ಸುಕನ್ಯಾ ಸಮೃದ್ಧಿ ಕನಿಷ್ಠ ಠೇವಣಿ ಮಿತಿ 250 ರೂ.ಗೆ ಇಳಿಕೆ

Team Udayavani, Jul 23, 2018, 6:00 AM IST

ನವದೆಹಲಿ: ಸುಕನ್ಯಾ ಸಮೃದ್ಧಿ ಯೋಜನೆಯಲ್ಲಿ ಹೂಡಿಕೆ ಮಾಡುವ ವಾರ್ಷಿಕ ಕನಿಷ್ಠ ಮಿತಿಯನ್ನು ಈಗಿನ 1000 ರೂ. ಇಂದ 250 ರೂ.ಗೆ ಕೇಂದ್ರ ಸರ್ಕಾರ ಇಳಿಕೆ ಮಾಡಿದೆ. ಹೆಣ್ಣುಮಕ್ಕಳಿಗಾಗಿ ಉಳಿತಾಯ ಯೋಜನೆಯ ಲಾಭವನ್ನು ಬಡವರ್ಗದ ಜನರೂ ತೆಗೆದುಕೊಳ್ಳಲು ಅನುಕೂಲವಾಗುವಂತೆ ಈ ಕ್ರಮ ಕೈಗೊಳ್ಳಲಾಗಿದೆ.

ಸುಕನ್ಯಾ ಸಮೃದ್ಧಿ ಖಾತೆ ನಿಯಮಗಳು 2016ಕ್ಕೆ ಬದಲಾವಣೆ ತರಲಾಗಿದ್ದು, ಎರಡನೇ ವರ್ಷ ಖಾತೆಯಲ್ಲಿ ಹೂಡಿಕೆ ಮಾಡುವ ಮೊತ್ತವನ್ನೂ 250 ರೂ.ಗೆ ಇಳಿಕೆ ಮಾಡಲಾಗಿದೆ. ಗರಿಷ್ಠ ವಾರ್ಷಿಕ 1.50 ಲಕ್ಷ ರೂ. ಹೂಡಿಕೆ ಮಾಡಬಹುದಾಗಿದೆ. ಸದ್ಯ ಈ ಯೋಜನೆ ಅಡಿಯಲ್ಲಿ ಠೇವಣಿ ಇಟ್ಟ ಮೊತ್ತಕ್ಕೆ ಶೇ.8.1ರಷ್ಟು ಬಡ್ಡಿ ಲಭ್ಯವಾಗುತ್ತಿದ್ದು, ಪ್ರತಿ ತ್ತೈಮಾಸಿಕಕ್ಕೂ ಬದಲಾವಣೆ ಮಾಡಲಾಗುತ್ತಿದೆ. ಒಟ್ಟು 1.26 ಕೋಟಿ ಖಾತೆಗಳನ್ನು 2017 ನವೆಂಬರ್‌ವರೆಗೆ ತೆರೆಯಲಾಗಿದ್ದು, ಒಟ್ಟು 19,183 ಕೋಟಿ ರೂ. ಹೂಡಿಕೆ ಮಾಡಲಾಗಿದೆ.