Udayavni Special

ರೂಟ್‌ ನಡೆದದ್ದೇ ದಾರಿ… : ನೂರನೇ ಟೆಸ್ಟ್‌ ಪಂದ್ಯದಲ್ಲಿ ನೂರರ ಆಟ


Team Udayavani, Feb 6, 2021, 6:30 AM IST

ರೂಟ್‌ ನಡೆದದ್ದೇ ದಾರಿ… : ನೂರನೇ ಟೆಸ್ಟ್‌ ಪಂದ್ಯದಲ್ಲಿ ನೂರರ ಆಟ

ಚೆನ್ನೈ: ಭಾರತದ “ರೂಟ್‌’ ಸುಗಮವೇ ಎಂಬ ಪ್ರಶ್ನೆಗೆ ಚೆನ್ನೈ ಟೆಸ್ಟ್‌ ಪಂದ್ಯದ ಮೊದಲ ದಿನವೇ ಉತ್ತರ ಲಭಿಸಿದೆ. ಆತಿಥೇಯರ ದಾರಿ ಬಹಳ ಕಠಿನವಾಗಿದೆ ಎಂಬುದಾಗಿ ಇಂಗ್ಲೆಂಡ್‌ ತಂಡದ ಕಪ್ತಾನ ಜೋಸೆಫ್ ಎಡ್ವರ್ಡ್‌ ರೂಟ್‌ ಸಾರಿದ್ದಾರೆ. ತಮ್ಮ 100ನೇ ಟೆಸ್ಟ್‌ ಪಂದ್ಯದ ಸಂಭ್ರಮವನ್ನು ಅಜೇಯ ಶತಕದ ಮೂಲಕ ಆಚರಿಸಿರುವ ಅವರು ಇಂಗ್ಲೆಂಡಿನ ಬೃಹತ್‌ ಮೊತ್ತದ ಸೂಚನೆಯೊಂದನ್ನು ರವಾನಿಸಿದ್ದಾರೆ. ಭಾರತ ಮೂರೇ ಯಶಸ್ಸಿಗೆ ಸಮಾಧಾನಪಟ್ಟಿದೆ.

ಟಾಸ್‌ ಗೆದ್ದು ಮೊದಲು ಬ್ಯಾಟಿಂಗ್‌ ಆಯ್ದುಕೊಂಡ ಇಂಗ್ಲೆಂಡ್‌ ಇದರಲ್ಲಿ ಭರಪೂರ ಯಶಸ್ಸು ಸಾಧಿಸಿತು. 3 ವಿಕೆಟಿಗೆ 263 ರನ್‌ ಪೇರಿಸಿತು. ರೂಟ್‌ 128 ರನ್‌ ಗಳಿಸಿ ಬ್ಯಾಟಿಂಗ್‌ ಕಾಯ್ದಕೊಂಡಿದ್ದಾರೆ. ದಿನದಾಟದ ಮುಕ್ತಾಯಕ್ಕೆ 3 ಎಸೆತ ಉಳಿದಿರುವಾಗ ಆರಂಭಕಾರ ಡೊಮಿನಿಕ್‌ ಸಿಬ್ಲಿ (87) ಅವರ ವಿಕೆಟ್‌ ಹಾರಿಸುವ ಮೂಲಕ ಭಾರತ ನಿಟ್ಟುಸಿರೆಳೆಯಿತು. ಈ ವಿಕೆಟ್‌ ಬುಮ್ರಾ ಪಾಲಾಯಿತು. ಇದಕ್ಕೂ ಮೊದಲು ಡೇನಿಯಲ್‌ ಲಾರೆನ್ಸ್‌ ಅವರನ್ನು ಶೂನ್ಯಕ್ಕೆ ಕೆಡವಿದ್ದರು. ತವರಲ್ಲಿ ಮೊದಲ ಟೆಸ್ಟ್‌ ಆಡುತ್ತಿದ್ದ ಬುಮ್ರಾ 40 ರನ್ನಿತ್ತು 2 ವಿಕೆಟ್‌ ಕಿತ್ತರು. ಆರಂಭಿಕರನ್ನು ಬೇರ್ಪಡಿಸಿದ ಹೆಗ್ಗಳಿಕೆ ಅಶ್ವಿ‌ನ್‌ ಪಾಲಾಯಿತು.

ಸಿಬ್ಲಿ-ರೂಟ್‌ ಸೇರಿಕೊಂಡು ತಂಡದ ಮೊತ್ತವನ್ನು 63ರಿಂದ 263ಕ್ಕೆ ವಿಸ್ತರಿಸಿದ್ದು ಮೊದಲ ದಿನದಾಟದ ಹೈಲೈಟ್‌ ಎನಿಸಿತು. ಭಾರತದ ಬೌಲರ್‌ಗಳನ್ನು ಕಾಡಿದ ಈ ಜೋಡಿ 390 ಎಸೆತಗಳನ್ನು ನಿಭಾಯಿಸಿ ದ್ವಿಶತಕದ ಜತೆಯಾಟ ದಾಖಲಿಸಿತು. 3ನೇ ವಿಕೆಟಿಗೆ ಭರ್ತಿ 200 ರನ್‌ ಹರಿದು ಬಂತು.

ರೂಟ್‌ ಹ್ಯಾಟ್ರಿಕ್‌ ಶತಕ
26ನೇ ಓವರಿನಲ್ಲಿ ಬ್ಯಾಟ್‌ ಹಿಡಿದು ಬಂದ ಜೋ ರೂಟ್‌ ತಮ್ಮ ನೂರನೇ ಟೆಸ್ಟ್‌ನಲ್ಲಿ ನೂರರಾಟ ಆಡುವ ಮೂಲಕ ಒಂದರ ಮೇಲೊಂದರಂತೆ ದಾಖಲೆಗಳನ್ನು ಪೇರಿಸುತ್ತ ಹೋದರು. ಲಂಕೆಯಲ್ಲಿ ತೋರ್ಪಡಿಸಿದ ಉಜ್ವಲ ಬ್ಯಾಟಿಂಗ್‌ ಫಾರ್ಮ್ ಅನ್ನು ಭಾರತದಲ್ಲೂ ಮುಂದುವರಿಸಿದರು. ಇದು ಅವರ ಹ್ಯಾಟ್ರಿಕ್‌ ಶತಕ ಸಾಧನೆಯಾಗಿದೆ. ರೂಟ್‌ ಲಂಕೆಯಲ್ಲಿ 228 ಹಾಗೂ 186 ರನ್‌ ಬಾರಿಸಿ ವಿಜೃಂಭಿಸಿದ್ದರು. ಈಗಾಗಲೇ 197 ಎಸೆತ ಎದುರಿಸಿರುವ ರೂಟ್‌, 14 ಬೌಂಡರಿ ಹಾಗೂ ಒಂದು ಸಿಕ್ಸರ್‌ ಸಿಡಿಸಿದ್ದಾರೆ.

ಓಪನಿಂಗ್‌ ಕ್ಲಿಕ್‌
ಇಂಗ್ಲೆಂಡಿನ ಆರಂಭಿಕ ಜೋಡಿಯಾದ ರೋರಿ ಬರ್ನ್ಸ್ -ಡೊಮಿನಿಕ್‌ ಸಿಬ್ಲಿ ಮೇಲೆ ಹೆಚ್ಚಿನ ಭರವಸೆ ಇರಲಿಲ್ಲ. ಕಳೆದ ಲಂಕಾ ಪ್ರವಾಸದಲ್ಲಿ ಇಬ್ಬರೂ ಮಂಕಾಗಿದ್ದರು. ಆದರೆ ಇಲ್ಲಿ 24ನೇ ಓವರ್‌ ತನಕ ಕ್ರೀಸ್‌ ಆಕ್ರಮಿಸಿ, ಚೆನ್ನೈ ಟ್ರ್ಯಾಕ್‌ನ ಗುಟ್ಟು ರಟ್ಟು ಮಾಡಿದರು. ಇದು ಬ್ಯಾಟಿಂಗಿಗೆ ಯೋಗ್ಯವಾಗಿದ್ದು, ಎಚ್ಚರಿಕೆಯಿಂದ ಆಡಿದರೆ ದೊಡ್ಡ ಮೊತ್ತ ಗಳಿಸಬಹುದೆಂಬ ಸೂಚನೆ ರವಾನಿಸಿದರು.

ಬರ್ನ್ಸ್ 60 ಎಸೆತಗಳಿಂದ 33 ರನ್‌ ಹೊಡೆದರೆ (2 ಬೌಂಡರಿ), 3ನೇ ಶತಕದ ಹಾದಿಯಲ್ಲಿದ್ದ ಸಿಬ್ಲಿ 286 ಎಸೆತಗಳಿಂದ 87 ರನ್‌ ಮಾಡಿದರು (12 ಬೌಂಡರಿ). ಬುಮ್ರಾಗೆ ತವರಿನ ಮೊದಲ ಎಸೆತದಲ್ಲೇ ವಿಕೆಟ್‌ ಸಿಗಬೇಕಿತ್ತು. ಆದರೆ ಬರ್ನ್ಸ್ ನೀಡಿದ ಕ್ಯಾಚನ್ನು ಪಂತ್‌ ಕೈಚೆಲ್ಲಿದರು.

ಇಂಗ್ಲೆಂಡ್‌ ಇನ್ನೂ ಆಳವಾದ ಬ್ಯಾಟಿಂಗ್‌ ಸರದಿಯನ್ನು ಹೊಂದಿದೆ. ರೂಟ್‌ ರನ್‌ ಹಸಿವು ಇನ್ನೂ ಇಂಗಿಲ್ಲ. ಜತೆಗೆ ಸ್ಟೋಕ್ಸ್‌, ಪೋಪ್‌, ಬಟ್ಲರ್‌ ಬ್ಯಾಟಿಂಗಿಗೆ ಬರಬೇಕಿದೆ. ಸ್ಕೋರ್‌ 450ರ ಗಡಿ ದಾಟಿದರೆ ಅಚ್ಚರಿ ಇಲ್ಲ. ಸದ್ಯ ಚೆನ್ನೈ ಪಿಚ್‌ ಯಾವುದೇ ರೀತಿಯ ಬೌಲಿಂಗಿಗೂ ನೆರವು ನೀಡುತ್ತಿಲ್ಲ. 3ನೇ ದಿನದಿಂದ “ಸ್ಪಿನ್‌ ಅಟ್ಯಾಕ್‌’ ಆದೀತು.

ಕಪ್ಪುಪಟ್ಟಿ ಧರಿಸಿ ಆಡಿದ ಆಂಗ್ಲರು
ಚೆನ್ನೈ ಟೆಸ್ಟ್‌ ಪಂದ್ಯದಲ್ಲಿ ಇಂಗ್ಲೆಂಡ್‌ ತಂಡದ ಆಟಗಾರರು ಕಪ್ಪುಪಟ್ಟಿ ಧರಿಸಿ ಕಣಕ್ಕಿಳಿದರು. ಇತ್ತೀಚೆಗೆ ನಿಧನರಾದ ಕ್ಯಾಪ್ಟನ್‌ ಸರ್‌ ಟಾಮ್‌ ಮೂರ್‌ ಅವರ ನಿಧನದ ಶೋಕಾಚರಣೆ ಸಂಕೇತವಾಗಿ ಎಲ್ಲರೂ ಕಪ್ಪು ಬ್ಯಾಂಡ್‌ ಧರಿಸಿದ್ದು ಕಂಡುಬಂತು. “ಮಾಜಿ ಯೋಧರಾಗಿದ್ದ ಟಾಮ್‌ ಅವರು ತಮ್ಮ ಇಳಿ ವಯಸ್ಸಿನಲ್ಲೂ ಕೊರೊನಾ ಮಾರಿ ವಿರುದ್ಧ ಹೋರಾಟ ನಡೆಸುತ್ತ, ನಿಧಿ ಸಂಗ್ರಹದಲ್ಲಿ ತೊಡಗಿದ್ದರು. ಕಳೆದ ವಾರ ತಮ್ಮ ನೂರನೇ ವರ್ಷದ ಹುಟ್ಟುಹಬ್ಬ ಆಚರಿಸಿಕೊಂಡಿದ್ದರು. ಅನಂತರ ಕೊವಿಡ್‌-19 ಕಾರಣದಿಂದಲೇ ಅಸುನೀಗಿದ್ದರು. ಅವರ ಗೌರವಾರ್ಥ ನಮ್ಮ ಆಟಗಾರರು ಕಪ್ಪುಪಟ್ಟಿ ಧರಿಸಿ ಮೈದಾನಕ್ಕಿಳಿದರು’ ಎಂದು ಇಂಗ್ಲೆಂಡ್‌ ಕ್ರಿಕೆಟ್‌ ಬೋರ್ಡ್‌ ತಿಳಿಸಿದೆ.

ಸ್ಕೋರ್‌ ಪಟ್ಟಿ
ಇಂಗ್ಲೆಂಡ್‌ ಪ್ರಥಮ ಇನ್ನಿಂಗ್ಸ್‌
ರೋರಿ ಬರ್ನ್ಸ್ ಸಿ ಪಂತ್‌ ಬಿ ಅಶ್ವಿ‌ನ್‌ 33
ಡೊಮಿನಿಕ್‌ ಸಿಬ್ಲಿ ಎಲ್‌ಬಿಡಬ್ಲ್ಯು ಬಿ ಬುಮ್ರಾ 87
ಡೇನಿಲ್‌ ಲಾರೆನ್ಸ್‌ ಎಲ್‌ಬಿಡಬ್ಲ್ಯು ಬಿ ಬುಮ್ರಾ 0
ಜೋ ರೂಟ್‌ ಬ್ಯಾಟಿಂಗ್‌ 128
ಇತರ 15
ಒಟ್ಟು (3 ವಿಕೆಟಿಗೆ) 263
ವಿಕೆಟ್‌ ಪತನ: 1-63, 2-63, 3-263.
ಬೌಲಿಂಗ್‌
ಇಶಾಂತ್‌ ಶರ್ಮ 15-3-27-0
ಜಸ್‌ಪ್ರೀತ್‌ ಬುಮ್ರಾ 18.3-2-40-2
ಆರ್‌. ಅಶ್ವಿ‌ನ್‌ 24-2-68-1
ಶಾಬಾಜ್‌ ನದೀಂ 20-3-69-0
ವಾಷಿಂಗ್ಟನ್‌ ಸುಂದರ್‌ 12-0-55-0

ಟಾಪ್ ನ್ಯೂಸ್

ಮೀನುಗಾರರ ಗ್ರಾಮಗಳ ಅಭಿವೃದ್ಧಿ

ಮೀನುಗಾರರ ಗ್ರಾಮಗಳ ಅಭಿವೃದ್ಧಿ

ಗ್ರಾಮ ಪಂಚಾಯತ್‌ಗೊಂದು ಮಾದರಿ ಶಾಲೆ

ಗ್ರಾಮ ಪಂಚಾಯತ್‌ಗೊಂದು ಮಾದರಿ ಶಾಲೆ

ರಾಮ ಪಾದಗಳಿಗೆ ರವಿಕಿರಣ! ಅಯೋಧ್ಯೆಯ ಶ್ರೀರಾಮ ಮಂದಿರದ ವೈಶಿಷ್ಟ್ಯ ಬಹಿರಂಗ

ರಾಮ ಪಾದಗಳಿಗೆ ರವಿಕಿರಣ! ಅಯೋಧ್ಯೆಯ ಶ್ರೀರಾಮ ಮಂದಿರದ ವೈಶಿಷ್ಟ್ಯ ಬಹಿರಂಗ

ಇ-ಅಂಕಪಟ್ಟಿ; ವಿದ್ಯಾರ್ಥಿಗಳಿಗಾಗಿ ಮಂಗಳೂರು ವಿ.ವಿ. ಕ್ರಮ

ಇ-ಅಂಕಪಟ್ಟಿ; ವಿದ್ಯಾರ್ಥಿಗಳಿಗಾಗಿ ಮಂಗಳೂರು ವಿ.ವಿ. ಕ್ರಮ

ಉಪ ಚುನಾವಣೆ ಬಳಿಕ ತೈಲ ಬೆಲೆ ಇಳಿಕೆ: ಬಸವರಾಜ ಬೊಮ್ಮಾಯಿ

ಉಪ ಚುನಾವಣೆ ಬಳಿಕ ತೈಲ ಬೆಲೆ ಇಳಿಕೆ: ಬಸವರಾಜ ಬೊಮ್ಮಾಯಿ

ಬರಲಿದೆ ಸ್ಮಾರ್ಟ್‌ ಸ್ಪೀಡ್‌ ವಾರ್ನಿಂಗ್‌ ಸಿಸ್ಟಂ

ಬರಲಿದೆ ಸ್ಮಾರ್ಟ್‌ ಸ್ಪೀಡ್‌ ವಾರ್ನಿಂಗ್‌ ಸಿಸ್ಟಂ

ಕಾಂಗ್ರೆಸ್‌ ನಾಯಕತ್ವ ಮತ್ತು ರಾಹುಲ್‌ಗೆ ಎಐಸಿಸಿ ಪಟ್ಟ

ಕಾಂಗ್ರೆಸ್‌ ನಾಯಕತ್ವ ಮತ್ತು ರಾಹುಲ್‌ಗೆ ಎಐಸಿಸಿ ಪಟ್ಟ





ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು

ಇಂದು ಭಾರತ-ಇಂಗ್ಲೆಂಡ್‌ ಅಭ್ಯಾಸ ಪಂದ್ಯ

ಇಂದು ಭಾರತ-ಇಂಗ್ಲೆಂಡ್‌ ಅಭ್ಯಾಸ ಪಂದ್ಯ

ಇಂಡಿಯನ್‌ ವೆಲ್ಸ್‌ ಟೆನಿಸ್‌ : ನೂರಿ-ಬಾಸಿಲಶ್ವಿ‌ಲಿ ಫೈನಲ್‌

ಇಂಡಿಯನ್‌ ವೆಲ್ಸ್‌ ಟೆನಿಸ್‌ : ನೂರಿ-ಬಾಸಿಲಶ್ವಿ‌ಲಿ ಫೈನಲ್‌

ಪಾಕಿಸ್ಥಾನ ವಿರುದ್ಧ ಪ್ರಭುತ್ವ; ಮೊದಲ ಪ್ರಶಸ್ತಿಯೇ ಭಾರತಕ್ಕೆ

ಪಾಕಿಸ್ಥಾನ ವಿರುದ್ಧ ಪ್ರಭುತ್ವ; ಮೊದಲ ಪ್ರಶಸ್ತಿಯೇ ಭಾರತಕ್ಕೆ

ಟಿ20 ವಿಶ್ವಕಪ್‌ ಅರ್ಹತಾ ಸುತ್ತಿನ ಮೊದಲ ಪಂದ್ಯ: ಒಮಾನ್‌ಗೆ 10 ವಿಕೆಟ್‌ ಭರ್ಜರಿ ಗೆಲುವು

ಟಿ20 ವಿಶ್ವಕಪ್‌ ಅರ್ಹತಾ ಸುತ್ತಿನ ಮೊದಲ ಪಂದ್ಯ: ಒಮಾನ್‌ಗೆ 10 ವಿಕೆಟ್‌ ಭರ್ಜರಿ ಗೆಲುವು

ಚೆನ್ನೈಯಲ್ಲೇ ಉಳಿಯಲಿದ್ದಾರೆ ಮಹೇಂದ್ರ ಸಿಂಗ್‌ ಧೋನಿ

ಚೆನ್ನೈಯಲ್ಲೇ ಉಳಿಯಲಿದ್ದಾರೆ ಮಹೇಂದ್ರ ಸಿಂಗ್‌ ಧೋನಿ

MUST WATCH

udayavani youtube

ಅರರೆ… ಬಾಳೆ ಕಾಯಿ ಶ್ಯಾವಿಗೆ.. ರುಚಿ ಬಾಯಿಗೆ, ಉತ್ತಮ ಆರೋಗ್ಯಕ್ಕೆ

udayavani youtube

ದಾಂಡೇಲಿ : ಜನಮನ ಸೂರೆಗೊಂಡ ದನಗರ ಗೌಳಿ ನೃತ್ಯ

udayavani youtube

ಭತ್ತದ ಕೃಷಿ ಭರಪೂರ ಲಾಭ ತಂದು ಕೊಡುತ್ತಾ ?

udayavani youtube

ಸಮಾಜ ಮೆಚ್ಚುವಂತೆ ಬಾಳುವೆ: ಆರ್ಯನ್‌ ಖಾನ್ |UDAYAVANI NEWS BULLETIN|17/10/2021

udayavani youtube

ಅರಕಲಗೂಡು: ಅಕ್ರಮವಾಗಿ ಗೋಮಾಂಸ ಮಾರಾಟ ಮಾಡುತ್ತಿದ್ದ ಅಂಗಡಿಗಳ ಮೇಲೆ ಪೊಲೀಸರ ದಾಳಿ

ಹೊಸ ಸೇರ್ಪಡೆ

ಮೀನುಗಾರರ ಗ್ರಾಮಗಳ ಅಭಿವೃದ್ಧಿ

ಮೀನುಗಾರರ ಗ್ರಾಮಗಳ ಅಭಿವೃದ್ಧಿ

ಗ್ರಾಮ ಪಂಚಾಯತ್‌ಗೊಂದು ಮಾದರಿ ಶಾಲೆ

ಗ್ರಾಮ ಪಂಚಾಯತ್‌ಗೊಂದು ಮಾದರಿ ಶಾಲೆ

ಈ ದೇಶಗಳಿಗೆ ಹೋಗುವುದು ಸುಲಭ

ಈ ದೇಶಗಳಿಗೆ ಹೋಗುವುದು ಸುಲಭ

ದೊಡ್ಡವರು ಪಡೆದಿದ್ದರಷ್ಟೇ ಮಕ್ಕಳಿಗೆ ಕೋವಿಡ್‌ ಲಸಿಕೆ

ದೊಡ್ಡವರು ಪಡೆದಿದ್ದರಷ್ಟೇ ಮಕ್ಕಳಿಗೆ ಕೋವಿಡ್‌ ಲಸಿಕೆ

ರಾಮ ಪಾದಗಳಿಗೆ ರವಿಕಿರಣ! ಅಯೋಧ್ಯೆಯ ಶ್ರೀರಾಮ ಮಂದಿರದ ವೈಶಿಷ್ಟ್ಯ ಬಹಿರಂಗ

ರಾಮ ಪಾದಗಳಿಗೆ ರವಿಕಿರಣ! ಅಯೋಧ್ಯೆಯ ಶ್ರೀರಾಮ ಮಂದಿರದ ವೈಶಿಷ್ಟ್ಯ ಬಹಿರಂಗ

Thanks for visiting Udayavani

You seem to have an Ad Blocker on.
To continue reading, please turn it off or whitelist Udayavani.