ಪ್ರಿಯತಮೆ ನೋಡಲು ನಡುರಾತ್ರಿ ಮನೆಗೆ ಹೋದ ಪ್ರಿಯಕರ: ಸಿಕ್ಕಿಬಿದ್ದು ಓಡುವಾಗ ಬಾವಿಗೆ ಬಿದ್ದ.!

Team Udayavani, Dec 13, 2022, 11:03 AM IST

ಪಾಟ್ನಾ: ಪ್ರೇಯಸಿಯನ್ನು ಭೇಟಿಯಾಗಲು ಪ್ರಿಯಕರನೊಬ್ಬ ನಡುರಾತ್ರಿ ಆಕೆಯ ಮನೆಗೆ ಹೋಗಿ ಅಪಾಯಕ್ಕೆ ಸಿಲುಕಿಕೊಂಡು ಘಟನೆ ಬಿಹಾರದ ಛಾಪ್ರದಲ್ಲಿ ಇತ್ತೀಚೆಗೆ ನಡೆದಿದೆ.

ಛಾಪ್ರ ಜಿಲ್ಲೆಯ ಮೋತಿರಾಜಪುರದಿಂದ ಮುನ್ನರಾಜ್ ತನ್ನ ಪ್ರೇಯಸಿಯನ್ನು ಭೇಟಿಯಾಗಲು ರಹಸ್ಯವಾಗಿ ಆಕೆಯ ಮನೆಗೆ ಹೋಗಿದ್ದಾನೆ. ನಡುರಾತ್ರಿ ಮನೆಯಲ್ಲಿ ಎಲ್ಲರೂ ಮಲಗಿರುವಾಗ, ತನ್ನ ಪ್ರೇಯಸಿ ತನಗಾಗಿ ಕಾಯುತ್ತಿರುತ್ತಾಳೆಂದು ಮುನ್ನರಾಜ್‌ ಮೆಲ್ಲ ಮೆಲ್ಲನೆ ಹೆಜ್ಜೆಯನ್ನಿಡುತ್ತಾ ಪ್ರಿಯತಮೆ ಮನೆಯತ್ತ ತೆರಳುತ್ತಾನೆ. ಮಹಡಿಯ ಮೇಲೆ ಹತ್ತಲು ಯತ್ನಿಸುವಾಗ ಹುಡುಗಿ ಮನೆಯವರು ಮನೆಗೆ ಯಾರೋ ಬಂದಿದ್ದಾರೆ ಎಂದು ಎಚ್ಚರಗೊಂಡಿದ್ದಾರೆ.

ಸದ್ದು ಬಂದ ಕೂಡಲೇ ಎಚ್ಚರಗೊಂಡ ಹುಡುಗಿ ಮನೆಯವರು ಮುನ್ನರಾಜ್‌ ನನ್ನು ನೋಡುತ್ತಾರೆ. ಆತ ಯಾರೆಂದು ನೋಡಿದಾಗ, ಮುನ್ನರಾಜ್‌ ಭಯದಿಂದ ಓಡಲು ಆರಂಭಿಸಿದ್ದಾನೆ. ಇನ್ನೇನು ತಾನು ಹುಡುಗಿ ಮನೆಯವರ ಕೈಯಿಗೆ ಸಿಕ್ಕಿ ಪೆಟ್ಟು ತಿನ್ನುತ್ತೇನೆ ಎನ್ನುವಾಗಲೇ ಅಲ್ಲೇ ಇದ್ದ ಬಾವಿಯೊಂದಕ್ಕೆ ಹಾರಿ ಪ್ರಾಣ ಉಳಿಸಿಕೊಳ್ಳಲು ಯತ್ನಿಸುತ್ತಾನೆ.

ಬಾವಿಗೆ ಹಾರಿದ್ದನ್ನು ಕಂಡ ಜನ. ಬಳಿಕ ಆತನನ್ನು ಮೇಲಕ್ಕೆತ್ತಿ ವಿಚಾರಣೆ ಮಾಡಿದ್ದಾರೆ. ಆಗ ಮುನ್ನರಾಜ್‌ ಅವರ ಪ್ರೇಮ ಪುರಾಣ ಹೊರ ಬಂದಿದೆ. ಬಳಿಕ ಪ್ರೇಮಿಗಳು ಹಾಗೂ ಅವರಿಬ್ಬರ ಮನೆಯವರನ್ನು ಪಂಚಾಯ್ತಿ ಕಟ್ಟೆಯಲ್ಲಿ ಕೂರಿಸಿಕೊಂಡು  ಸಂಧಾನ ಮಾಡಿ, ದೇವಸ್ಥಾನದಲ್ಲಿ ಇಬ್ಬರ ಮದುವೆಯನ್ನು ನೆರವೇರಿಸಿರುವುದಾಗಿ ವರದಿ ತಿಳಿಸಿದೆ.