‘ಯೋಗ ಮಾಡಿ, ವೀಡಿಯೋ ಮಾಡಿ’ ಸ್ಪರ್ಧೆ ಗೆದ್ದರೆ ಲಕ್ಷ ಬಹುಮಾನ

Team Udayavani, Jun 6, 2020, 8:12 AM IST

ಸಾಂದರ್ಭಿಕ ಚಿತ್ರವನ್ನು ಬಳಸಲಾಗಿದೆ – Representative Image Used

ಹೊಸದಿಲ್ಲಿ: ಯೋಗ ಮಾಡಿ, ವೀಡಿಯೋ ಮಾಡಿ, 1 ಲಕ್ಷ ರೂ. ಗೆಲ್ಲಿ!

ಹೌದು, ಈ ಸಲದ ಅಂತಾರಾಷ್ಟ್ರೀಯ ಯೋಗ ದಿನಾಚರಣೆ ನಿಮ್ಮ ಅದೃಷ್ಟ ಬದಲಿಸಬಹುದು.

ಪ್ರಧಾನಿ ಮೋದಿ “ಮನ್‌ ಕಿ ಬಾತ್‌’ನಲ್ಲಿ ಘೋಷಿಸಿದ್ದ ‘ಮೈಲೈಫ್ ಮೈ ಯೋಗ’ ಸ್ಪರ್ಧೆಗೆ ಆಯುಷ್‌ ಇಲಾಖೆ ಬಹುಮಾನವನ್ನು ಯೋಗಪಟುಗಳ ಎದುರಿಟ್ಟಿದೆ.

ಏನಿದು ಸ್ಪರ್ಧೆ?: ಮೈಲೈಫ್ ಮೈ ಯೋಗ, ಆಯುಷ್‌ ಇಲಾಖೆ ಆಯೋಜಿಸಿರುವ ವಿಡಿಯೊ ಬ್ಲಾಗಿಂಗ್‌ ಸ್ಪರ್ಧೆ. 21ರ ಅಂತಾರಾಷ್ಟ್ರೀಯ ಯೋಗ ದಿನವನ್ನು ಮೋದಿ ಸರಕಾರ ಡಿಜಿಟಲ್‌ ವೇದಿಕೆ ಮೇಲೂ ಆಚರಿಸುವ ಉದ್ದೇಶದಿಂದ ಈ ಸ್ಪರ್ಧೆ ಹಮ್ಮಿಕೊಂಡಿದೆ.

3 ಶ್ರೇಣಿಗಳಲ್ಲಿ ಸ್ಪರ್ಧೆ ನಡೆಯಲಿದೆ. ಭಾರತೀಯರಿಗೆ, ವಿದೇಶಿ ಯೋಗಪಟುಗಳಿಗೆ ಪ್ರತ್ಯೇಕ ಸ್ಪರ್ಧೆಯಿರುತ್ತದೆ. ಪ್ರತಿ ಶ್ರೇಣಿಗಳ‌ ವಿಜೇತರಿಗೆ 1 ಲಕ್ಷ, 50 ಸಾವಿರ, 25 ಸಾವಿರ ನಗದು ಬಹುಮಾನ, ಪ್ರಮಾಣಪತ್ರ ನೀಡಲಾಗುತ್ತದೆ. ವೀಡಿಯೋ ಅಪ್‌ಲೋಡ್‌ ಮಾಡಲು ಕೊನೆಯ ದಿನ ಜೂನ್‌ 15.

ಏನು ಮಾಡಬೇಕು?
– ಕ್ರಿಯಾ, ಆಸನ, ಪ್ರಾಣಾಯಾಮ, ಮುದ್ರಾ- ಈ ಯೋಗಾಭ್ಯಾಸಗಳ 3 ನಿಮಿಷದ ವೀಡಿಯೋ ಸಿದ್ಧಪಡಿಸಿ.

– ಯೋಗ ತಮ್ಮ ಜೀವನಶೈಲಿಯನ್ನು ಹೇಗೆ ಪ್ರಭಾವಿಸಿವೆ ಎಂಬುದರ ಕುರಿತು ಕಿರು ವಿವರಣೆ ನೀಡಿ.

– ಪ್ರತಿ ವೀಡಿಯೋಗಳಲ್ಲೂ #MyLife MyYoga <INDIA> ಶ್ರೇಣಿಯನ್ನು ನಮೂದಿಸುವುದು ಕಡ್ಡಾಯ.

– ಈ ವೀಡಿಯೋಗಳನ್ನು ಯೂಟ್ಯೂಬ್‌, ಫೇಸ್‌ಬುಕ್‌, ಇನ್‌ಸ್ಟಗ್ರಾಮ್‌, ಟ್ವಿಟ್ಟರ್‌ನಲ್ಲಿ ಅಪ್‌ಲೋಡ್‌ ಮಾಡಿ.

– @ministryofayush, @mygovindia ಖಾತೆಗಳನ್ನು ಟ್ಯಾಗ್‌ ಮಾಡುವುದು ಕಡ್ಡಾಯ.

– ನಿಮ್ಮ ವೀಡಿಯೋ ಪೋಸ್ಟ್‌ಗಳ ಕೊಂಡಿಯನ್ನು https://innovate.mygov.in ಗೆ ಕಳಿಸಬೇಕು.

– ಹೆಚ್ಚಿನ ಮಾಹಿತಿಗೆ https://innovate. mygov.in ವೆಬ್‌ಸೈಟ್‌ ನೋಡಿ.