ಪೆಟ್ರೋಲ್ ಹಾಕುವಾಗ ಗನ್ ಸ್ಫೋಟ ; ಬಂಕ್ನಲ್ಲಿ ಭಾರೀ ಬೆಂಕಿ
Team Udayavani, Mar 9, 2019, 11:54 AM IST
ಚಾಮರಾಜನಗರ: ನಗರದ ಪೆಟ್ರೋಲ್ ಬಂಕ್ವೊಂದರಲ್ಲಿ ಪೆಟ್ರೋಲ್ ತುಂಬಿಸುವ ವೇಳೆ ಗನ್ (ಪೆಟ್ರೋಲ್ ತುಂಬಿಸುವ ಸಾಧನ) ಸ್ಫೋಟಗೊಂಡ ಪರಿಣಾಮ ಭಾರೀ ಬೆಂಕಿ ಅವಘಡ ಸಂಭವಿಸಿದೆ. ಅದೃಷ್ಟವಷಾತ್ ಯಾವುದೇ ಪ್ರಾಣ ಹಾನಿ ಸಂಭವಿಸಿಲ್ಲ.
ಪೆಟ್ರೋಲ್ ಹಾಕಿಸುತ್ತಿದ್ದ ವೇಳೆ ಏಕಾಏಕಿ ಗನ್ ಸ್ಫೋಟವಾಗಿದ್ದು ಬೈಕ್ಗೆ ಬೆಂಕಿ ಹೊತ್ತಿಕೊಂಡಿದೆ. ತಕ್ಷಣ ಅಲ್ಲಿದ್ದವರು ಸ್ಥಳದಿಂದ ದೂರಕ್ಕೆ ಓಡಿದ್ದಾರೆ. ಇಬ್ಬರಿಗೆ ಬೆಂಕಿಯ ಕೆನ್ನಾಲಗೆ ತಾಗಿ ಸಣ್ಣಪುಟ್ಟ ಗಾಯಗಳಾಗಿದ್ದು ಆಸ್ಪತ್ರೆಯಲ್ಲಿ ಚಿಕಿತ್ಸೆ ನೀಡಲಾಗಿದೆ.
ಸ್ಥಳಕ್ಕಾಗಮಿಸಿದ ಅಗ್ನಿ ಶಾಮಕ ದಳದ ಸಿಬಂದಿಗಳು ಬೆಂಕಿಯನ್ನು ನಿಯಂತ್ರಣಕ್ಕೆ ತರಲು ಹರಸಾಹಸ ಪಡಬೇಕಾಯಿತು.