Online ಟಾಸ್ಕ್ ವಂಚನೆ ಪ್ರಕರಣ: 35 ಲಕ್ಷ ರೂ.ಕಳೆದುಕೊಂಡ ವ್ಯಕ್ತಿ
ಯೂಟ್ಯೂಬ್ ವಿಡಿಯೋಗಳನ್ನು ಇಷ್ಟಪಡುವಂತೆ ಆಮಿಷ...
Team Udayavani, Jul 20, 2023, 8:24 PM IST
ನಾಗ್ಪುರ(ಮಹಾರಾಷ್ಟ್ರ) : ನಗರದಲ್ಲಿ ನೆಲೆಸಿರುವ 57 ವರ್ಷದ ವ್ಯಕ್ತಿಯೊಬ್ಬರು ಆನ್ಲೈನ್ ಟಾಸ್ಕ್ ವಂಚನೆ ಪ್ರಕರಣದಲ್ಲಿ 35 ಲಕ್ಷ ರೂಪಾಯಿಗೂ ಹೆಚ್ಚು ಹಣವನ್ನು ಕಳೆದುಕೊಂಡಿದ್ದಾರೆ ಎಂದು ಪೊಲೀಸರು ಗುರುವಾರ ತಿಳಿಸಿದ್ದಾರೆ.
ಲಾಭದಾಯಕ ಆದಾಯದ ಭರವಸೆಯ ಮೇಲೆ ಕಂಪನಿಯಲ್ಲಿ ಹೂಡಿಕೆ ಮಾಡಲು ಮನವೊಲಿಸುವ ಮೊದಲು ಹಣ ಗಳಿಸಲು ಯೂಟ್ಯೂಬ್ ವಿಡಿಯೋಗಳನ್ನು ಇಷ್ಟಪಡುವಂತೆ ವಂಚಕ ಮೋಸಕ್ಕೊಳಗಾದ ವ್ಯಕ್ತಿಗೆ ಆಮಿಷವೊಡ್ಡಿದ್ದಾನೆ.
ವಂಚನೆಗೊಳಗಾದ ವ್ಯಕ್ತಿ ನಗರದ ವಾಥೋಡಾ ಪ್ರದೇಶದ ನಿವಾಸಿಯಾಗಿದ್ದು “ಅವರ ದೂರಿನ ಪ್ರಕಾರ, ಜುಲೈ 11 ಮತ್ತು 16 ರ ನಡುವೆ ವಂಚನೆ ನಡೆದಿದೆ. ಅಪರಿಚಿತ ವ್ಯಕ್ತಿಯೊಬ್ಬ ಸಾಮಾಜಿಕ ಸಂದೇಶ ಅಪ್ಲಿಕೇಶನ್ ಬಳಸಿ ಸಂಪರ್ಕಿಸಿದ್ದು, ಕಂಪನಿಯ ಮ್ಯಾನೇಜರ್ನಂತೆ ನಟಿಸಿ ಕೆಲವು ಯೂಟ್ಯೂಬ್ ವಿಡಿಯೋ ಗಳನ್ನೂ ಲೈಕ್ ಮಾಡುವಂತೆ ಹೇಳಿ ಅದಕ್ಕಾಗಿ ಹಣವನ್ನು ಪಾವತಿಸುವುದಾಗಿ ಭರವಸೆ ನೀಡಿದ್ದ”ಎಂದು ಅಧಿಕಾರಿಯೊಬ್ಬರು ಹೇಳಿದರು.
ಸಂತ್ರಸ್ತ ಆರಂಭದಲ್ಲಿ ಯೂಟ್ಯೂಬ್ ವಿಡಿಯೋಗಳನ್ನು ಲೈಕ್ ಮಾಡಿದ್ದಕ್ಕಾಗಿ ಹಣವನ್ನು ಪಡೆದಿದ್ದರು. ಈ ಮೂಲಕ ವಂಚಕರು ವಿಶ್ವಾಸ ಗಳಿಸಿದ್ದಾರೆ. ಆರೋಪಿಯು ತನ್ನ ಹಣವನ್ನು ಲಾಭದಾಯಕ ಆದಾಯಕ್ಕಾಗಿ ಕಂಪನಿಯಲ್ಲಿ ಹೂಡಿಕೆ ಮಾಡುವಂತೆ ಆಮಿಷ ಒಡ್ಡಿ ಸೂಚನೆಯಂತೆ 35.60 ಲಕ್ಷ ರೂ.ಗಳನ್ನು ಬ್ಯಾಂಕ್ ಖಾತೆಗಳಿಗೆ ವರ್ಗಾಯಿಸಿದ್ದಾರೆ ಎಂದು ಅಧಿಕಾರಿ ತಿಳಿಸಿದ್ದಾರೆ.
ಕೆಲವು ದಿನಗಳ ನಂತರ, ತನ್ನ ಹೂಡಿಕೆಯ ಮೇಲಿನ ಆದಾಯವನ್ನು ಪಡೆಯುವುದನ್ನು ನಿಲ್ಲಿಸಿದ್ದರಿಂದ ಮತ್ತು ಆರೋಪಿಯನ್ನು ಸಂಪರ್ಕಿಸಲು ವಿಫಲವಾದ ಕಾರಣ ತಾನು ಮೋಸ ಹೋಗಿದ್ದೇನೆ ಎಂದು ವ್ಯಕ್ತಿ ಅರಿತುಕೊಂಡು ಪೊಲೀಸರಿಗೆ ದೂರು ನೀಡಿದ್ದಾರೆ.
ಸೈಬರ್ ಪೊಲೀಸರು ಭಾರತೀಯ ದಂಡ ಸಂಹಿತೆ (IPC) ಸೆಕ್ಷನ್ 420 (ವಂಚನೆ) ಮತ್ತು 34 (ಸಾಮಾನ್ಯ ಉದ್ದೇಶ) ಮತ್ತು ಮಾಹಿತಿ ತಂತ್ರಜ್ಞಾನ ಕಾಯ್ದೆ ಅಡಿಯಲ್ಲಿ ಪ್ರಕರಣ ದಾಖಲಿಸಿದ್ದಾರೆ.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
ಕಾಂಗ್ರೆಸ್ ಗೆ ಆಘಾತ; ರಾಜೀನಾಮೆ ನೀಡಿದ ದೆಹಲಿ ಕಾಂಗ್ರೆಸ್ ಮುಖ್ಯಸ್ಥ
Mahadev Betting App Case; ಮುಂಬೈ ಪೊಲೀಸರಿಂದ ನಟ ಸಾಹಿಲ್ ಖಾನ್ ಬಂಧನ
Gyani Uncle; ಪ್ರಧಾನಿ ಮೋದಿಯನ್ನು ಉಪದೇಶ ನೀಡುವ ಅಂಕಲ್ ಎಂದ ಪ್ರಿಯಾಂಕಾ ಗಾಂಧಿ
Congress ಗೆದ್ದರೆ ದೇಶದಲ್ಲಿ ಗೋ ಹತ್ಯೆ ಖಚಿತ: ಯೋಗಿ ಆದಿತ್ಯನಾಥ್
Goa; ದಿನಕ್ಕೆ ಒಂದೇ ಖರ್ಜೂರ ತಿನ್ನುತ್ತಿದ್ದ ಇಬ್ಬರು ಸಹೋದರರು ನಿಧನ