ಯಾರ್ಕ್ಶೈರ್ ಕೌಂಟಿ ಕ್ಲಬ್ಗ ಜೆನೆತ್ ಬೇರ್ಸ್ಟೊ ಉಪಾಧ್ಯಕ್ಷೆ
Team Udayavani, Mar 23, 2020, 6:15 AM IST
ಲಂಡನ್: ಇಂಗ್ಲೆಂಡ್ ಕ್ರಿಕೆಟ್ ತಂಡದ ವಿಕೆಟ್ ಕೀಪರ್ ಜಾನಿ ಬೇರ್ಸ್ಟೊ ಅವರ ತಾಯಿ ಜೆನೆತ್ ಬೇರ್ಸ್ಟೊ ಯಾರ್ಕ್ಶೈರ್ ಕೌಂಟಿ ಕ್ರಿಕೆಟ್ ಕ್ಲಬ್ನ ಉಪಾಧ್ಯಕ್ಷೆಯಾಗಿ ಆಯ್ಕೆಯಾಗಿದ್ದಾರೆ. ಅವರು ಈ ಹುದ್ದೆ ಅಲಂಕರಿಸಿದ ಮೊದಲ ಮಹಿಳೆ ಎಂಬುದು ವಿಶೇಷ.
ಯಾರ್ಕ್ಶೈರ್ ಕ್ರಿಕೆಟ್ ಮಂಡಳಿಯಲ್ಲಿ ಆಡಳಿತ ಅಧಿಕಾರಿಯಾಗಿ ಸೇವೆ ಸಲ್ಲಿಸಿದ ಜೆನೆತ್ ಅವರನ್ನು ಕೌಂಟಿ ಕ್ಲಬ್ಗಳ ವಾರ್ಷಿಕ ಸಾಮಾನ್ಯ ಸಭೆಯಲ್ಲಿ ಉಪಾಧ್ಯಕ್ಷೆಯಾಗಿ ನೇಮಕ ಮಾಡಲಾಯಿತು. ಜೆನೆತ್ ಹೇಡಿಂಗ್ಲೆಯಲ್ಲಿ ಕ್ರಿಕೆಟ್ ಆಡಳಿತ ಮಂಡಳಿಯಲ್ಲಿ ಕರ್ತವ್ಯ ನಿಭಾಯಿಸಿದ ಅನುಭವ ಹೊಂದಿದ್ದಾರೆ. ಜೆನೆತ್ ಅವರ ಪತಿ ಡೇವಿಡ್ ಬೇರ್ಸ್ಟೊ ಯಾರ್ಕ್ಶೈರ್ ಪರ ಕೌಂಟಿ ಕ್ರಿಕೆಟ್ ಆಡಿದ್ದರು.
ಮಾರ್ಕ್ ಆರ್ಥರ್ ಯಾರ್ಕ್ಶೈರ್ ಕ್ರಿಕೆಟ್ ಕೌಂಟಿಯ ಮುಖ್ಯ ಕಾರ್ಯನಿರ್ವಹಣಾಧಿಕಾರಿಯಾಗಿ ಪುನರಾಯ್ಕೆಗೊಂಡಿದ್ದಾರೆ. 2020ರ ಕೊನೆಯ ತನಕ ಮಾಜಿ ಆಫ್ ಸ್ಪಿನ್ನರ್ ಜೆಫ್ ಕೋಪ್ ಅಧ್ಯಕ್ಷರಾಗಿ ಮುಂದುವರಿಯಲಿದ್ದಾರೆ. ಇದೇ ವೇಳೆ 20 ವರ್ಷಗಳ ಕಾಲ ಚೇರ್ಮನ್ ಹುದ್ದೆಯಲ್ಲಿದ್ದ ರಾಬಿನ್ ಸ್ಮಿತ್ ಅಧಿಕಾರದಿಂದ ಕೆಳಗಿಳಿದಿದ್ದಾರೆ.