ಅಫ್ಘಾನ್‌ ಬೌಲಿಂಗ್‌ ದಾಳಿ; ಅಪಾಯದಲ್ಲಿ ಬಾಂಗ್ಲಾ

ಬಾಂಗ್ಲಾ ಜಯಕ್ಕೆ 398 ರನ್‌ ಗುರಿ; 136ಕ್ಕೆ 6 ವಿಕೆಟ್‌ ಪತನ

Team Udayavani, Sep 9, 2019, 5:14 AM IST

ಚಿತ್ತಗಾಂಗ್‌: ಅಫ್ಘಾನಿಸ್ಥಾನ ಐತಿಹಾಸಿಕ ಗೆಲುವಿನ ಬಾಗಿಲಲ್ಲಿ ನಿಂತಿದೆ. ಚಿತ್ತಗಾಂಗ್‌ ಟೆಸ್ಟ್‌ ಪಂದ್ಯದಲ್ಲಿ ಆತಿಥೇಯ ಬಾಂಗ್ಲಾದೇಶವನ್ನು ಹಣಿಯಲು ಎಲ್ಲ ರೀತಿಯಲ್ಲೂ ಸಜ್ಜಾಗಿದೆ. ಸೋಮವಾರ ಮಳೆ ಸಹಕರಿಸಿದರೆ ರಶೀದ್‌ ಖಾನ್‌ ಪಡೆ ಇದರಲ್ಲಿ ಯಶಸ್ಸು ಕಾಣುವುದರಲ್ಲಿ ಅನುಮಾನವಿಲ್ಲ.

ಗೆಲುವಿಗೆ 398 ರನ್ನುಗಳ ದೊಡ್ಡ ಗುರಿ ಪಡೆದಿರುವ ಬಾಂಗ್ಲಾದೇಶ, ಮಳೆಯಿಂದ 4ನೇ ದಿನದಾಟ ಬೇಗನೇ ಕೊನೆಗೊಂಡಾಗ 6 ವಿಕೆಟಿಗೆ 136 ರನ್‌ ಗಳಿಸಿ ತೀವ್ರ ಸಂಕಟದಲ್ಲಿತ್ತು. ಸೋಮವಾರ ಪಂದ್ಯದ ಅಂತಿಮ ದಿನವಾಗಿದ್ದು, ಉಳಿದ 4 ವಿಕೆಟ್‌ಗಳಿಂದ 262 ರನ್‌ ಗಳಿಸಬೇಕಿದೆ ಅಥವಾ ಕೆಲವು ವಿಕೆಟ್‌ ಉಳಿಸಿಕೊಂಡು ಪಂದ್ಯವನ್ನು ಡ್ರಾಗೊಳಿಸಬೇಕಿದೆ. ಈಗಿನ ಸ್ಥಿತಿಯಲ್ಲಿ ಬಾಂಗ್ಲಾ ಪಾಲಿಗೆ ಇದೆರಡೂ ಕಠಿನ ಸವಾಲೇ ಆಗಿದೆ. ನಾಯಕ ಶಕಿಬ್‌ ಅಲ್‌ ಹಸನ್‌ (39) ಮತ್ತು ಸೌಮ್ಯ ಸರ್ಕಾರ್‌ (0) ಬ್ಯಾಟಿಂಗ್‌ ಕಾಯ್ದುಕೊಂಡಿದ್ದು, ಇವರ ಹೋರಾಟ ಎಲ್ಲಿಯ ತನಕ ಜಾರಿಯಲ್ಲಿರುತ್ತದೆ ಎಂಬುದರ ಮೇಲೆ ಬಾಂಗ್ಲಾ ತಂಡದ ಭವಿಷ್ಯ ಅಡಗಿದೆ.

137 ರನ್ನುಗಳ ಉತ್ತಮ ಮುನ್ನಡೆ ಗಳಿಸಿದ ಅಫ್ಘಾನಿಸ್ಥಾನ, ದ್ವಿತೀಯ ಸರದಿಯಲ್ಲಿ 260 ರನ್‌ ಗಳಿಸಿತು. ಬಾಂಗ್ಲಾ 398 ರನ್‌ ಗುರಿ ಪಡೆಯಿತು. ಘಾತಕ ಬೌಲಿಂಗ್‌ ಪ್ರದರ್ಶಿಸಿದ ರಶೀದ್‌ ಖಾನ್‌ (46ಕ್ಕೆ 3) ಮತ್ತು ಜಹೀರ್‌ ಖಾನ್‌ (36ಕ್ಕೆ 2) ಆತಿಥೇಯರಿಗೆ ಸಿಂಹಸ್ವಪ್ನರಾಗಿ ಕಾಡಿದ್ದಾರೆ.ಆರಂಭಕಾರ ಶದ್ಮಾನ್‌ ಇಸ್ಲಾಮ್‌ 41 ರನ್‌ ಹೊರತುಪಡಿಸಿ ಉಳಿದ ವಿಕೆಟ್‌ಗಳು ಅಗ್ಗಕ್ಕೆ ಉರುಳಿವೆ.

ಸಂಕ್ಷಿಪ್ತ ಸ್ಕೋರ್‌
ಅಫ್ಘಾನಿಸ್ಥಾನ-342 ಮತ್ತು 260. ಬಾಂಗ್ಲಾದೇಶ-205 ಮತ್ತು 6 ವಿಕೆಟಿಗೆ 136 (ಶದ್ಮಾನ್‌ 41, ರಹೀಂ 23, ಶಕಿಬ್‌ ಬ್ಯಾಟಿಂಗ್‌ 39, ರಶೀದ್‌ 46ಕ್ಕೆ 3, ಜಹೀರ್‌ 36ಕ್ಕೆ 2).

Disclaimer:The views expressed in comments section published on Udayavani.com are those of comment writers alone. They do not represent the views or opinions of Udayavani.com, its staff or The Manipal Group, or any entity associated with The Manipal Group. Udayavani.com reserves rights to remove a comment or all the comments any time.

To report any comment you can email us at udayavani.response@manipalgroup.info. We will review the request and delete the comments.


ಈ ವಿಭಾಗದಿಂದ ಇನ್ನಷ್ಟು

ಹೊಸ ಸೇರ್ಪಡೆ

  • ಪ್ರಿಸ್ಕೂಲ್‌ ನಡೆಸುವ ಗೆಳತಿ, ಎರಡು ದಿನ ರಜೆಯಲ್ಲಿ ಮಕ್ಕಳನ್ನು ನೋಡಿಕೊಳ್ಳಲು ಆಗದೆ ಒದ್ದಾಡ್ತೀರ. ನಾವು ವಾರಪೂರ್ತಿ ಅವರನ್ನು ನೋಡಿಕೊಳ್ತೀವಲ್ಲ, ನಮ್ಮ...

  • ಬೆಂಗಳೂರು: ಸಂಚಾರ ನಿಯಮ ಉಲ್ಲಂಘನೆಗೆ ವಿಧಿಸಿರುವ ಭಾರೀ ದಂಡ ಪ್ರಮಾಣವನ್ನು ತಗ್ಗಿಸಲು ರಾಜ್ಯ ಸರಕಾರ ಮುಂದಾಗಿದ್ದರೂ ಕಾಯ್ದೆಯಲ್ಲಿ ನಾಲ್ಕೆ „ದು ಪ್ರಕರಣಗಳನ್ನು...

  • ಹೊಸದಿಲ್ಲಿ: ಕರ್ನಾಟಕದ 17 ಅನರ್ಹ ಶಾಸಕರ ಅರ್ಜಿ ವಿಚಾರಣೆ ಮತ್ತೆ ಮುಂದೂಡಿಕೆಯಾಗಿದೆ. ಸುಪ್ರೀಂ ಕೋರ್ಟ್‌ನ ನ್ಯಾಯಪೀಠದಲ್ಲಿದ್ದ, ಕರ್ನಾಟಕ ಮೂಲದ ನ್ಯಾ| ಮೋಹನ ಎಂ....

  • ಚಾಂಗ್‌ಝು (ಚೀನ): ಭಾರತದ ಮಿಕ್ಸೆಡ್‌ ಡಬಲ್ಸ್‌ ತಾರೆಯರಾದ ಸಾತ್ವಿಕ್‌ಸಾಯಿರಾಜ್‌ ರಾಂಕಿರೆಡ್ಡಿ ಮತ್ತು ಅಶ್ವಿ‌ನಿ ಪೊನ್ನಪ್ಪ ಅವರು ಚೀನ ಓಪನ್‌ ಬ್ಯಾಡ್ಮಿಂಟನ್‌...

  • ನವದೆಹಲಿ: ಏರ್‌ಸೆಲ್‌- ಮ್ಯಾಕ್ಸಿಸ್‌ ಡೀಲ್‌ಗೆ ಸಂಬಂಧಿಸಿದ ಎಲ್ಲಾ ಪ್ರಕರಣಗಳು ಹಾಗೂ 2ಜಿ ತರಂಗಾಂತರ ಹಂಚಿಕೆಗೆ ಸಂಬಂಧಿಸಿದ ಎಲ್ಲ ಕೇಸುಗಳನ್ನೂ ನ್ಯಾಯಾಧೀಶ...