Pakistan: ಮಾಜಿ ಪಿಎಂ ನವಾಜ್‌ ರಾಜಕೀಯ ಜೀವನ ಅಂತ್ಯ? ನವಾಜ್‌ ಸೋದರ ಶೆಹ್‌ಬಾಜ್‌ ಪ್ರಧಾನಿ?

Team Udayavani, Feb 16, 2024, 12:59 AM IST

ಇಸ್ಲಾಮಾಬಾದ್‌: ಪಾಕಿಸ್ಥಾನದ ಮುಂದಿನ ಪ್ರಧಾನಿ ಹುದ್ದೆಗೆ ಪಾಕಿಸ್ಥಾನ್‌ ಮುಸ್ಲಿಂ ಲೀಗ್‌ (ಪಿಎಂ­ಎಲ್‌ಎನ್‌) ಮಾಜಿ ಪ್ರಧಾನಿ ನವಾಜ್‌ ಶರೀಫ್ ಸಹೋದರ ಶೆಹ್‌ಬಾಜ್‌ ಅವರನ್ನು ನೇಮಿ ಸಿದ ಬೆನ್ನಲ್ಲೇ, ಶರೀಫ್ ದಶಕಗಳ ರಾಜ ಕೀಯ ಜೀವನ ಅಂತ್ಯವಾಯಿತು ಎಂದೇ ವಿಶ್ಲೇಷಿಸಲಾಗುತ್ತಿದೆ.

4ನೇ ಬಾರಿಗೆ ಪ್ರಧಾನಿ ಗದ್ದುಗೆ ಏರಲು 72 ವರ್ಷದ ಶರೀಫ್ ಲೆಕ್ಕಾಚಾ ರದಲ್ಲಿದ್ದರು. ಆದರೆ ಚುನಾವಣೆಯಲ್ಲಿ ತಮ್ಮ ಪಕ್ಷ ಹೇಳಿಕೊಳ್ಳುವಂತಹ ಸಾಧನೆ ಮಾಡದ ಕಾರಣ, ಪಾಕಿಸ್ಥಾನ್‌ ಪೀಪಲ್ಸ್‌ ಪಾರ್ಟಿ (ಪಿಪಿಪಿ) ಜತೆಗೆ ಮೈತ್ರಿ ಮಾಡಿಕೊಂಡಿದ್ದು, ಪ್ರಧಾನಿಯಾಗಲು ನಿರಾಸಕ್ತಿ ತೋರಿದ್ದಾರೆ.

ಒಮರ್‌ ಅಯೂಬ್‌ ಪಿಪಿಪಿ ಪ್ರಧಾನಿ ಅಭ್ಯ ರ್ಥಿ
ಪಾಕಿಸ್ಥಾನದಲ್ಲಿ ಅತಂತ್ರ ಫ‌ಲಿತಾಂಶದ ಬೆನ್ನಲ್ಲೇ ಮಾಜಿ ಪ್ರಧಾನಿ ನವಾಜ್‌ ನೇತೃತ್ವದ ಪಾಕಿಸ್ಥಾನ್‌ ಮುಸ್ಲಿಂ ಲೀಗ್‌(ಪಿಎಂಎಲ್‌ಎನ್‌) ಮತ್ತು ಭಿಲಾವಲ್‌ ಭುಟ್ಟೋ ಅವರ ಪಾಕಿಸ್ಥಾನ್‌ ಪೀಪಲ್ಸ್‌ ಪಾರ್ಟಿ(ಪಿಪಿಪಿ) ನಡುವೆ ಮೈತ್ರಿ ಏರ್ಪಟ್ಟಿದೆ. ಆದರೆ ಅತೀ ಹೆಚ್ಚು ಸ್ಥಾನಗಳನ್ನು ಗಳಿಸಿರುವ ಮಾಜಿ ಪ್ರಧಾನಿ ಇಮ್ರಾನ್‌ ಖಾನ್‌ ನಾಯಕತ್ವದ ಪಾಕಿಸ್ಥಾನ್‌ ತೆಹ್ರೀಕ್‌-ಇ-ಇನ್ಸಾಫ್(ಪಿಟಿಐ) ಪಕ್ಷದ ಬೆಂಬಲಿತ ಅಭ್ಯರ್ಥಿಗಳು ಒಮರ್‌ ಆಯೂಬ್‌ರನ್ನು ಪ್ರಧಾನಿ ಅಭ್ಯರ್ಥಿಯಾಗಿ ಘೋಷಿಸಿದೆ.