ಬಾರ್ಬೊರಾ ಕ್ರೆಜಿಕೋವಾಗೆ ಫ್ರೆಂಚ್ ಓಪನ್ ಕಿರೀಟ
Team Udayavani, Jun 13, 2021, 12:18 AM IST
ಪ್ಯಾರಿಸ್ : ಶ್ರೇಯಾಂಕ ರಹಿತ ಜೆಕ್ ಆಟಗಾರ್ತಿ ಬಾರ್ಬೊರಾ ಕ್ರೆಜಿಕೋವಾ ಫ್ರೆಂಚ್ ಓಪನ್ ಟೂರ್ನಿಯ ನೂತನ ರಾಣಿಯಾಗಿದ್ದಾರೆ. ಶನಿವಾರದ 3 ಸೆಟ್ಗಳ ಫೈನಲ್ ಹೋರಾಟದಲ್ಲಿ ಅವರು ರಶ್ಯದ 31ನೇ ಶ್ರೇಯಾಂಕಿತೆ ಅನಾಸ್ತಾಸಿಯಾ ಪಾವ್ಲುಚೆಂಕೋವಾ ವಿರುದ್ಧ 6-1, 2-6, 6-4 ಅಂತರದ ಗೆಲುವು ಸಾಧಿಸಿ ಮೊದಲ ಗ್ರ್ಯಾನ್ಸ್ಲಾಮ್ ಟ್ರೋಫಿಯನ್ನು ಹಿಡಿದು ಸಂಭ್ರಮಿಸಿದರು.
ಇಬ್ಬರಿಗೂ ಇದು ಮೊದಲ ಗ್ರ್ಯಾನ್ಸ್ಲಾಮ್ ಫೈನಲ್ ಆದುದರಿಂದ ಟೆನಿಸ್ ಅಭಿಮಾನಿಗಳು ವಿಶೇಷ ಕುತೂಹಲ ಇರಿಸಿಕೊಂಡಿದ್ದರು. ಮೊದಲ ಸೆಟ್ ಅನ್ನು ಸುಲಭದಲ್ಲಿ ವಶಪಡಿಸಿಕೊಂಡ ಕ್ರೆಜಿಕೋವಾ, ದ್ವಿತೀಯ ಸೆಟ್ನಲ್ಲಿ ಇದೇ ರಭಸ ತೋರುವಲ್ಲಿ ವಿಫಲರಾದರು. ಪಾವ್ಲುಚೆಂಕೋವಾ ತಿರುಗಿ ಬಿದ್ದರು. ತೃತೀಯ ಸೆಟ್ ಹೆಚ್ಚು ಫೈಟ್ ಕಂಡೀತೆಂಬ ನಿರೀಕ್ಷೆ ಇತ್ತು. ಆದರೆ ಇಲ್ಲಿ ಕ್ರೆಜಿಕೋವಾ ಮುಂದೆ ರಶ್ಯನ್ನಳ ಆಟ ಸಾಗಲಿಲ್ಲ. ಬರೋಬ್ಬರಿ 40 ವರ್ಷಗಳ ಬಳಿಕ ಜೆಕ್ ಆಟಗಾರ್ತಿಯೊಬ್ಬರು ರೊಲ್ಯಾಂಡ್ ಗ್ಯಾರೋಸ್ನಲ್ಲಿ ಚಾಂಪಿಯನ್ ಆಗಿ ಮೂಡಿಬಂದ ಕ್ಷಣಕ್ಕೆ ಕ್ರೆಜಿಕೋವಾ ಸಾಕ್ಷಿಯಾದರು.
ಡಬಲ್ಸ್ ನಲ್ಲೂ ಫೈನಲ್
ಕ್ರೆಜಿಕೋವಾ ರವಿವಾರ ವನಿತಾ ಡಬಲ್ಸ್ ಫೈನಲ್ನಲ್ಲೂ ಸೆಣಸಲಿದ್ದಾರೆ. ಇಲ್ಲಿ ಅವರ ಜತೆಗಾರ್ತಿ ಕ್ಯಾಥರಿನಾ ಸಿನಿಯಕೋವಾ. ಈ ಜೋಡಿಯ ಎದುರಾಳಿ ಪೋಲೆಂಡ್ನ ಐಗಾ ಸ್ವಿಯಾಟೆಕ್-ಅಮೆರಿಕದ ಬೆಥನಿ ಮಾಟೆಕ್ ಸ್ಯಾಂಡ್ಸ್.
ಕ್ರೆಜಿಕೋವಾ ಇದಕ್ಕೂ ಮೊದಲು 2018ರಲ್ಲಿ ಫ್ರೆಂಚ್ ಓಪನ್ ಮತ್ತು ವಿಂಬಲ್ಡನ್ ವನಿತಾ ಡಬಲ್ಸ್ ಪ್ರಶಸ್ತಿ ಎತ್ತಿದ್ದರು. ಆಸ್ಟ್ರೇಲಿಯನ್ ಓಪನ್ ಮಿಕ್ಸೆಡ್ ಡಬಲ್ಸ್ನಲ್ಲಿ ಪ್ರಶಸ್ತಿಗಳ ಹ್ಯಾಟ್ರಿಕ್ ಸಾಧನೆಗೈದ ಹಿರಿಮೆಯೂ ಇವರ ಪಾಲಿಗಿದೆ (2019, 2020, 2021).
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
IPL 2024; ಅತಿಯಾದ ಸಂಭ್ರಮಾಚರಣೆ ಮಾಡಿದ ಹರ್ಷಿತ್ ರಾಣಾಗೆ ಭಾರಿ ಶಿಕ್ಷೆ
T20 World Cup; ಭಾರತ ತಂಡ ಪ್ರಕಟ; ಅವಕಾಶ ಪಡೆದ ಪಾಂಡ್ಯ, ಪಂತ್, ಸ್ಯಾಮ್ಸನ್
T20 ವಿಶ್ವಕಪ್ ಇಂಗ್ಲೆಂಡ್ ತಂಡ ಪ್ರಕಟ: ವರ್ಷದ ಬಳಿಕ ಸ್ಟಾರ್ ಬೌಲರ್ ತಂಡಕ್ಕೆ ಕಂಬ್ಯಾಕ್
ಬ್ಯಾಟಿಂಗ್ – ಬೌಲಿಂಗ್ ಎರಡರಲ್ಲೂ ಬಲಿಷ್ಠ: T20 ವಿಶ್ವಕಪ್ಗೆ ದಕ್ಷಿಣ ಆಫ್ರಿಕಾ ಪ್ರಕಟ
Mumbai Indians ವಿರುದ್ಧ ತವರಿನ ಅಂಗಳ: ರಾಹುಲ್ಗೆ ಮಹತ್ವದ ಪಂದ್ಯ