ಮುಂಬ್ರಾದಲ್ಲಿ ಬೈಕ್‌ ಕಳ್ಳತನ: 9 ಬಾಲಕರ ಬಂಧನ, 27 ಬೈಕ್‌ ವಶ

Team Udayavani, May 17, 2018, 11:42 AM IST

ಥಾಣೆ : ಜಿಲ್ಲೆಯ ಮುಂಬ್ರಾ ಟೌನ್‌ಶಿಪ್‌ನಲ್ಲಿ ಬೈಕುಗಳನ್ನು ಕದಿಯುತ್ತಿದ್ದ 10ರಿಂದ 15 ವರ್ಷ ಪ್ರಾಯದೊಳಗಿನ ಒಂಬತ್ತು ಹುಡುಗರನ್ನು ಥಾಣೆ ಪೊಲೀಸರು ಬಂಧಿಸಿದ್ದಾರೆ. 

ಮುಂಬ್ರಾ ಪಟ್ಟಣದಲ್ಲಿ ಈಚೆಗೆ ಬೈಕುಗಳ ಕಳವು ಒಂದೇ ಸಮನೆ ಏರುತ್ತಿದ್ದುದರ ಬಗ್ಗೆ ಬೈಕ್‌ ಕಳೆದುಕೊಂಡ ಜನರು ಪೊಲೀಸರಿಗೆ ದೂರು ನೀಡಿದ್ದರು. ಅಂತೆಯೇ ಪೊಲೀಸರು ವಾಹನ ಕಳ್ಳರನ್ನು ಪತ್ತೆ ಹಚ್ಚಿ ಹಿಡಿಯಲು ವಿಶೇಷ ತಂಡಗಳನ್ನು ನೇಮಿಸಿದ್ದರು. ಪರಿಣಾಮವಾಗಿ 9 ಬಾಲಕರನ್ನು ಈ ತಂಡದವರು ಬಂಧಿಸಿದರು ಎಂದು ಒಂದನೇ ವಲಯದ ಪೊಲೀಸ್‌ ಉಪ ಆಯುಕ್ತ ಡಾ. ಡಿ ಎಸ್‌ ಸ್ವಾಮಿ ಹೇಳಿದರು. 

ಪೊಲೀಸರು ಬೈಕ್‌ ಕದಿಯುವ ಬಾಲಕರಿಂದ 27 ದ್ವಿಚಕ್ರ ವಾಹನಗಳನ್ನು ವಶಪಡಿಸಿಕೊಂಡಿದ್ದಾರೆ. ಬಂಧಿತರಾಗಿರುವ 9 ಹುಡುಗರಲ್ಲಿ 7 ಮಂದಿ ಎಂದೂ ಶಾಲೆಗೆ ಹೋಗದವರಾಗಿದ್ದಾರೆ ಎಂದು ಸ್ವಾಮಿ ಹೇಳಿದರು. 

ಬಂಧಿತ 9 ಬಾಲಕರನ್ನು ನ್ಯಾಯಾಲಯದಲ್ಲಿ ಹಾಜರುಪಡಿಸಲಾಗಿದ್ದು ಅವರನ್ನು ರಿಮಾಂಡ್‌ ಹೋಮ್‌ಗೆ ಕಳುಹಿಸಲಾಗಿದೆ. 

Disclaimer:The views expressed in comments section published on Udayavani.com are those of comment writers alone. They do not represent the views or opinions of Udayavani.com, its staff or The Manipal Group, or any entity associated with The Manipal Group. Udayavani.com reserves rights to remove a comment or all the comments any time.

To report any comment you can email us at udayavani.response@manipalgroup.info. We will review the request and delete the comments.


ಈ ವಿಭಾಗದಿಂದ ಇನ್ನಷ್ಟು

ಹೊಸ ಸೇರ್ಪಡೆ