ಹಾಕಿ: ಭಾರತ ಸಿಡಿಸಿತು 26 ಗೋಲು!
Team Udayavani, Aug 23, 2018, 6:00 AM IST
ಜಕಾರ್ತಾ: ಏಶ್ಯಾಡ್ ಹಾಕಿ ಕೂಟದ ಬುಧವಾರದ ಲೀಗ್ ಪಂದ್ಯದಲ್ಲಿ ಪುರುಷರ ತಂಡ ಹಾಂಕಾಂಗ್ ವಿರುದ್ಧ 26-0 ಗೋಲುಗಳ ಪ್ರಚಂಡ ಗೆಲುವು ಸಾಧಿಸಿದೆ. ಇದು ಭಾರತೀಯ ಹಾಕಿ ಇತಿಹಾಸದ ಅತ್ಯಂತ ದೊಡ್ಡ ಗೆಲುವು ಎಂಬುದು ವಿಶೇಷ.
ಇದರೊಂದಿಗೆ ಭಾರತ 86 ವರ್ಷಗಳ ಗೆಲುವಿನ ದಾಖಲೆಯನ್ನು ಮುರಿಯಿತು. 1932ರ ಒಲಿಂಪಿಕ್ಸ್ನಲ್ಲಿ ಯುಎಸ್ಎ ವಿರುದ್ಧ 24-1 ಅಂತರದ ಗೆಲುವು ಸಾಧಿಸಿದ್ದು ಭಾರತದ ಈವರೆಗಿನ ಅತ್ಯುತ್ತಮ ಸಾಧನೆಯಾಗಿತ್ತು. ಭಾರತ ತನ್ನ ಮೊದಲ ಲೀಗ್ ಪಂದ್ಯದಲ್ಲಿ ಆತಿಥೇಯ ಇಂಡೋನೇಶ್ಯವನ್ನು 17-0 ಅಂತರದಿಂದ ಹಿಮ್ಮೆಟ್ಟಿಸಿತ್ತು. ಇದರೊಂದಿಗೆ ಕೇವಲ 2 ಲೀಗ್ ಪಂದ್ಯಗಳಲ್ಲಿ ಶ್ರೀಜೇಶ್ ಪಡೆ 43 ಗೋಲು ಬಾರಿಸಿ ಮೆರೆಯಿತು!
ಇದು ಭಾರತದ ಸತತ 2ನೇ ಅತೀ ದೊಡ್ಡ ಗೆಲುವು. ಹಿಂದಿನ ಪಂದ್ಯದಲ್ಲಿ ಇಂಡೋನೇಶ್ಯವನ್ನು 17 ಗೋಲುಗಳಿಂದ ಮಣಿಸಿದ್ದು ಭಾರತದ ಏಶ್ಯಾಡ್ ದಾಖಲೆ ಯಾಗಿತ್ತು. ಇದನ್ನು ಎರಡೇ ದಿನಗಳಲ್ಲಿ ಉತ್ತಮಪಡಿಸಿತು. ಭಾರತದ ಇದಕ್ಕೂ ಹಿಂದಿನ ಏಶ್ಯಾಡ್ ದಾಖಲೆ 1982ರಲ್ಲಿ ಬರೆಯಲ್ಪಟ್ಟಿತ್ತು. ಅಂದು ಬಾಂಗ್ಲಾದೇಶವನ್ನು 12-0 ಅಂತರದಿಂದ ಮಣಿಸಿತ್ತು. ಅಂತಾರಾಷ್ಟ್ರೀಯ ಹಾಕಿಯಲ್ಲಿ ಬೃಹತ್ ಗೆಲುವಿನ ದಾಖಲೆ ನ್ಯೂಜಿ ಲ್ಯಾಂಡ್ ಹೆಸರಲ್ಲಿದೆ. 1994ರಲ್ಲಿ ಅದು ಸಮೋವಾವನ್ನು 36-1 ಅಂತರದಿಂದ ಪರಾಭವಗೊಳಿಸಿತ್ತು.
ರೂಪಿಂದರ್ ಪಾಲ್ 5 ಗೋಲು
ಭಾರತದ ಪರ ರೂಪಿಂದರ್ ಪಾಲ್ ಸಿಂಗ್ ಸರ್ವಾಧಿಕ 5 ಗೋಲು ಬಾರಿಸಿದರು. ಹರ್ಮನ್ಪ್ರೀತ್ ಸಿಂಗ್ 4, ಆಕಾಶ್ದೀಪ್ ಸಿಂಗ್ 3, ಲಲಿತ್ ಉಪಾಧ್ಯಾಯ, ವರುಣ್ ಕುಮಾರ್ ಮತ್ತು ಮನ್ಪ್ರೀತ್ ಸಿಂಗ್ ತಲಾ 2 ಗೋಲು ಹೊಡೆದರು. ಉಳಿದ ಗೋಲು ಸಿಡಿಸಿದವರು ಸುನೀಲ್ ಎಸ್.ವಿ., ಸುರೇಂದರ್ ಕುಮಾರ್, ವಿವೇಕ್ ಸಾಗರ್ ಪ್ರಸಾದ್, ಅಮಿತ್ ರೋಹಿದಾಸ್, ಚಿಂಗ್ಲೆನ್ಸನ ಕಾಂಗುಜಮ್, ಮನ್ದೀಪ್ ಸಿಂಗ್, ಸಿಮ್ರನ್ಜಿàತ್ ಸಿಂಗ್ ಮತ್ತು ದಿಲ್ಪ್ರೀತ್ ಸಿಂಗ್. ವಿರಾಮದ ವೇಳೆ ಭಾರತ 14-0 ಗೋಲುಗಳಿಂದ ಮುಂದಿತ್ತು.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
IPL 2024: ಗೆಲುವಿನ ವಿಶ್ವಾಸದಲ್ಲಿ ಕೆಕೆಆರ್
Team India: ಟಿ20 ವಿಶ್ವಕಪ್ ತಂಡ ರಾಹುಲ್ಗೆ ಚಾನ್ಸ್, ಹಾರ್ದಿಕ್ ಪಾಂಡ್ಯಗೆ ಕೊಕ್?
Chess: ವಿಶ್ವ ಚೆಸ್ ಚಾಂಪಿಯನ್ಶಿಪ್: ಆತಿಥ್ಯ ಹಕ್ಕಿಗಾಗಿ ಭಾರತ ಬಿಡ್
Archery World Cup: ಆರ್ಚರಿ ವಿಶ್ವಕಪ್ ರಿಕರ್ವ್ ವಿಭಾಗದಲ್ಲೂ ಭಾರತ ಫೈನಲ್ಗೆ
IPL; ಸನ್ರೈಸರ್ಸ್ ಹೈದರಾಬಾದ್ ವಿರುದ್ಧ ಜಯದ ನಗು ಬೀರಿದ ಆರ್ ಸಿಬಿ