ಮುಂದುವರಿದ ಜಿಎಸ್‌ಟಿ ಆತಂಕ: ಮುಂಬಯಿ ಶೇರು ಅಲ್ಪ ಮುನ್ನಡೆ

Team Udayavani, Jun 29, 2017, 5:18 PM IST

ಮುಂಬಯಿ : ಬೆಳಗ್ಗಿನ ಆರಂಭಿಕ ವಹಿವಾಟಿನಲ್ಲಿ 160 ಅಂಕಗಳ ಜಿಗಿತವನ್ನು ಕಂಡು ಆ ಬಳಿಕ 264 ಅಂಕಗಳ ಮಟ್ಟಕ್ಕೂ ಏರಿದ್ದ ಮುಂಬಯಿ ಶೇರು ದಿನಾಂತ್ಯಕ್ಕೆ ತನ್ನ ಮುನ್ನಡೆಯನ್ನು ಕೇವಲ 23.20 ಅಂಕಗಳ ಮಟ್ಟಕ್ಕೆ ಸೀಮಿತಗೊಳಿಸಿ 30,857.52 ಅಂಕಗಳ ಮಟ್ಟದಲ್ಲಿ ವ್ಯವಹಾರವನ್ನು ಮುಗಿಸಿರುವುದು ಇಂದು ಗುರುವಾರದ ವಿದ್ಯಮಾನವಾಗಿದೆ. 

ರಾಷ್ಟ್ರೀಯ ಶೇರು ಮಾರುಕಟ್ಟೆಯ ನಿಫ್ಟಿ ಸೂಚ್ಯಂಕ 12.85 ಅಂಕಗಳ ಮುನ್ನಡೆಯನ್ನು ಕಾಯ್ದಕೊಂಡು ದಿನದ ವಹಿವಾಟನ್ನು 9,504.10 ಅಂಕಗಳ ಮಟ್ಟದಲ್ಲಿ ಕೊನೆಗೊಳಿಸಿತು.

ಇಂದಿನ ವಹಿವಾಟಿನಲ್ಲಿ ಟಾಪ್‌ ಗೇನರ್‌ ಎನಿಸಿಕೊಂಡವೆಂದರೆ ಎಕ್ಸಿಸ್‌ ಬ್ಯಾಂಕ್‌, ವೇದಾಂತ, ಟಾಟಾ ಸ್ಟೀಲ್‌, ಗೇಲ್‌, ಬಿಪಿಸಿಎಲ್‌. ಟಾಪ್‌ ಲೂಸರ್‌ಗಳು : ಕೋಟಕ್‌ ಮಹೀಂದ್ರ, ಟಾಟಾ ಮೋಟರ್‌, ಸನ್‌ ಫಾರ್ಮಾ, ಎಸ್‌ಬಿಐ. 

ಇಂದು ವಹಿವಾಟಿಗೆ ಒಳಪಟ್ಟ ಒಟ್ಟು ಶೇರುಗಳು 2,899. ಮುನ್ನಡೆ ಕಂಡವುಗಳು 1,689; ಹಿನ್ನಡೆಗೆ ಗುರಿಯಾದವುಗಳು 1,035. ಯಾವುದೇ ಬದಲಾವಣೆ ಕಾಣದವು 175 ಶೇರುಗಳು.