ಮಂಡ್ಯದಲ್ಲಿ ಐಸ್ ಕ್ರೀಂ ತಿಂದು ಅವಳಿ ಮಕ್ಕಳ ಸಾವು, ತಾಯಿ ಅಸ್ವಸ್ಥ
Team Udayavani, Apr 18, 2024, 1:39 PM IST
ಶ್ರೀರಂಗಪಟ್ಟಣ: ಐಸ್ ಕ್ರೀಂ ತಿಂದು ಒಂದೂವರೆ ವರ್ಷದ ಅವಳಿ ಮಕ್ಕಳು ಮೃತಪಟ್ಟಿದ್ದು, ತಾಯಿ ಅಸ್ವಸ್ಥರಾಗಿರುವ
ಘಟನೆ ತಾಲೂಕಿನ ಬೆಟ್ಟಹಳ್ಳಿ ಗ್ರಾಮದಲ್ಲಿ ಬುಧವಾರ ನಡೆದಿದೆ. ತ್ರಿಶೂಲ್ ಹಾಗೂ ತನಿಷಾ ಮೃತಪಟ್ಟ ಅವಳಿ ಮಕ್ಕಳು. ತಾಯಿ
ಪೂಜಾ (22) ಅಸ್ವಸ್ಥರಾಗಿದ್ದು, ಮಂಡ್ಯ ವಿಮ್ಸ್ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ.
ಇದನ್ನೂ ಓದಿ:Panaji: ಸರಕಾರದ ಆ್ಯಪ್ ನಿಂದಾಗಿ ದೂಧ್ ಸಾಗರ ಪ್ರವಾಸಿಗರ ಸಂಖ್ಯೆಯಲ್ಲಿ ಗಣನೀಯ ಇಳಿಕೆ
ಬುಧವಾರ ಸಂಜೆ ಗ್ರಾಮಕ್ಕೆ ಐಸ್ ಕ್ರೀಂ ಮಾರಲು ಬಂದಿದ್ದ ವ್ಯಕ್ತಿಯಿಂದ ಐಸ್ ಕ್ರೀಂ ಖರೀದಿಸಿ ತಿಂದಿದ್ದ ತಾಯಿ ಮತ್ತು ಮಕ್ಕಳು
ಕೆಲಹೊತ್ತಿನ ಬಳಿಕ ಅಸ್ವಸ್ಥರಾಗಿದ್ದು, ಎರಡು ಮಕ್ಕಳು ಮನೆಯಲ್ಲಿ ಅಸುನೀಗಿದರೆ, ತಾಯಿ ಅಸ್ವಸ್ಥಗೊಂಡಿದ್ದಾಳೆ. ಐಸ್ ಕ್ರೀಂ
ಮಾರಾಟಗಾರನ ಶೋಧ ನಡೆದಿದೆ.