CONNECT WITH US  

ಅಪ್ಪ ಬರೆದ ಮಗಳ ಸಿವಿ ಈಗ ವೈರಲ್‌

ಉದ್ಯೋಗಾಕಾಂಕ್ಷಿಗಳು ತಮ್ಮ ಸ್ವವಿವರ ಪಟ್ಟಿ ರಚಿಸುವಾಗ ಶೇ.100ರಷ್ಟು ಸತ್ಯವನ್ನೇ ನಮೂದಿಸುತ್ತಾರೆ ಎಂಬ ಗ್ಯಾರಂಟಿ ಇಲ್ಲ. ಇಂಗ್ಲೆಂಡ್‌ನ‌ ಹದಿಹರೆಯದ ಹುಡುಗಿಯೊಬ್ಬಳು ತಾನೇ ತನ್ನ ಸಿವಿ ಅನ್ನು ಬರೆಯದೇ ತನ್ನ ತಂದೆಯ ಕೈಯಿಂದ ಬರೆಸಿದ್ದಾಳೆ. ಆಕೆಯ ತಂದೆ ತುಸು ಹೆಚ್ಚೇ ಪ್ರಾಮಾಣಿಕವಾಗಿ ಸಿವಿ ತಯಾರಿಸಿದ್ದಾರೆ. ಈಗ ಅದು ವೈರಲ್‌ ಆಗಿದೆ.

ಮೇಲ್ನೋಟಕ್ಕೆ ಸಂಪೂರ್ಣ ಔಪಚಾರಿಕವಾಗಿ ಕಾಣುವ ಸಿವಿಯಲ್ಲಿ ಉಪಶೀರ್ಷಿಕೆಗಳ ಕೆಳಗೆ ತಮ್ಮ ಮಗಳ ಕೌಶಲ್ಯಗಳು, ಅರ್ಹತೆಗಳನ್ನು ಪಟ್ಟಿ ಮಾಡಿರುವ ಅವರು, ಶೈಕ್ಷಣಿಕ ಅರ್ಹತೆ ಪಟ್ಟಿಯಲ್ಲಿ ಮಗಳು 2 ವಿಷಯಗಳಲ್ಲಿ ಅನುತ್ತೀರ್ಣಳಾಗಿರುವುದನ್ನು ದಾಖಲಿಸಿದ್ದಾರೆ.

ಕಚೇರಿ ಸಹಾಯ ಪಟ್ಟಿಯಲ್ಲಿ ಸದಾ ಫೇಸ್‌ಬುಕ್‌ ಜಾಲಾಡುವುದು, ಹೇಳಿದ ಮಾತು ಕೇಳಲ್ಲ... ಹೀಗೆ ತಮ್ಮ ಮಗಳ ಗುಣಗಳನ್ನೂ ನಮೂದಿಸಿದ್ದಾರೆ. ಕೌಶಲ್ಯಗಳ ಪಟ್ಟಿಯಲ್ಲಿ ಸೋಮಾರಿತನ, ತಡ, ಆಸಕ್ತಿ ಇಲ್ಲದಿರುವುವಿಕೆ, ಒರಟು, ದ್ವೇಷ ಮನೋಭಾವ ಎಂದು ಸೇರಿಸಿದ್ದಾರೆ. ಜವಾಬ್ದಾರಿಗಳ ಪಟ್ಟಿಯಲ್ಲಿ ಗುಂಡಿಗಳನ್ನು ಅಗೆದು ಚಿನ್ನ ಹುಡುಕುವುದು, ಯಾವುದಕ್ಕೂ ಉತ್ತರಿಸದೇ ಇರುವುದು ಎಂದು ಬರೆದಿದ್ದಾರೆ.

Trending videos

Back to Top