿ: ಅಲಿಯಾಭಟ್ -ರಣಬೀರ್
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
Ranveer Singh : ʼಹನುಮಾನ್ʼ ನಿರ್ದೇಶಕನ ಸಿನಿಮಾದಲ್ಲಿ ರಣ್ವೀರ್ ಸಿಂಗ್ ನಟನೆ?
ʼರಾಮಾಯಣʼ ಸೆಟ್ನಿಂದ ʼರಾಮ – ಸೀತೆʼಯಾದ ರಣ್ಬೀರ್- ಸಾಯಿಪಲ್ಲವಿ ಪಾತ್ರದ ಫೋಟೋ ಲೀಕ್
ಸಿನಿಮಾದಲ್ಲಿ ಖ್ಯಾತಿ, ಭಾರತೀಯರ ಪ್ರೀತಿಗಳಿಸಿದರೂ ಈ ಸೆಲೆಬ್ರಿಟಿಗಳು ಮತದಾನ ಹಕ್ಕು ಹೊಂದಿಲ್ಲ
Rap song: ವೋಟು ನಮ್ಮ ಪವರ್ ರ್ಯಾಪ್ ಸಾಂಗ್ ಬಿಡುಗಡೆ
ಭಾರತದಲ್ಲಿ ರಿಲೀಸ್ಗೂ ಮುನ್ನ ʼಮಂಕಿ ಮ್ಯಾನ್ʼ ಹೆಚ್ ಡಿ ಕಾಪಿ ಲೀಕ್: ವಿಳಂಬ ಯಾಕೆ?
MUST WATCH
ಹೊಸ ಸೇರ್ಪಡೆ
Hosapete; ಕೆಲವು ದೇಶಗಳು ಭಾರತ ಸರ್ಕಾರ ದುರ್ಬಲವಾಗಿರಲು ಬಯಸುತ್ತಿವೆ: ಮೋದಿ
Sirsi ; ಪ್ರಧಾನಿ ಮುಡಿಗೇರಿದ ಬೇಡರ ವೇಷದ ಕಿರೀಟ!
Strike rate; ಜನರು ಏನು ಬೇಕಾದರೂ ಮಾತನಾಡಬಹುದು.. : ವಿರಾಟ್ ಕೊಹ್ಲಿ
Gujarat ಕರಾವಳಿಯಲ್ಲಿ ಪಾಕ್ ಬೋಟ್ ನಿಂದ 600 ಕೋಟಿ ಮೌಲ್ಯದ ಹೆರಾಯಿನ್ ವಶ
Mangaluru Airport; ಗುದನಾಳದಲ್ಲಿ ಬಚ್ಚಿಟ್ಟ 54 ಲಕ್ಷ ರೂ. ಮೌಲ್ಯದ ಅಕ್ರಮ ಚಿನ್ನ ಪತ್ತೆ !