ಬೆಳಕು ಮೀನುಗಾರಿಕೆ: ಮುಂದುವರಿದ ಮುಷ್ಕರ

Team Udayavani, Mar 11, 2019, 1:00 AM IST

ಮಲ್ಪೆ: ಆಳಸಮುದ್ರ – ಪಸೀìನ್‌ ಮೀನುಗಾರರ ನಡುವಿನ ವಿವಾದದಿಂದಾಗಿ 10 ದಿನಗಳಿಂದ ಆಳಸಮುದ್ರ ಟ್ರಾಲ್‌ ಬೋಟ್‌ ಮೀನುಗಾರಿಕೆ ಸ್ಥಗಿತ ಗೊಂಡಿದ್ದು, ಮುಷ್ಕರ ಮುಂದುವರಿದಿದೆ.

ಪಸೀìನ್‌ ಮೀನುಗಾರರು ಬೆಳಕು ಮೀನುಗಾರಿಕೆ ನಡೆಸುತ್ತಿದ್ದಾರೆ ಎಂದು ಆರೋಪಿಸಿ ಮಲ್ಪೆ ಡೀಪ್‌ಸೀ ಟ್ರಾಲ್‌ಬೋಟ್‌ ಮೀನುಗಾರರ ಸಂಘದ ಕರೆಯಂತೆ ಎಲ್ಲ ಆಳಸಮುದ್ರ ಬೋಟ್‌ಗಳು ಮೀನುಗಾರಿಕೆ ನಿಲ್ಲಿಸಿ ಬಂದರಿನಲ್ಲಿ ಲಂಗರು ಹಾಕಿವೆ.

1,000ಕ್ಕೂ ಅಧಿಕ ಬೋಟ್‌ಗಳು ಈಗಾಗಲೇ ದಡ ಸೇರಿವೆೆ. ಮೀನುಗಾರರು, ಮೀನು ಗಾರ ಕಾರ್ಮಿಕರು ಕಂಗೆಟ್ಟಿದ್ದಾರೆ. ರಫ್ತು ವಾಹಿವಾಟಿಗೂ ಹೊಡೆತ ಬಿದ್ದಿದ್ದು, ಕೋಟ್ಯಂತರ ರೂ. ನಷ್ಟ ಸಂಭವಿಸಿದೆ. ನಮ್ಮ ನ್ಯಾಯಯುತ ಬೇಡಿಕೆ ಈಡೇರುವ ವರೆಗೆ ಮುಷ್ಕರ ಮುಂದುವರಿಯುತ್ತದೆ ಎಂದು ಆಳಸಮುದ್ರ ಮೀನುಗಾರರ ಸಂಘದ ಅಧ್ಯಕ್ಷ ಕಿಶೋರ್‌ ಡಿ. ಸುವರ್ಣ ತಿಳಿಸಿದ್ದಾರೆ.