ಯುವ ಸೇನಾಧಿಕಾರಿ ಹತ್ಯೆಯಲ್ಲಿ ಹಿಜ್ಬುಲ್‌ ಕೈವಾಡ

Team Udayavani, May 12, 2017, 1:36 AM IST

ಶ್ರೀನಗರ: ಕಾಶ್ಮೀರದ ಯುವ ಸೇನಾಧಿಕಾರಿ, ಲೆ| ಉಮರ್‌ ಫ‌ಯಾಜ್‌ ಅವರ ಹತ್ಯೆಯ ಹಿಂದೆ ಪಾಕಿಸ್ಥಾನ ಮೂಲದ ಉಗ್ರ ಸಂಘಟನೆ ಹಿಜ್ಬುಲ್‌ ಮುಜಾಹಿದೀನ್‌ ಅಥವಾ ಲಷ್ಕರ್‌ ಪಾತ್ರದ ಬಗ್ಗೆ  ಪ್ರಬಲ ಶಂಕೆ ವ್ಯಕ್ತವಾಗಿದೆ. ಜತೆಗೆ ಸೇನಾಧಿಕಾರಿ ಅವರ ಹತ್ಯೆಗೆ ಉಗ್ರರು ಭದ್ರತಾ ಪಡೆಗಳ ಕೈಯಿಂದ ಅಪಹರಿಸಿದ್ದ ಇನ್ಸಾಸ್‌ ಮಾದರಿ ರೈಫ‌ಲನ್ನು ಬಳಸಿದ್ದಾಗಿ ಹೇಳಲಾಗಿದೆ. ಈ ಬಗ್ಗೆ ವಿಸ್ತೃತ ಮಾಹಿತಿಗೆ ಶವಪರೀಕ್ಷೆ ವರದಿಗಾಗಿ ಪೊಲೀಸರು ಕಾಯುತ್ತಿದ್ದಾರೆ. 

ಉಮರ್‌ ಅವರನ್ನು ಹತ್ಯೆಗೈದ ಸ್ಥಳದಲ್ಲಿ ಇನ್ಸಾಸ್‌ ಮಾದರಿಯ ರೈಫ‌ಲಿನ ಎರಡು ಖಾಲಿ ಕಾಟ್ರಿಡ್ಜ್ಗಳು ಪತ್ತೆಯಾಗಿವೆ. ಇತ್ತೀಚೆಗೆ ದಕ್ಷಿಣ ಕಾಶ್ಮೀರದಲ್ಲಿ ವರದಿಯಾದ ಎರಡು ಪ್ರಕರಣಗಳಲ್ಲಿ ಭದ್ರತಾ ಪಡೆಗಳಿಂದ ಉಗ್ರರು ಶಸ್ತ್ರಾಸ್ತ್ರಗಳನ್ನು ಅಪಹರಿಸಿದ್ದಾರೆ. ಇದರಲ್ಲಿ ಲಷ್ಕರ್‌ ಮತ್ತು ಹಿಜ್ಬುಲ್‌ ಉಗ್ರರು ಭಾಗಿಯಾಗಿದ್ದರು. ಅಲ್ಲಿ ಅಪಹರಿಸಿದ್ದ ಶಸ್ತ್ರವನ್ನೇ ಲೆ| ಉಮರ್‌ ಅವರ ಹತ್ಯೆಗೆ ಬಳಸಿದ ಬಗ್ಗೆ ಪ್ರಬಲ ಶಂಕೆ ಇದೆ. ಆದರೆ ಉಗ್ರರು ಲೆ| ಉಮರ್‌ ಅವರಿಗೆ ಯಾವುದೇ ದೈಹಿಕ ಹಿಂಸೆ ನೀಡಿದ ಬಗ್ಗೆ ದೇಹದಲ್ಲಿ ಕಲೆಗಳು ಇಲ್ಲ ಎಂದು ಪೊಲೀಸರು ಹೇಳಿದ್ದಾರೆ.  

ರಜೌರಿಯಲ್ಲಿ ಶಾಲೆ ಬಂದ್‌: ಇತ್ತ ರಜೌರಿ ಪ್ರದೇಶದ ನಿಯಂತ್ರಣ ರೇಖೆಯಲ್ಲಿ ಪಾಕ್‌ ಅಪ್ರಚೋದಿತ ಗುಂಡಿನ ದಾಳಿ ನಡೆಸುತ್ತಿರುವ ಹಿನ್ನೆಲೆಯಲ್ಲಿ ಶಾಲೆಗಳನ್ನು ಮುಚ್ಚಲಾಗಿದೆ. ದಾಳಿಯಲ್ಲಿ ಓರ್ವ ಮಹಿಳೆ ಸಾವಿಗೀಡಾಗಿದ್ದಾರೆ. ಈ ಮಧ್ಯೆ, ಕೇಂದ್ರ ಗೃಹ ಕಾರ್ಯದರ್ಶಿ ರಾಜೀವ್‌ ಮಹ್ರಿಷಿ ಅವರು ಜಮ್ಮು ಕಾಶ್ಮೀರ ರಾಜ್ಯಪಾಲ ಎನ್‌.ಎನ್‌.ವೋಹ್ರಾ ಮತ್ತು ಮುಖ್ಯಮಂತ್ರಿ ಮೆಹಬೂಬಾ ಮುಫ್ತಿ ಅವರನ್ನು ಭೇಟಿ ಮಾಡಿ ಚರ್ಚೆ ನಡೆಸಿದ್ದಾರೆ. 

ಪಾಕ್‌ ಪ್ರತಿಭಟನೆ: ಭಾರತ ಕದನ ವಿರಾಮ ಉಲ್ಲಂಘಿಸುತ್ತಿದೆ ಎಂದು ಪಾಕ್‌ ಭಾರತದ ಉಪಕಮಿಷನರಿಗೆ ನೋಟಿಸ್‌ ನೀಡಿದೆ.

Disclaimer:The views expressed in comments section published on Udayavani.com are those of comment writers alone. They do not represent the views or opinions of Udayavani.com, its staff or The Manipal Group, or any entity associated with The Manipal Group. Udayavani.com reserves rights to remove a comment or all the comments any time.

To report any comment you can email us at udayavani.response@manipalgroup.info. We will review the request and delete the comments.


ಈ ವಿಭಾಗದಿಂದ ಇನ್ನಷ್ಟು

ಹೊಸ ಸೇರ್ಪಡೆ