ಲೂಧಿಯಾನದಲ್ಲಿ ಪರಿಸರ ಸ್ನೇಹಿ ಚಾಕಲೆಟ್‌ ಗಣಪ

Team Udayavani, Sep 15, 2018, 4:19 AM IST

ಗಣೇಶ ಚತುರ್ಥಿಗೆ ಹಲವಾರು ದಿನಗಳು ಬಾಕಿ ಇರುವಂತೆಯೇ ಪರಿಸರ ಸ್ನೇಹಿ ಗಣಪನನ್ನು ಮನೆಯಲ್ಲಿ ಪೂಜಿಸಲು ಸರ್ಕಾರಗಳು, ಸಂಘ ಸಂಸ್ಥೆಗಳು ಜನರಲ್ಲಿ ಮನವಿ ಮಾಡುತ್ತವೆ. ಆದರಂತೆ, ಚಾಕಲೆಟ್‌ ತಯಾರಕ ಹರ್ಜಿಂದರ್‌ ಸಿಂಗ್‌ ಕರ್ಕೆಜ 65 ಕೆ.ಜಿ ತೂಕದ ಚಾಕ್ಲೆಟ್‌ ಗಣಪತಿಯನ್ನು ತಯಾರಿಸಿದ್ದಾರೆ. 20 ಬಾಣಸಿಗರು 10 ದಿನಗಳ ಕಾಲ ಇದಕ್ಕಾಗಿ ಶ್ರಮ ವಹಿಸಿದ್ದಾರೆ. ಈ ಗಣಪನನ್ನು ರಚಿಸಲು ಕಾರಣ, ಜನರಿಗೆ ಪರಿಸರ ಸ್ನೇಹಿ ಗಣೇಶನನ್ನು ಪೂಜಿಸಲು ಉತ್ತೇಜನ ನೀಡುವುದು ಎಂದು ಅವರು ಟ್ವಿಟರ್‌ನಲ್ಲಿ ಹೇಳಿದ್ದಾರೆ. ಇದನ್ನು ನೀರಿನಲ್ಲಿ ವಿಸರ್ಜನೆ ಮಾಡುವ ಬದಲು ಹಾಲಿನಲ್ಲಿ ವಿಸರ್ಜನೆ ಮಾಡಿ. ಅದನ್ನು ಬಡ ಮಕ್ಕಳಿಗೆ ಕುಡಿಯಲು ಕೊಡಲು ನಿರ್ಧರಿಸಿದ್ದೇವೆ ಎಂದೂ ಅವರು ಹೇಳಿದ್ದಾರೆ.