ವೈರಲ್ ಆಯ್ತು ಕರಡಿ ಮರಿ ಅವಾಂತರ
Team Udayavani, Oct 18, 2018, 5:23 AM IST
ಶಾಲೆಗಳಲ್ಲಿ ಮಕ್ಕಳಿಗಾಗಿ ಕತೆ ಹೇಳುವ ಸಂದರ್ಭದಲ್ಲಿ ನಾಯಿಯೊಂದು ನೀರಿನ ಪಾತ್ರೆಗೆ ಮುಖವನ್ನು ಹಾಕಿ ತೆಗೆಯಲು ಒದ್ದಾಡಿತು ಎಂದು ಟೀಚರ್ ಹೇಳಿದ್ದು ನೆನಪು ಇದೆ ಯಲ್ಲಾ? ಈಗ ಆ ವಿಚಾರ ಯಾಕೆ ಅಂತ ಕೇಳ್ಬೇಡಿ. ಅಮೆರಿಕದ ಮೇರಿಲ್ಯಾಂಡ್ನಲ್ಲಿ ಕೆಲ ದಿನಗಳ ಹಿಂದೆ ಅಂಥದ್ದೇ ಕತೆ ನಡೆದು ಹೋಗಿದೆ.
ಆದರೆ ಇದು ನಾಯಿ ಅಲ್ಲ ಕರಡಿ. ಮೂರು ದಿನಗಳ ಕಾಲ ಪ್ಲಾಸ್ಟಿಕ್ ಜಾರ್ನ ಒಳಕ್ಕೆ ಮುಖವನ್ನು ತೂರಿಸಿಕೊಂಡಿದ್ದ ಕರಡಿಯ ಪ್ರಾಣಿ ಪ್ರಿಯರ ಕಣ್ಣಿಗೆ ಬಿತ್ತು. ಆ ವಿಡಿಯೋ ಈಗ ಫೇಸ್ಬುಕ್ನಲ್ಲಿ ವೈರಲ್ ಆಗಿದೆ. ಸುಮಾರು 200ಕ್ಕೂ ಅಧಿಕ ಮಂದಿ ಅದನ್ನು ವೀಕ್ಷಿಸಿ ಶೇರ್ ಮಾಡಿದ್ದರು. ಮೇರಿಲ್ಯಾಂಡ್ನ ಪ್ರಾಕೃತಿಕ ಸಂಪತ್ತು ರಕ್ಷಣೆ ವಿಭಾಗ ಅಧಿಕಾರಿಗಳು ಉದ್ಯಾನಕ್ಕೆ ಧಾವಿಸಿ ಅರವಳಿಕೆ ಚುಚ್ಚು ಮದ್ದು ನೀಡಿ ಮೂರು ವರ್ಷದ ಗಂಡು ಕರಡಿಯ ಮುಖಕ್ಕೆ ಸಿಲುಕಿದ ಪ್ಲಾಸ್ಟಿಕ್ ಜಾರ್ ತೆಗೆದರು. ಪ್ಲಾಸ್ಟಿಕ್ ಇದ್ದಾಗ ಮತ್ತು ತೆಗೆದ ನಂತರದ ಫೋಟೋ, ವಿಡಿಯೋ ಈಗ ವೈರಲ್ ಆಗಿದೆ.