ಇನ್ನೆರಡು ದಿನದಲ್ಲಿ ಮುಂಗಾರು ಚುರುಕು

Team Udayavani, Jun 17, 2019, 6:00 AM IST

ಹೊಸದಿಲ್ಲಿ: ಅರಬ್ಬೀ ಸಮುದ್ರದಲ್ಲಿ ಎದ್ದಿದ್ದ ವಾಯು ಚಂಡಮಾರುತ ದಿಂದಾಗಿ ವಿಳಂಬವಾಗಿರುವ ಮುಂಗಾರು ಈಗ ಚುರುಕುಗೊಳ್ಳುತ್ತಿದ್ದು, ಮುಂದಿನ 2-3 ದಿನಗಳಲ್ಲಿ ಪ್ರಗತಿ ಕಾಣಲಿದೆ ಎಂದು ಭಾರತೀಯ ಹವಾಮಾನ ಇಲಾಖೆ ತಿಳಿಸಿದೆ.

ವಾಯು ಚಂಡಮಾರುತದ ತೀವ್ರತೆಯು ಕುಸಿದಿರುವ ಕಾರಣ, ಮಾರುತಗಳು ಅರಬ್ಬೀ ಸಮುದ್ರದ ಕಡೆಗೆ ಬೀಸಲಾರಂಭಿಸಿದೆ. ಹೀಗಾಗಿ ಮುಂಗಾರು ಚುರುಕಾಗಲಿದೆ ಎಂದು ಇಲಾಖೆ ಹೇಳಿದೆ.


ಜತೆಗೆ, ಮುಂಗಾರು ಮಾರುತಗಳು ಜೂ.18ರಂದು ಆಂಧ್ರ ಹಾಗೂ ಜೂ.20ರಂದು ತೆಲಂಗಾಣವನ್ನು ಪ್ರವೇಶಿಸಲಿವೆ. ಜೂ.13 ರಂದೇ ಮುಂಗಾರು ತೆಲಂಗಾಣಕ್ಕೆ ಪ್ರವೇ ಶಿಸಬೇಕಾಗಿತ್ತು. ಅಲ್ಲದೆ, ಈ ಹೊತ್ತಿಗಾಗಲೇ ಮುಂಗಾರು ಮಾರುತಗಳು ಮಧ್ಯಪ್ರದೇಶ, ರಾಜ ಸ್ಥಾನ, ಉತ್ತರ ಪ್ರದೇಶದ ಪೂರ್ವ ಭಾಗ, ಗುಜರಾತ್‌ ಸೇರಿದಂತೆ ದೇಶದ ಕೇಂದ್ರ ಭಾಗದಲ್ಲಿ ಆವರಿಸಬೇಕಾಗಿತ್ತು. ಆದರೆ, ಚಂಡ ಮಾರುತ ಪ್ರಭಾವದಿಂದಾಗಿ ಇನ್ನೂ ಮಹಾರಾಷ್ಟ್ರವನ್ನೇ ಮುಂಗಾರು ತಲುಪಿಲ್ಲ. ಸದ್ಯಕ್ಕೆ ಮುಂಗಾರು ದಕ್ಷಿಣ ಪರ್ಯಾಯ ದ್ವೀಪ ಪ್ರದೇಶ ಗಳಾದ ಮಂಗಳೂರು, ಮೈಸೂರು, ಕಡಲೂರು ಹಾಗೂ ಈಶಾನ್ಯದಲ್ಲಿ ಪಸ್ಸಿಘಾಟ್‌ ಮತ್ತು ಅಗರ್ತಲಾಕ್ಕೆ ಸೀಮಿತವಾಗಿದೆ. ಮಹಾರಾಷ್ಟ್ರದಿಂದ ಗುಜರಾತ್‌ವರೆಗಿನ ಪಶ್ಚಿಮ ಕರಾವಳಿಯಲ್ಲಿ, ಚಂಡಮಾರುತದಿಂದಾಗಿ ಸ್ವಲ್ಪ ಮಳೆಯಾಗಿದೆ. ಮುಂಗಾರಿ ನಿಂದಾಗಿ ಮಳೆಯಾಗಿರುವುದು ಕೇವಲ ಕರ್ನಾಟಕ ಮತ್ತು ಕೇರಳ ಕರಾವಳಿಗಳಲ್ಲಿ ಮಾತ್ರ ಎಂದು ಇಲಾಖೆ ತಿಳಿಸಿದೆ.

Disclaimer:The views expressed in comments section published on Udayavani.com are those of comment writers alone. They do not represent the views or opinions of Udayavani.com, its staff or The Manipal Group, or any entity associated with The Manipal Group. Udayavani.com reserves rights to remove a comment or all the comments any time.

To report any comment you can email us at udayavani.response@manipalgroup.info. We will review the request and delete the comments.


ಈ ವಿಭಾಗದಿಂದ ಇನ್ನಷ್ಟು

ಹೊಸ ಸೇರ್ಪಡೆ