ಆದಾಯ ತೆರಿಗೆ ಹೊಸ ನಿಯಮ

Team Udayavani, Jun 18, 2019, 5:53 AM IST

ಹೊಸದಿಲ್ಲಿ: ಕಪ್ಪು ಹಣ ಸೇರಿದಂತೆ ಹಲವು ಪ್ರಕರಣಗಳಲ್ಲಿ ಭಾರಿ ಮೊತ್ತದ ದಂಡ ವಿಧಿಸಿದ್ದ ಕೇಂದ್ರ ಸರಕಾರ, ಅವರಿಗೆ ಶಿಕ್ಷೆಯಿಂದ ವಿನಾಯಿತಿ ನೀಡಿತ್ತು. ಆದರೆ ಈ ಸಂಬಂಧ ಆದಾಯ ತೆರಿಗೆಗೆ ಹೊಸ ನಿಯಮಗಳನ್ನು ಅಳವಡಿಸಿದ ನೇರ ತೆರಿಗೆ ಮಂಡಳಿಯು 13 ಪ್ರಕರಣಗಳಲ್ಲಿ ದಂಡವಷ್ಟೇ ಅಲ್ಲ, ಶಿಕ್ಷೆಯನ್ನೂ ವಿಧಿಸುವ ಅವಕಾಶ ನೀಡಿದೆ. ಈ ಹೊಸ ನಿಯಮ ಸೋಮವಾರ ದಿಂದಲೇ ಜಾರಿಗೆ ಬಂದಿದೆ.

ಕಪ್ಪು ಹಣ ಮತ್ತು ತೆರಿಗೆ ವಿಧಿಸುವಿಕೆ ಕಾಯ್ದೆ 2015 ಹಾಗೂ ಬೇನಾಮಿ ವಹಿವಾಟು ಗಳ (ತಡೆ) ಕಾಯ್ದೆ 1988 ಅಡಿಯಲ್ಲಿ ಯಾವುದೇ ಪ್ರಕರಣ ದಾಖಲಾದರೂ ಅಂತಹ ಪ್ರಕರಣಗಳಲ್ಲಿ ಆರೋಪಿಗಳ ಮೇಲಿನ ಆರೋಪ ಸಾಬೀತಾದರೆ ದಂಡವಷ್ಟೇ ಅಲ್ಲ, ಶಿಕ್ಷೆ ಯನ್ನೂ ವಿಧಿಸಬಹುದಾಗಿರುತ್ತದೆ. ಅಪ ರಾಧ ಗಳನ್ನು ಎರಡು ಗುಂಪುಗಳನ್ನಾಗಿ ಮಾಡಲಾಗಿದ್ದು, ಇವುಗಳ ತೀವ್ರತೆಯನ್ನು ಆಧರಿಸಿ ದಂಡ ಮತ್ತು ಶಿಕ್ಷೆ ವಿಧಿಸುವ ಅವಕಾಶವಿದೆ. ಹಳೆಯ ನಿಯಮಗಳ ಬದಲಿಗೆ ಇದು ಅಸ್ತಿತ್ವಕ್ಕೆ ಬಂದಿದ್ದು, ತೆರಿಗೆ ತಪ್ಪಿಸಿದವರು ದಂಡ ಪಾವತಿ ಮಾಡಿ ಸುಮ್ಮನಾಗುವಂತಿಲ್ಲ.