ಕಕ್ಷೆಗೆ ಸೇರಿಕೊಂಡ ಇಸ್ರೋ ಉಪಗ್ರಹ
Team Udayavani, Apr 13, 2018, 7:30 AM IST
ಶ್ರೀಹರಿಕೋಟಾ: ಭಾರತೀಯ ಬಾಹ್ಯಾಕಾಶ ಸಂಶೋಧನಾ ಸಂಸ್ಥೆ (ಇಸ್ರೋ) ಗುರುವಾರ ಉಡಾಯಿಸಿದ “ಐಆರ್ಎನ್ಎಸ್ಎಸ್-1 ಎಲ್’ ನೇವಿಗೇಷನ್ ಉಪಗ್ರಹ ಯಶಸ್ವಿಯಾಗಿ ನಿಗದಿತ ಕಕ್ಷೆ ಸೇರಿದೆ. ಅಮೆರಿಕ ಮೂಲದ ಜಿಪಿಎಸ್ (ಗ್ಲೋಬಲ್ ಪೊಸಿಷನಿಂಗ್ ಸಿಸ್ಟಂ) ಮಾದರಿಯಲ್ಲಿ ತನ್ನದೇ ಪ್ರತ್ಯೇಕ ನೇವಿಗೇಷನ್ ವ್ಯವಸ್ಥೆ ಹೊಂದುವ ಭಾರತ ಸರಕಾರದ ಆಶಯದ ಸಾಕಾರ ಯೋಜನೆಯ ಅಂಗವಾಗಿ ಈ ಉಪಗ್ರಹ ಉಡಾಯಿಸಲಾಗಿದೆ.
ಬೆಳಗಿನ ಜಾವ 4:40ಕ್ಕೆ ಪಿಎಸ್ಎಲ್ವಿ ರಾಕೆಟ್ನ ಮೂಲಕ ನಭಕ್ಕೆ ಚಿಮ್ಮಿದ ಉಪಗ್ರಹ, ಉಡಾವಣೆಗೊಂಡ 19 ನಿಮಿಷಗಳ ತರುವಾಯ ತನ್ನ ಕಕ್ಷೆ ಸೇರಿಕೊಂಡಿತು. ಪಿಎಸ್ಎಲ್ವಿ ಮೂಲಕ ಈವರೆಗೆ ಹಾರಿಸಲ್ಪಟ್ಟ 43 ಉಪಗ್ರಹಗಳ ಪೈಕಿ ಯಶಸ್ವಿಯಾಗಿ ಕಕ್ಷೆ ಸೇರಿದ 41ನೇ ಉಪಗ್ರಹವಿದು. 1,425 ಕೆಜಿ ಭಾರವಿದ್ದ ಈ ಉಪಗ್ರಹವನ್ನು ಬೆಂಗಳೂರು ಮೂಲದ ಆಲ್ಫಾ ಡಿಸೈನ್ ಟೆಕ್ನಾಲಜೀಸ್ ಸಂಸ್ಥೆಯೊಂದಿಗೆ ಸೇರಿ ಇಸ್ರೊ ತಯಾರಿಸಿದೆ. ಖಾಸಗಿ ಸಂಸ್ಥೆಯ ಸಹಭಾಗಿತ್ವದೊಂದಿಗೆ ತಯಾರಾದ 2ನೇ ಉಪಗ್ರಹವಿದು.
ಮೋದಿ ಅಭಿನಂದನೆ: ಉಪಗ್ರಹದ ಯಶಸ್ವಿ ಉಡಾವಣೆ ಹಿನ್ನೆಲೆಯಲ್ಲಿ ಪ್ರಧಾನಿ ಮೋದಿ, ಇಸ್ರೋ ವಿಜ್ಞಾನಿಗಳಿಗೆ ಅಭಿನಂದನೆ ಸಲ್ಲಿಸಿದ್ದಾರೆ. ಈ ಯಶಸ್ಸು ಮುಂದಿನ ದಿನಗಳಲ್ಲಿ ಭಾರತದ ಸಾಮಾನ್ಯ ಪ್ರಜೆಗೆ ಅನುಕೂಲ ಕಲ್ಪಿಸಲಿದೆ ಎಂದಿದ್ದಾರೆ.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
MUST WATCH
ಹೊಸ ಸೇರ್ಪಡೆ
Lok Sabha 2ನೇ ಹಂತ; ದಾಖಲೆ ಸಂಖ್ಯೆಯಲ್ಲಿ ಭಾಗವಹಿಸಲು ಪ್ರಧಾನಿ ಮೋದಿ ಕನ್ನಡದಲ್ಲಿ ಮನವಿ
Mangaluru: ಕಪಿತಾನಿಯೋ ಮತದಾನ ಕೇಂದ್ರದ ಬಳಿ ಪೊಲೀಸರೊಂದಿಗೆ ಕಾರ್ಯಕರ್ತರ ಘರ್ಷಣೆ…
Congress ನಿಂದ ಸ್ಮಾರ್ಟ್ ಕಾರ್ಡ್ ಹಂಚಿಕೆ: ರೆಡ್ಹ್ಯಾಂಡ್ ಆಗಿ ಹಿಡಿದ ಮೈತ್ರಿ ಕಾರ್ಯಕರ್ತರು
Baramasagara: ತಾನು ಕಲಿತ ಶಾಲೆಯಲ್ಲೇ ಮೊದಲ ಬಾರಿಗೆ ಮತ ಚಲಾಯಿಸಿದ ಯುವತಿ…
ಅರಂತೋಡು: ಬೈಕ್ – ಕಾರು ನಡುವೆ ಅಪಘಾತ… ಓರ್ವ ಮೃತ್ಯು