Fraud: ಷೇರಿನಲ್ಲಿ ಹೂಡುವಂತೆ ಆಸೆ ತೋರಿಸಿ 1.30 ಕೋಟಿ ರೂ. ವಂಚನೆ
Team Udayavani, Jan 6, 2024, 11:36 AM IST
ಬೆಂಗಳೂರು: ಷೇರಿನಲ್ಲಿ ದುಡ್ಡು ಹೂಡಿಕೆ ಮಾಡಿದರೆ ಹೆಚ್ಚಿನ ಲಾಭಾಂಶ ನೀಡುವುದಾಗಿ ವ್ಯಕ್ತಿಯೊಬ್ಬರಿಗೆ ಮಹಿಳೆ 1.30 ಕೋಟಿ ರೂ. ಟೋಪಿ ಹಾಕಿದ್ದಾಳೆ.
ಕೆಂಗೇರಿ ನಿವಾಸಿ ಕೆಂಚಯ್ಯ (43) ವಂಚನೆಗೊಳಗಾದವರು. ಕೆಂಚಯ್ಯ ವಾಟ್ಸ್ಆ್ಯಪ್ಗೆ ಇತ್ತೀಚೆಗೆ ಅಪರಿ ಚಿತ ಮಹಿಳೆ ಮೀನಾಕ್ಷಿ ಎಂಬುವ ವರು ವಾಟ್ಸ್ ಆ್ಯಪ್ ಗ್ರೂಪ್ನಿಂದ ಸಂದೇಶ ಕಳಿಸಿದ್ದರು. ಷೇರುಗಳಲ್ಲಿ ಹೂಡಿಕೆ ಮಾಡಿದರೆ ಅತೀ ಹೆಚ್ಚು ಲಾಭವಾಗುತ್ತದೆ ಎಂದು ನಂಬಿಸಿದ್ದಳು. ಷೇರಿನ ಬಗ್ಗೆ ತರಗತಿಗಳು ನಡೆಯುತ್ತಿದ್ದು ಅದನ್ನು ನೋಡುವಂತೆ ಹೇಳಿದ್ದಳು. ಮಹಿಳೆಯ ಮಾತಿನ ಮೋಡಿಗೆ ಮರುಳಾದ ಕೆಂಚಯ್ಯ, ಮಹಿಳೆ ಹೇಳಿದ ಲಿಂಕ್ ಕ್ಲಿಕ್ ಮಾಡಿ ಆನ್ಲೈನ್ ತರಗತಿಗೆ ಸೇರುವುದಾಗಿ ಹೇಳಿ ದ್ದರು. ವಾಟ್ಸ್ಆ್ಯಪ್ ಗ್ರೂಪ್ನಲ್ಲಿ ಇದ್ದ ಹಲವರು ಹೆಚ್ಚಿನ ಲಾಭ ಪಡೆದಿದ್ದಾರೆ ಎಂದು ಮಹಿಳೆಯು ಸ್ಟ್ರೀನ್ ಶಾಟ್ ಕಳಿಸಿದ್ದಳು. ಇದನ್ನು ನಂಬಿದ ಕೆಂಚಯ್ಯ ಮಹಿಳೆಯ ಮೂಲಕ ಷೇರುಗಳಿಗೆ ಹಣ ಹೂಡಿಕೆ ಮಾಡಲು ಒಪ್ಪಿಕೊಂಡಿದ್ದರು. ನಂತರ ಮಹಿಳೆ ಲಿಂಕ್ವೊಂದನ್ನು ಕಳುಹಿಸಿ ಡೌನ್ ಲೌಡ್ ಮಾಡಿಕೊಳ್ಳುಲು ಹೇಳಿದ್ದರು.
ಲಿಂಕ್ ಓಪನ್ ಮಾಡಿ ಅಪರಿಚಿತರು ಕೊಟ್ಟಂತಹ ಖಾತೆಗಳಿಗೆ ಕೆಂಚಯ್ಯ ಹಣ ಹಾಕಿದ್ದರು. ನಂತರ ಅಪರಿಚಿತರು ಇನ್ನೂ ಹೆಚ್ಚಿನ ಲಾಭವನ್ನು ತಂದುಕೊಡುವ ವಿಐಪಿ ಗ್ರೂಪ್ಗೆ ಸೇರಿಸುತ್ತೇನೆಂದು ಹೇಳಿ ಹಂತವಾಗಿ ಕೆಂಚಯ್ಯ ಅವರಿಂದ ಒಟ್ಟು 1.30 ಕೋಟಿ ರೂ. ಅನ್ನು ವಿವಿಧ ಅಪರಿಚಿತರ ಹೆಸರಿನ ಬ್ಯಾಂಕ್ ಖಾತೆಗಳಿಗೆ ಆನ್ಲೈನ್ ಮೂಲಕ ವಗ್ವಾಣೆ ಮಾಡಿಸಿಕೊಂಡಿದ್ದರು. ನಂತರ ಯಾವುದೇ ಹಣವನ್ನು ಕೆಂಚಯ್ಯ ಅವರಿಗೆ ನೀಡಲಿಲ್ಲ. ಕಟ್ಟಿರುವ ಹಣವನ್ನು ವಿತ್ ಡ್ರಾ ಮಾಡಲು ಪುನಃ ಹಣವನ್ನು ಪೇ ಮಾಡಿ ಎಂದು ಮಹಿಳೆ ಹೇಳುತ್ತಿದ್ದಾರೆ ಎಂದು ಕೆಂಚಯ್ಯ ಹೇಳಿದ್ದಾರೆ.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
MUST WATCH
ಹೊಸ ಸೇರ್ಪಡೆ
PCB: ಭಾರತದ ವಿಶ್ವಕಪ್ ಗೆಲುವಿನ ರೂವಾರಿ ಈಗ ಪಾಕಿಸ್ತಾನ ತಂಡದ ಹೊಸ ಕೋಚ್
Davanagere ಮೋದಿ ಸಮಾವೇಶ: ಬಿಸಿಲಿನ ನಡುವೆಯೂ ಸೇರಿದ ಸಹಸ್ರಾರು ಜನರು
Belagavi; ನಿಮ್ಮ ಕನಸುಗಳು ನನ್ನ ಸಂಕಲ್ಪ…: ಬೃಹತ್ ಸಮಾವೇಶದಲ್ಲಿ ನರೇಂದ್ರ ಮೋದಿ ಹೇಳಿಕೆ
LS Polls: ಜೆಡಿಎಸ್ ಬೆಂಬಲ ಆನೆ ಬಲ ತಂದು ಕೊಟ್ಟಿದೆ: ಆರಗ ಜ್ಞಾನೇಂದ್ರ
Pramod, Pruthvi Ambaar: ಪೋಸ್ಟ್ ಪ್ರೊಡಕ್ಷನ್ನಲ್ಲಿ ‘ಭುವನಂ ಗಗನಂ’