ಐಸಿಸಿ ಟಿ20 ರ್ಯಾಂಕಿಂಗ್: ಭಾರತ ನಂ.2
Team Udayavani, Mar 11, 2021, 12:10 AM IST
ದುಬಾೖ: ಪ್ರವಾಸಿ ಇಂಗ್ಲೆಂಡ್ ವಿರುದ್ಧ ಐದು ಪಂದ್ಯಗಳ ಟಿ20 ಸರಣಿಯನ್ನು ಆರಂಭಿಸಲಿ ರುವ ಹೊತ್ತಿನಲ್ಲೇ ಭಾರತಕ್ಕೊಂದು ಸಿಹಿ ಸುದ್ದಿ ಲಭಿಸಿದೆ. ನೂತನ ಐಸಿಸಿ ಟೀಮ್ ರ್ಯಾಂಕಿಂಗ್ನಲ್ಲಿ ಭಾರತ ಮೂರರಿಂದ ಎರಡನೇ ಸ್ಥಾನಕ್ಕೆ ಏರಿದೆ.
ಕಿವೀಸ್-ಆಸ್ಟ್ರೇಲಿಯ ನಡುವಿನ ಟಿ20 ಸರಣಿ ಬಳಿಕ ಪರಿಷ್ಕರಿಸಿದ ನೂತನ ರ್ಯಾಂಕಿಂಗ್ ಯಾದಿಯನ್ನು ಐಸಿಸಿ ಬುಧವಾರ ಬಿಡುಗಡೆ ಮಾಡಿದೆ. ಸರಣಿಯನ್ನು 2-3 ಅಂತ ರದಿಂದ ಕಳೆದುಕೊಂಡ ಕಾರಣ ಆಸೀಸ್ ಮೂರಕ್ಕೆ ಇಳಿಯಿತು. ಇದರಿಂದ ಭಾರತಕ್ಕೆ ಲಾಭವಾಯಿತು. ಇಂಗ್ಲೆಂಡ್ ಟಾಪ್ ಟೀಮ್ ಆಗಿದೆ.
ರಾಹುಲ್ ಕುಸಿತ
ನ್ಯೂಜಿಲ್ಯಾಂಡ್ ವಿರುದ್ಧ ಆರನ್ ಫಿಂಚ್ ಅಮೋಘ ಬ್ಯಾಟಿಂಗ್ ಪ್ರದರ್ಶನ ನೀಡಿ 2 ಸ್ಥಾನ ಮೇಲೇರಿದರು. ಇದರಿಂದ ಕೆ.ಎಲ್. ರಾಹುಲ್ ಎರಡರಿಂದ ಮೂರಕ್ಕೆ ಇಳಿಯಬೇಕಾಯಿತು. ಟಾಪ್-10 ಯಾದಿಯಲ್ಲಿರುವ ಭಾರತದ ಉಳಿ ದೋರ್ವ ಆಟಗಾರ ಕೊಹ್ಲಿ 6ನೇ ಸ್ಥಾನದಲ್ಲಿ ಮುಂದುವರಿದಿದ್ದಾರೆ.
ಇದನ್ನೂ ಓದಿ :ಐಸಿಸಿ ಸಿಇಒ ಸ್ಥಾನ ಕಳೆದುಕೊಳ್ಳುವ ಭೀತಿಯಲ್ಲಿ ಮನು ಸಾಹ್ನಿ
ನ್ಯೂಜಿಲ್ಯಾಂಡ್ ಎದುರಿನ ಸರಣಿಯಲ್ಲಿ ಉತ್ತಮ ಪ್ರದರ್ಶನ ನೀಡಿದ ಮಾರ್ಟಿನ್ ಗಪ್ಟಿಲ್ ಅಗ್ರ ಹತ್ತರ ಯಾದಿಗೆ ಮರಳಿ ದ್ದಾರೆ. ಅವರದು 3 ಸ್ಥಾನಗಳ ನೆಗೆತ. ಮ್ಯಾಕ್ಸ್ವೆಲ್ 7ನೇ ಸ್ಥಾನ ಉಳಿಸಿಕೊಂಡಿದ್ದು, ಡೇವಿಡ್ ಮಾಲನ್ ಅಗ್ರಸ್ಥಾನ ಕಾಯ್ದು ಕೊಳ್ಳುವಲ್ಲಿ ಯಶಸ್ವಿಯಾಗಿದ್ದಾರೆ.