ಯುಪಿ ಅಸೆಂಬ್ಲಿಗೆ ಕೈಕೈ ಹಿಡಿದು ಬಂದ ಯೋಗಿ, ಆಜಂ ಖಾನ್‌, Watch

Team Udayavani, Dec 15, 2017, 4:23 PM IST

ಲಕ್ನೋ : ಉತ್ತರ ಪ್ರದೇಶ ವಿಧಾನಸಭೆಯ ಚಳಿಗಾಲದ ಅಧಿವೇಶನದ ನಿನ್ನೆ ಗುರುವಾರದ ಮೊದಲ ದಿನದ ಕಲಾಪ ಅತ್ಯಪರೂಪದ ಸ್ನೇಹ ಪ್ರದರ್ಶನಕ್ಕೆ ಸಾಕ್ಷಿಯಾಯಿತು.

ರಾಜಕೀಯ ರಂಗದಲ್ಲಿ  ಹಾವು – ಮುಂಗುಸಿ ಎಂಬಂತಿರುವ ಮುಖ್ಯಮಂತ್ರಿ ಯೋಗಿ ಆದಿತ್ಯನಾಥ್‌ ಮತ್ತು ಸಮಾಜವಾದಿ ಪಕ್ಷದ ವಿವಾದಿತ ನಾಯಕ ಆಜಂ ಖಾನ್‌ ಕೈ ಕೈ ಹಿಡಿದುಕೊಂಡು, ಬಹುಕಾಲದ ಅಪ್ಪಟ ಸ್ನೇಹಿತರಂತೆ ವಿಧಾನಸಭೆ ಕಾರಿಡಾರ್‌ಗೆ ನಡೆದು ಬಂದರು. 

ಸದಾ ಪರಸ್ಪರ ವಾಕ್‌ ಸಮರದಲ್ಲೇ ನಿರತರಾಗುವ ಈ ಇಬ್ಬರು ನಾಯಕರು ಕೈ ಕೈ ಹಿಡಿದುಕೊಂಡು ವಿಧಾನಸಭೆ ಕಾರಿಡಾರ್‌ಗೆ ನಡೆದುಕೊಂಡು ಬರುತ್ತಿರುವುದನ್ನು ಕಂಡು ಚಕಿತರಾದ ಮಾಧ್ಯಮ ಮಂದಿ ಒಡನೆಯೇ ಈ ನಾಯಕರಿಂದ ಅಪರೂಪದ ಪೋಸ್‌ ಪಡೆದುಕೊಂಡು ತಮ್ಮ ಕ್ಯಾಮೆರಾದಲ್ಲಿ “ಸಾರ್ವಕಾಲಿಕ ದಾಖಲೆ” ಗಾಗಿ  ಕ್ಲಿಕ್ಕಿಸಿಸಿಕೊಂಡರು. 

ಸಿಎಂ ಯೋಗಿ ಆದಿತ್ಯನಾಥ್‌ ಮತ್ತು ಆಜಂ ಖಾನ್‌ ಬಹುತೇಕ ಒಂದೇ ಹೊತ್ತಿನಲ್ಲಿ ವಿಧಾನಸಭೆಯ ಕಾರಿಡಾರ್‌ ಪ್ರವೇಶಿಸಿದಾಗ ಉಭಯತರು ಪರಸ್ಪರರನ್ನು ಅಭಿನಂದಿಸಿ ಕೈಕೈ ಹಿಡಿದುಕೊಂಡು ಕಾರಿಡಾರ್‌ ಪ್ರವೇಶಿಸಿದರು. 

ಈ ಹಿಂದೆ ಯೋಗಿ ಆದಿತ್ಯನಾಥ್‌ ಅವರು “ನಮಾಜ್‌ ಮತ್ತು ಸೂರ್ಯ ನಮಸ್ಕಾರ ಒಂದೇ’ ಎಂದು ಹೇಳಿದ್ದರು; ಅದಕ್ಕೆ ಉತ್ತರವಾಗಿ ಆಜಂ ಖಾನ್‌, “ಹಾಗಿದ್ದರೆ ನೀವು ಸೂರ್ಯ ನಮಸ್ಕಾರಕ್ಕೆ ಬದಲಾಗಿ ನಮಾಜ್‌ ಮಾಡಲು ಬಯಸುವಿರಾ?’ ಎಂದು ವ್ಯಂಗ್ಯವಾಡಿದ್ದರು. ಮಾತ್ರವಲ್ಲದೆ ನಮಾಜ್‌ ಮಾಡುವುದಕ್ಕೆ ಆದಿತ್ಯನಾಥ್‌ ಅವರನ್ನು ಯಾರೂ ನಿರ್ಬಂಧಿಸುವುದಿಲ್ಲ’ ಎಂದೂ ಹೇಳಿದ್ದರು. 


ಈ ವಿಭಾಗದಿಂದ ಇನ್ನಷ್ಟು

ಹೊಸ ಸೇರ್ಪಡೆ