ಪ್ರಥಮ ಬಾರಿಗೆ INS ವಿಕ್ರಮಾದಿತ್ಯ ಮೇಲೆ ಯಶಸ್ವಿಯಾಗಿ ಲ್ಯಾಂಡ್ ಆದ ತೇಜಸ್ ಯುದ್ಧ ವಿಮಾನ

Team Udayavani, Jan 11, 2020, 6:43 PM IST

ನವದೆಹಲಿ: ಪ್ರಯೋಗ ಮಾದರಿಯ ದೇಶದ ಏಕೈಕ ಲಘು ಯುದ್ಧ ವಿಮಾನ ತೇಜಸ್ ಮೊದಲ ಬಾರಿಗೆ ಐಎನ್ ಎಸ್ ವಿಕ್ರಮಾದಿತ್ಯ ಮೇಲೆ ಯಶಸ್ವಿಯಾಗಿ ಶನಿವಾರ ಲ್ಯಾಂಡ್ ಆಗಿರುವುದಾಗಿ ಹಿರಿಯ ಅಧಿಕಾರಿ ತಿಳಿಸಿದ್ದಾರೆ.

ಸೂಪರ್ ಸಾನಿಕ್ ವೇಗದಲ್ಲಿ ಹಾರಾಡುವ ಫೈಟರ್ ಜೆಟ್ ಅನ್ನು ಐಎನ್ ಎಸ್ ವಿಕ್ರಮಾದಿತ್ಯ ಮೇಲೆ ಇಳಿಸುವುದು ಕಷ್ಟ. ಈ ಹಿನ್ನೆಲೆಯಲ್ಲಿ ನಡೆ ಇಂದು ಅರಬ್ಬಿ ಸಮುದ್ರದಲ್ಲಿ ನೆಲೆನಿಂತಿದ್ದ ವಿಕ್ರಮಾದಿತ್ಯ ಡೆಕ್ ಮೇಲೆ ತೇಜಸ್ ಯಶಸ್ವಿಯಾಗಿ ಇಳಿದಿದೆ.

ಡೆಕ್ ಮೂಲದಿಂದ ಕಾರ್ಯಾಚರಿಸಬಲ್ಲ 57 ಯುದ್ಧ ವಿಮಾನಗಳು ಭಾರತಕ್ಕೆ ಬೇಕಾಗಿದ್ದು, ಈ ಹಿನ್ನೆಲೆಯಲ್ಲಿ ನೌಕಾಪಡೆ ಪರೀಕ್ಷೆ ನಡೆಸಿರುವುದಾಗಿ ಹೇಳಿದೆ.  ಜಲಮಾರ್ಗದ ಯುದ್ಧ ಕಾರ್ಯಾಚರಣೆಯಲ್ಲಿ ದಾಳಿ ನಡೆಸಲು ಸಾಧ್ಯವಾಗಬಲ್ಲ ಯುದ್ಧ ವಿಮಾನ ಯಶಸ್ವಿಯಾಗಿ ಲ್ಯಾಂಡ್ ಆಗುವ ತಂತ್ರಜ್ಞಾನವನ್ನು ಡಿಆರ್ ಡಿಒ, ಎಡಿಎ ಅಭಿವೃದ್ದಿಪಡಿಸುತ್ತಿದೆ.