ವೆನ್ಲಾಕ್‌ ಒಪಿಡಿಗೆ ಮಾಹೆ ಹೊಸ ರೂಪ

ಶಿಥಿಲಾವಸ್ಥೆಯಲ್ಲಿದ್ದ ಹೊರ ರೋಗಿ ವಿಭಾಗ 50 ಲಕ್ಷ ರೂ. ವೆಚ್ಚದಲ್ಲಿ ನವೀಕರಣ

Team Udayavani, Jun 20, 2019, 5:21 AM IST

ಮಂಗಳೂರು: ಸಂಪೂರ್ಣ ಶಿಥಿಲವಾಗಿದ್ದ ಜಿಲ್ಲಾ ಸರಕಾರಿ ವೆನ್ಲಾಕ್‌ ಆಸ್ಪತ್ರೆಯ ಹೊರ ರೋಗಿ ವಿಭಾಗ ಈಗ ಹೊಸರೂಪ ಪಡೆದುಕೊಂಡಿದೆ. ಮಾಹೆ ವಿಶ್ವವಿದ್ಯಾನಿಲಯದ ಸಾಮಾಜಿಕ ಬದ್ಧತಾ ಕಾರ್ಯಕ್ರಮದಡಿ 50 ವರ್ಷ ಹಳೆಯ ವಿಭಾಗವನ್ನು 50 ಲಕ್ಷ ರೂ. ವೆಚ್ಚದಲ್ಲಿ ನವೀಕರಿಸಲಾಗಿದೆ.

ಒಪಿಡಿ ಕಟ್ಟಡ ಹಳೆಯದಾಗಿ ಶಿಥಿಲಗೊಂಡಿರುವ ಬಗ್ಗೆ ಎರಡು ವರ್ಷಗಳ ಹಿಂದೆ ಆಸ್ಪತ್ರೆಯ ವೈದ್ಯ ಕೀಯ ಅಧೀಕ್ಷಕರು ಪ್ರಸ್ತಾವ ಕಳುಹಿಸಿದ್ದರು. ಮಾಹೆ ವಿ.ವಿ. ತನ್ನ ರಜತ ಮಹೋತ್ಸವ ಆಚರಣೆ ವೇಳೆ 2018ನೇ ಇಸವಿಯಲ್ಲಿ ಅದರ ನವೀಕರಣಕ್ಕೆ ಮುಂದಾಗಿತ್ತು. ಒಂದೂವರೆ ವರ್ಷಗಳ ಹಿಂದೆ ಕಾರ್ಯವನ್ನು ಕೈಗೆತ್ತಿಕೊಳ್ಳಲಾಗಿತ್ತು.

ಈಗ ನವೀಕರಣ ಕೆಲಸವು ಮುಗಿದು ವಿಭಾಗವು ಸಂಪೂರ್ಣ ಹೊಸರೂಪ ಪಡೆದು ಕೊಂಡಿದೆ. ಇಡೀ ವಿಭಾಗವನ್ನು ನವೀ ಕರಿಸಲಾಗಿದ್ದು, ಒಪಿಡಿಯಲ್ಲಿ ಸಂಪೂರ್ಣವಾಗಿ ಪ್ಲಾಸ್ಟರಿಂಗ್‌ ಮಾಡಲಾಗಿದೆ. ರೂಫ್ಟಾಪ್‌ ಭದ್ರವಾಗಿದ್ದು, ಸೋರುವಿಕೆಯಿಂದ ಮುಕ್ತಿಸಿಕ್ಕಿದೆ. ಪೈಂಟಿಂಗ್‌ ಮೂಲಕ ಕಟ್ಟಡ ವನ್ನು ಆಕರ್ಷಕಗೊಳಿಸಲಾಗಿದೆ.

50 ವರ್ಷ ಹಳೆಯ ಕಟ್ಟಡ

ವೆನ್ಲಾಕ್‌ ಆಸ್ಪತ್ರೆಯ ಹೊರರೋಗಿ ವಿಭಾಗವು 1964-65ರಲ್ಲಿ ಉದ್ಘಾಟನೆಯಾಗಿದ್ದು, 50 ವರ್ಷ ಹಳೆಯದಾಗಿದೆ. ಉದ್ಘಾಟನೆಯಾದ ಬಳಿಕ ಒಮ್ಮೆಯೂ ನವೀಕರಣ ನಡೆಯದ್ದರಿಂದ ವಿಭಾಗದ ಕಟ್ಟಡ ಸಂಪೂರ್ಣವಾಗಿ ಶಿಥಿಲಗೊಂಡಿತ್ತು. ಮಳೆಗಾಲದಲ್ಲಿ ಅಲ್ಲಲ್ಲಿ ಮಳೆ ನೀರು ಸೋರುತ್ತಿದ್ದುದಲ್ಲದೆ, ಗೋಡೆಯ ಪೈಂಟಿಂಗ್‌ ಎದ್ದು ಹೋಗಿತ್ತು.
ಮಾಹೆ ವಿಶ್ವವಿದ್ಯಾನಿಲಯದ ರಜತ ಮಹೋತ್ಸವ ವರ್ಷಾಚರಣೆ ವೇಳೆ ಸಾಮಾಜಿಕ ಬದ್ಧತಾ ಕಾರ್ಯಕ್ರಮದಡಿ ವೆನ್ಲಾಕ್‌ ಆಸ್ಪತ್ರೆಯ ಹೊರ ರೋಗಿ ವಿಭಾಗವನ್ನು ನವೀಕರಣಗೊಳಿಸಲಾಗಿದೆ. 50 ಲಕ್ಷ ರೂ. ವೆಚ್ಚದಲ್ಲಿ ಇಡೀ ವಿಭಾಗವನ್ನು ಆಕರ್ಷಕಗೊಳಿಸಲಾಗಿದೆ.
-ಡಾ| ಎಂ.ವಿ. ಪ್ರಭು ಡೀನ್‌, ಕೆಎಂಸಿ ಮಂಗಳೂರು
– ಧನ್ಯಾ ಬಾಳೆಕಜೆ

ಶ್ರೀ ಅಷ್ಠ ಲಕ್ಷ್ಮೀ ಜೋತಿಷ್ಯ ಮಂದಿರ,
ಉದ್ಯೋಗ, ಮದುವೆ ವಿಳಂಬ, ಸತಿ-ಪತಿ ಕಲಹ, ಶತ್ರುಪೀಡೆ, ಅತ್ತೆ-ಸೊಸೆ ಕಲಹ, ವಶೀಕರಣ, ವ್ಯವಹಾರದಲ್ಲಿ ನಷ್ಟ, ಇನ್ನೂ ನಿಮ್ಮಸಮಸ್ಯೆ ಯಾವುದೇ ಇರಲಿ, ಎಷ್ಟೇ ಕಠಿಣವಾಗಿರಲಿ ಶಾಶ್ವತ ಪರಿಹಾರ ಶತಃ ಶಿದ್ದ , ನಿಮ್ಮ ಯಾವುದೇ ಇಷ್ಟಾರ್ಥ ಕಾರ್ಯಗಳಿದ್ದರೂ ಕೇವಲ 5 ದಿನಗಳಲ್ಲಿ ನೇರವೆರಿಸಿ ಕೋಡುತ್ತಾರೇ.
ಶ್ರೀ ಶ್ರೀ ಬಿ ಹೆಚ್ ಆಚಾರ್ಯ ಗೂರುಜೀ
ಜಯನಗರ ಬೆಂಗಳೂರು, ಮೋ- 8884889444

ಈ ವಿಭಾಗದಿಂದ ಇನ್ನಷ್ಟು

ಹೊಸ ಸೇರ್ಪಡೆ