ಸೈಲಿಂಗ್ನಲ್ಲಿ ತೇಲಿ ಬಂತು 3 ಪದಕ
Team Udayavani, Sep 1, 2018, 6:00 AM IST
ಜಕಾರ್ತಾ: ಶುಕ್ರವಾರದ ಏಶ್ಯಾಡ್ ಸೈಲಿಂಗ್ ಸ್ಪರ್ಧೆಯಲ್ಲಿ ಭಾರತ 3 ಪದಕ ಗೆಲ್ಲುವಲ್ಲಿ ಯಶಸ್ವಿಯಾಗಿದೆ. ಇದರಲ್ಲಿ ಒಂದು ಬೆಳ್ಳಿಯಾದರೆ, ಉಳಿದೆರಡು ಕಂಚಿನ ಪದಕಗಳಾಗಿವೆ. ವನಿತೆಯರ 49ಇಆರ್ ಎಫ್ಎಕ್ಸ್ ಫೈನಲ್ನಲ್ಲಿ ವರ್ಷಾ ಗೌತಮ್-ಶ್ವೇತಾ ಶೇರ್ವೆಗಾರ್ ಬೆಳ್ಳಿ ಪದಕ ಗೆದ್ದು ಸಂಭ್ರಮಿಸಿದರು. ವನಿತೆಯರ ಓಪನ್ ಲೇಸರ್ 4.7 ಸ್ಪರ್ಧೆಯಲ್ಲಿ ಹರ್ಷಿತಾ ತೋಮರ್ ಕಂಚಿನ ಪದಕ ಜಯಿಸಿದರು.
ಪುರುಷರ 49ಇಆರ್ ಸ್ಪರ್ಧೆಯಲ್ಲಿ ವರುಣ್ ಥಕ್ಕರ್-ಚೆಂಗಪ್ಪ ಗಣಪತಿ ಕೆಲಪಂಡ ಕಂಚಿನ ಪದಕವನ್ನು ತಮ್ಮ ದಾಗಿಸಿಕೊಂಡರು. ಇವರಿಬ್ಬರು 15 ರೇಸ್ಗಳ ಬಳಿಕ ಒಟ್ಟು 40 ಅಂಕ ಕಲೆಹಾಕಿದರು. 20ರ ಹರೆಯದ ವರ್ಷಾ ಗೌತಮ್-27ರ ಹರೆಯದ ಶ್ವೇತಾ ಶೇರ್ವೆಗಾರ್ 15 ರೇಸ್ಗಳಲ್ಲಿ ಒಟ್ಟು 40 ಅಂಕ ಗಳಿಸಿ ದ್ವಿತೀಯ ಸ್ಥಾನಿಯಾದರು. 16ರ ಹರೆಯದ ಹರ್ಷಿತಾ ತೋಮರ್ಗೆ 12 ರೇಸ್ಗಳಲ್ಲಿ 62 ಅಂಕ ಲಭಿಸಿತು.
“ಇದೊಂದು ಅಸಾಮಾನ್ಯ ಅನುಭವ. ದೇಶಕ್ಕಾಗಿ ಪದಕ ತಂದ ಈ ಗಳಿಗೆ ನಿಜಕ್ಕೂ ಸ್ಮರಣೀಯ. ಇದನ್ನು ಬಣ್ಣಿಸಲಾಗುತ್ತಿಲ್ಲ. ನನ್ನ ಪಾಲಿಗೆ ಇದೊಂದು ಕಲಿಕೆಯ ಅನುಭವ ತಂದಿತ್ತ ಕೂಟವಾಗಿದೆ’ ಎಂಬುದಾಗಿ ಹರ್ಷಿತಾ ಹರ್ಷ ವ್ಯಕ್ತಪಡಿಸಿದ್ದಾರೆ. ಹರ್ಷಿತಾ ಆರಂಭದಲ್ಲಿ ಈಜುಪಟುವಾಗಿದ್ದರು.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
MUST WATCH
ಹೊಸ ಸೇರ್ಪಡೆ
ಚಿಕ್ಕಮಗಳೂರು: 436 ಗ್ರಾಮಗಳಲ್ಲಿ ಕುಡಿವ ನೀರಿನ ಅಭಾವ
ಸಾಂಸ್ಕೃತಿಕ ಕೇಂದ್ರದ ಉಪಾಧ್ಯಕ್ಷ ಸುಬ್ರಮಣ್ಯ ಹೆಬ್ಬಾಗಿಲು: ಕೃತಜ್ಞತೆ, ಗೌರವ
ಏಕಾಏಕಿ ಯು-ಟರ್ನ್ ತೆಗೆದ ಟ್ರಕ್ ಚಾಲಕ… ಕಾರು ಡಿಕ್ಕಿ ಹೊಡೆದು 6 ಮಂದಿ ಸ್ಥಳದಲ್ಲೇ ಮೃತ್ಯು
ಪ್ರಜ್ವಲ್ ಪ್ರಕರಣ ತನಿಖೆಯಲ್ಲಿದ್ದರೂ ಬಿಜೆಪಿಯಿಂದ ರಾಜಕೀಯ:ಸಚಿವ ಬಿ. ನಾಗೇಂದ್ರ
ಉಡುಪಿ ಜಿಲ್ಲಾ ಕಾರ್ಯನಿರತ ಪತ್ರಕರ್ತರ ಸಂಘದ ಮಹಾಸಭೆ