ದುಬಾೖ ಕಬಡ್ಡಿ ಲೀಗ್: ಪಾಕ್ ವಿರುದ್ಧ ಭಾರತ ಜಯ
Team Udayavani, Jun 23, 2018, 6:00 AM IST
ದುಬಾೖ: ಇಲ್ಲಿನ “ಅಲ್ ವಾಸಲ್ ನ್ಪೋರ್ಟ್ಸ್ ಕ್ಲಬ್’ನಲ್ಲಿ ಆರಂಭವಾದ ಮೊದಲ ಆವೃತ್ತಿಯ “ದುಬಾೖ ಕಬಡ್ಡಿ ಮಾಸ್ಟರ್ ಲೀಗ್’ ಉದ್ಘಾಟನಾ ಪಂದ್ಯದಲ್ಲಿ ಭಾರತ 36-20 ಅಂತರದಿಂದ ಪಾಕಿಸ್ಥಾನವನ್ನು ಹಿಮ್ಮೆಟ್ಟಿಸಿದೆ.
ಶುಕ್ರವಾರ ರಾತ್ರಿ ನಡೆದ ಪಂದ್ಯದ ಆರಂಭದಲ್ಲಿ ಎರಡೂ ತಂಡಗಳಿಂದ ಪ್ರಬಲ ಹೋರಾಟ ಕಂಡುಬಂತು. ಭಾರತೀಯ ಆಟಗಾರರು ಪಾಕ್ ಆಟಗಾರರ ಮೇಲೆ ಹಿಡಿತವನ್ನು ಸಾಧಿಸಿಕೊಳ್ಳಲು ಯತ್ನಿಸುತ್ತಿದ್ದರು. ಆದರೆ ಪಾಕ್ ಮೊದಲ ಅವಧಿಯಲ್ಲಿ ಬ್ರೇಕ್ ಸಿಕ್ಕಿದಾಗ 9-7ರಿಂದ ಮುನ್ನಡೆ ಪಡೆದುಕೊಂಡು ಅಪಾಯಕಾರಿಯಾಗುವ ಸೂಚನೆ ನೀಡಿತ್ತು. ಆದರೆ ರಾಹುಲ್ ಚೌಧರಿ ಮಿಂಚಿನ ದಾಳಿ ನಡೆಸಿದ್ದರಿಂದ ಪಾಕ್ ಆಲೌಟಾಗಿ 14-8ರಿಂದ ಹಿನ್ನಡೆ ಅನುಭವಿಸಿತು. ಹೀಗೆ ಮುಂದುವರಿದ ಭಾರತ ಮೊದಲ ಅವಧಿಯ ಮುಕ್ತಾಯದ ವೇಳೆಗೆ 22-9 ಅಂಕಗಳಿಂದ ಭಾರೀ ಮುನ್ನಡೆ ಕಾಯ್ದುಕೊಳ್ಳುವಲ್ಲಿ ಯಶಸ್ವಿಯಾಯಿತು.
ಠಾಕೂರ್ ನಿರ್ಣಾಯಕ ಪಾತ್ರ
ದ್ವಿತೀಯಾರ್ಧದಲ್ಲಿ ಪಾಕ್ ಉತ್ತಮವಾಗಿಯೇ ಆಡಿತು. ಮುದಾಸರ್ ಅಲಿ ಪಾಕ್ಗೆ ಕೆಲವು ಅಂಕ ತಂದುಕೊಟ್ಟರು. ಆದರೆ ರೋಹಿತ್ ಕುಮಾರ್, ಅಜಯ್ ಠಾಕೂರ್ ಮುನ್ನಡೆ ಅಂಕವನ್ನು ಕಾಯ್ದುಕೊಂಡಿದ್ದಲ್ಲದೆ ತಂಡಕ್ಕೆ ಗೆಲುವು ತಂದುಕೊಟ್ಟರು. ಅಜಯ್ ಠಾಕೂರ್ ರೈಡಿಂಗ್ನಲ್ಲಿ 8 ಅಂಕ ಸಂಪಾದಿಸಿ ಭಾರತದ ಗೆಲುವಿನಲ್ಲಿ ನಿರ್ಣಾಯಕ ಪಾತ್ರ ವಹಿಸಿದರು. ಅವರಿಗೆ ರೋಹಿತ್ ಕುಮಾರ್ ಉತ್ತಮ ಸಾಥ್ ನೀಡಿದರು.
ಭಾರತ “ಎ’ ವಿಭಾಗದ ದ್ವಿತೀಯ ಪಂದ್ಯದಲ್ಲಿ ರವಿವಾರ ಕೀನ್ಯಾವನ್ನು ಎದುರಿಸಲಿದೆ. ಈ ಪಂದ್ಯ ರಾತ್ರಿ 9 ಗಂಟೆಗೆ ಆರಂಭವಾಗಲಿದೆ.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
MUST WATCH
ಹೊಸ ಸೇರ್ಪಡೆ
ಪ್ರಯಾಣಿಕರ ಗಮನಕ್ಕೆ; ಮಂಗಳೂರಿನಲ್ಲಿ ರೈಲ್ವೇ ಕಾಮಗಾರಿ : ಹಲವು ರೈಲುಗಳ ಸಂಚಾರದಲ್ಲಿ ವ್ಯತ್ಯಯ
Tulu Movie ಮೇ 3: “ಗಬ್ಬರ್ ಸಿಂಗ್’ ತುಳು ಸಿನೆಮಾ ತೆರೆಗೆ
IPL 2024; ಚೆನ್ನೈ ಕಿಂಗ್ಸ್ಗೆ ಚೇಸಿಂಗ್ ಕಿಂಗ್ ಸವಾಲು
Justice: ಕೋಮು ದ್ವೇಷದಿಂದ ಹತ್ಯೆ ಪ್ರಕರಣ; ನಾಲ್ವರು ಅಪರಾಧಿಗಳಿಗೆ ಜೀವಾವಧಿ ಶಿಕ್ಷೆ
Shivamogga; ಮಾಜಿ ಸಿಎಂಗಳ ಕುಟುಂಬ ಕಾಳಗಕ್ಕೆ ಈಶ್ವರಪ್ಪ ರಂಗು!