Father: ಅಪ್ಪ ಮಾರಾಟಕ್ಕಿದ್ದಾನೆ !: ತಂದೆ ಮೇಲೆ ಮಗಳ ಹಾಸ್ಯಾಸ್ಪದ ಪ್ರತೀಕಾರ
Team Udayavani, Oct 4, 2023, 8:41 PM IST
ನವದೆಹಲಿ: ಇತ್ತೀಚೆಗಿನ ದಿನಗಳಲ್ಲಿ ಮಕ್ಕಳ ಚುರುಕುತನಕ್ಕೆ ಮಾರು ಹೋಗದವರೇ ಇಲ್ಲ, ಸ್ವಲ್ಪ ಕಾಲದ ಹಿಂದಿನ ಮಕ್ಕಳಿಗೂ ಈಗಿನ ಮಕ್ಕಳಿಗೂ ಅಬ್ಬಬ್ಟಾ ಎನಿಸುವಷ್ಟು ವ್ಯತ್ಯಾಸವಿದೆ. ಜಾಲತಾಣದಲ್ಲಿ 8 ವರ್ಷದ ಪೋರಿಯೊಬ್ಬಳ ಪೋಸ್ಟ್ ವೈರಲ್ ಆಗಿದ್ದು, ತಂದೆ ಮೇಲಿನ ಆಕೆಯ ತುಂಟ ಪ್ರತೀಕಾರ ಕಂಡು ನೆಟ್ಟಿಗರೂ ಹುಬ್ಬೇರಿಸಿದ್ದಾರೆ.
ಹೌದು, ಟ್ವಿಟರ್ ಬಳಕೆದಾರರಾದ ಮೆಲನ್ ಎಂಬವರು ಪೋಸ್ಟ್ ಒಂದನ್ನು ಶೇರ್ ಮಾಡಿದ್ದರು. ಅದರಲ್ಲಿ ಅಸ್ಪಷ್ಟ ಅಕ್ಷರಗಳಲ್ಲಿ ಮಗುವೊಂದು ಬರೆದಿರುವ ಪತ್ರವಿತ್ತು. ಆ ಪತ್ರದಲ್ಲಿ ಏನಿತ್ತು ಗೊತ್ತೇ ? ಫಾದರ್ ಫಾರ್ ಸೇಲ್ ಎಂದು.
ಹೌದು, ಮೆಲನ್ ತಮ್ಮ ಪುತ್ರಿಯ ಯಾವುದೋ ಬೇಡಿಕೆಯನ್ನು ನಿರಾಕರಿಸಿದ್ದಾರೆ. ಇದರಿಂದ ಕೋಪಗೊಂಡ ಅವರ 8 ವರ್ಷದ ಮಗಳು 2 ಲಕ್ಷ ರೂ.ಗಳಿಗೆ ಅಪ್ಪನನ್ನು ಮಾರಾಟ ಮಾಡುತ್ತಿದ್ದೇನೆ, ಹೆಚ್ಚಿನ ಮಾಹಿತಿಗಾಗಿ ಡೋರ್ ಬೆಲ್ ಮಾಡಿ ಎಂದು ಫಲಕ ಬರೆದು ನೇತು ಹಾಕಿ, ಪ್ರತೀಕಾರ ತೆಗೆದುಕೊಂಡಿದ್ದಾಳೆ.ಇದನ್ನು ಟ್ವಿಟರ್ನಲ್ಲಿ ಮೆಲನ್ ಹಂಚಿಕೊಂಡಿದ್ದು, ಬಹುಶಃ ನನ್ನ ಮೌಲ್ಯ ಇಷ್ಟೇ ಎಂದು ಹಾಸ್ಯ ಮಾಡಿದ್ದಾರೆ.