ಜರ್ಮನ್ ಓಪನ್ ಬ್ಯಾಡ್ಮಿಂಟನ್: ಪಿ.ವಿ. ಸಿಂಧು, ಸೈನಾಗೆ ಸೋಲು
Team Udayavani, Mar 11, 2022, 6:20 AM IST
ಹೊಸದಿಲ್ಲಿ: ಭಾರತದ ಸ್ಟಾರ್ ಆಟಗಾರ್ತಿ ಪಿ.ವಿ. ಸಿಂಧು ತನಗಿಂತ ಕೆಳ ರ್ಯಾಂಕಿಂಗ್ ಆಟಗಾರ್ತಿ ವಿರುದ್ಧ ಆಘಾತಕಾರಿ ಸೋಲುಂಡು “ಜರ್ಮನ್ ಓಪನ್ ಸೂಪರ್ 300 ಬ್ಯಾಡ್ಮಿಂಟನ್’ ಪಂದ್ಯಾವಳಿಯಿಂದ ಹೊರಬಿದ್ದರು. ಇವರ ನಿರ್ಗಮನದ ಬೆನ್ನಲ್ಲೇ ಸೈನಾ ನೆಹ್ವಾಲ್ ಕೂಡ ಸೋಲಿನ ಸುಳಿಗೆ ಸಿಲುಕಿದರು. ಆದರೆ ಕೆ. ಶ್ರೀಕಾಂತ್ ದ್ವಿತೀಯ ಸುತ್ತು ದಾಟುವಲ್ಲಿ ಯಶಸ್ವಿಯಾಗಿದ್ದಾರೆ.
ಗುರುವಾರ ನಡೆದ ದ್ವಿತೀಯ ಸುತ್ತಿನ ಸ್ಪರ್ಧೆಯಲ್ಲಿ 7ನೇ ರ್ಯಾಂಕಿಂಗ್ನ ಸಿಂಧು ಚೀನದ ಜಾಂಗ್ ಯಿ ಮ್ಯಾನ್ ವಿರುದ್ಧ 14-21, 21-15, 14-21 ಅಂತರದ ಸೋಲುಂಡರು. ಇದರೊಂದಿಗೆ ಯುರೋಪಿಯನ್ ಲೆಗ್ನಲ್ಲಿ ಸಿಂಧು ನಿರಾಶಾದಾಯಕ ಆರಂಭ ಕಾಣಬೇಕಾಯಿತು. ಮುಂದಿನ ವಾರ ಆರಂಭವಾಗಲಿರುವ ಪ್ರತಿಷ್ಠಿತ “ಆಲ್ ಇಂಗ್ಲೆಂಡ್ ಬ್ಯಾಡ್ಮಿಂಟನ್ ಟೂರ್ನಿ’ಯ ತಯಾರಿಗೆ ಇದೊಂದು ಹಿನ್ನಡೆ ಆಗಿದೆ.
ಸೈನಾ ನೆಹ್ವಾಲ್ ಅವರನ್ನು ಥಾಯ್ಲೆಂಡ್ನ ರಚನೋಕ್ ಇಂತಾ ನನ್ 10-21, 15-21 ಅಂತರದಿಂದ ಹಿಮ್ಮೆಟ್ಟಿಸಿದರು.
ಇದನ್ನೂ ಓದಿ:ದಾಖಲೆ ಸರಿಗಟ್ಟಿದ ಭಾರತದ ಹಿರಿಯ ವೇಗಿ ಜೂಲನ್ ಗೋಸ್ವಾಮಿ
ಶ್ರೀಕಾಂತ್ಗೆ ಗೆಲುವು
ಪುರುಷರ ಸಿಂಗಲ್ಸ್ನಲ್ಲಿ ಕೆ. ಶ್ರೀಕಾಂತ್ ಚೀನದ ಲು ಗುವಾಂಗ್ ಝು ವಿರುದ್ಧ 21-16, 21-23, 21-18 ಅಂತರದ ಗೆಲುವು ಸಾಧಿಸಿದರು. 67 ನಿಮಿಷಗಳ ತನಕ ಇವರ ಹೋರಾಟ ಸಾಗಿತು. ಶ್ರೀಕಾಂತ್ ಮುಂದಿನ ಸುತ್ತಿನಲ್ಲಿ ಒಲಿಂಪಿಕ್ಸ್ ಚಾಂಪಿಯನ್ ವಿಕ್ಟರ್ ಅಕ್ಸೆಲ್ಸೆನ್ ಅವರನ್ನು ಎದುರಿಸುವ ಸಾಧ್ಯತೆ ಇದೆ.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
Archery World Cup: ಆರ್ಚರಿ ವಿಶ್ವಕಪ್ ರಿಕರ್ವ್ ವಿಭಾಗದಲ್ಲೂ ಭಾರತ ಫೈನಲ್ಗೆ
IPL; ಸನ್ರೈಸರ್ಸ್ ಹೈದರಾಬಾದ್ ವಿರುದ್ಧ ಜಯದ ನಗು ಬೀರಿದ ಆರ್ ಸಿಬಿ
Athletics: ಕಿರಿಯರ ಏಷ್ಯನ್ ಆ್ಯತ್ಲೆಟಿಕ್ಸ್ ಜಾವೆಲಿನ್ನಲ್ಲಿ ದೀಪಾಂಶುಗೆ ಬಂಗಾರ
Gukesh: ಚಾಂಪಿಯನ್ ಗುಕೇಶ್ಗೆ ಭವ್ಯ ಸ್ವಾಗತ
IPL: ಎಲ್ಲೆ ಮೀರಿ ವಿಕೆಟ್ ಸಂಭ್ರಮಾಚರಣೆಡೆಲ್ಲಿ ವೇಗಿ ರಸಿಕ್ ಸಲಾಂಗೆ ಛೀಮಾರಿ